Léssoo tsi mpè wè pô Joovah é nza’ mia lewou’. Mpè lé fèè nèt nguiè mbou yi mbing nnou’ ntshi, téta’, mpè ké ngô éfœu’ métseum, nzeung fôk mbœu’ ndôk ngheu tè léssoo tsi mpè wè pô yi é ku’né nteueté. A lé tsia anè Meung yi Yésso, ngheu mpè tshouté nèt mbaatè yi. (Jean 6:44) A zeung njou’ mépriya mimpè.—Ps. 34:15.

Mpè ghô ghaa té nkou’té léssoo tsi mpè wè pô Joovah tè teueté? Ta’ ajouô si ngô lé pou mbaa akhouô lézing-è tépông zi épouô ala’ Israël é lé wè. Pô lé kouèt eka pô Joovah, meung-è gha’ éfœu’ a lèè ngué tôk-é, pô lôkô agôô, mbôô akeukeu môô éfông, mbing ntsia poup ngwheuè anè létaa tsi si ngô légheumté méleum tépông. (Ex. 32:7, 8; 1 Cor. 10:7, 11, 14) Awuè-wuè pôngtè lézèté athouô nèt zi nguè: ‘Meung ntshiè mvhô taaté, ngheu lèkô? Tè méngheu-nou ma tsui léghè meung njiô léssoo tsa pô Joovah pa’ ajouô teue-nzwing?’ Mpè kông-ô Joovah té ntseukné, mbô a zang-né a mbou pimpè a lékœue métsoo mi a paa.—Ps. 97:10.

JIÔ VIDÉO YI LÈ KOU’TÉ LÉSSOO TSÈ JOOVAH TÈ É TEUETÉ (Col. 3:5), MBING NTSÔ’ MÉNZÈTÉ MOUÔ MI É PAATÉ:

• Lésseu ajouô gning, a si ngô akô?

• Mpè pôngtè lé pou ngwa’ akegheuô’ pô légheumté méleum tépông, mela’akô?

• Aziè atchouang anè aghaa pô légheumté méleum tépông?

• Épouô pi é wè méfa’ a nguia atchou’té, é pôngtè létchhi-nèt ntoung-né mézwi pôp, mela’akô?