Mvhô paska a lé pou ntseukné tè’. Pharaon a lè nkô’ôtsuèt mèt, njiô pa’ méghang mvhô wônkheu é pou nkwheuté a nteu ala’, ndèè ndeuè mbou Moïse nguè: “Loussi, éfhô nteu ala’ meung ngueô, pè a épouô ala’ Israël. Pè gheuô ngô nguemtè Joovah pa’ pè ndeu poup.” (Ex. 12:31) Joovah a lé tsia poup ntsui léghè a kapté méghang-afa’ pi éfœu’ métseum.

Mpè tchiité ntsi zi méghang-afa’ Joovah é lôk ngô poup anè aya’a, njiô léghè Joovah a zè nkaptè méghang-afa’ pi kapté. Mpè pou nzeung ntswhi njiô poup afœu’ zi mpè gheuô a mia Béthel, ngwoua musée yi a lè “Épouô pi é wè lézeung Joovah.”

TSUI VIDÉO YI LÈ MPÈ GHEUÔ MUSÉE WARWICK: “ÉPOUÔ PI É WÈ LÉZEUNG JOOVAH,” MBING NGUIÈ MÉNZÈTÉ MOUÔ MI É PAATÉ A MBOU ÉPÔ MÉMIA:

• Wô zi’nè Biible é lè anè ngou’ 1914, ndôk éwuè tsitsi swhi seumtè aveung-è nteu épouô anè Biible? A lé ping ntôkô mbông-ô, é lèkô?

• Émiè ménguengue é lé touô anè ngou’ 1916 mbô anè ngou’ 1918? Akô lé tsui éfœu’ mèt nguè Joovah mè tsang-a atchou’té zi?

• Méghang-afa’ Joovah é lé ngning afœu’ zi épouô é lé nông nguenè wôp, é lèkô?

• Méghang-afa’ Joovah é lè anè ngou’ 1935, njou’ô akô? A lé ping nkoumné lénang tsôp é lèkô?

• A ghô yi o lé gheuô ngwoua musée éyi mpè kim la, mbô o lé koo éwou, njiô akô zi a lé gheu o pou mveung té mi’té nguè Joovah a tsang, mbing kapté méghang-afa’ pi?