Uw Rogon u Wan’um e Gabul nge Langlath?
Bayi . . .
-
par e re fayleng ney ni ka arrogon, fa?
-
gel e kireb riy, fa?
-
fel’ i yan, fa?
N’EN BE YOG E BIBLE
“Bayi n’ag [Got] urngin e lu’ u owcherad. Ma aram e dab ku unim’, ma dab ki i kireban’uy, ma dab ku un yor, ma dab ku un amith. Ya tin kakrom ban’en e ke chuw.”—Revelation 21:3, 4.
PI N’EN NRAYOG NGOM NFAANRA MICH U WAN’UM E RE N’EY
Yira rin’ boch ban’en nra yib angin.—Isaiah 65:21-23.
Ra chuw e m’ar nge gubin mit e gafgow.—Isaiah 25:8; 33:24.
Ra felfelan’ chon e tabinaw nge pi fager u taabang ndariy n’umngin nap’an.—Psalm 37:11, 29.
RAYOG NI NGE MICH U WAN’DAD E N’EN NI BE YOG E BIBLE?
Arrogon, ya bay l’agruw i fan:
-
Rayog rok Got ni nge lebguy e pi n’en ni ke micheg. Be yog e Bible ni Jehovah Got e ‘Gubin ma Rayog Rok,’ ya dariy e gin nra mus gelngin riy. (Revelation 15:3) Ere, rayog rok ni nge fal’eg e re fayleng ney nge fel’. Be yog e Bible ni, “Got e urngin ban’en ma rayog rok.”—Matthew 19:26.
-
Baadag Got ni nge lebguy e tin ni ke micheg. Jehovah e ke yim’ ni bochan ni nge faseg e piin ni kar m’ad.—Job 14:14, 15, New World Translation.
Be yog e Bible ni i golnag Jesus ni Fak Got e piin nib m’ar. Mang fan ni i rin’ e re n’ey? Ya ba m’agan’ ngay ni nge rin’. (Mark 1:40, 41) Jesus e bod e Chitamangin, ya baadag ni nge ayuweg e piin ni ke t’uf e ayuw rorad.—John 14:9.
Ere, rayog ni nge pagan’dad ni baadag Jehovah nge Jesus ni ngad felfelan’gad ko yafas rodad boch nga m’on!—Psalm 72:12-14; 145:16; 2 Peter 3:9.
NGAN LEMNAG
Uw rogon nra thilyeg Got boch ban’en ko re fayleng ney nge fel’?
Bay e fulweg ko re deer ney u Bible ko MATTHEW 6:9, 10 nge DANIEL 2:44.
You May Also Like
FARE WULYANG KO DAMIT
Tin Riyul’ u Murung’agen e Par Boch Nga M’on
Mu guy rogon ni ngari l’agan’um ko tin ke yog Got u murung’agen rarogon e fayleng boch nga m’on nge piin yad ra par riy.
ESSENTIAL BIBLE TEACHINGS
Mang Gil’ilungun Got?
Nap’an ni i machib Jesus ma Gil’ilungun Got e ir e ba ga’ ni i weliy murung’agen ko girdi’. Ke yoor e chibog ni ma yibilay pi gachalpen e re Gil’ilungun nem ni nge yib.
FARE WULYANG KO DAMIT
Mang e Ra Rin’ Gil’ilungun Got?
Manang Jesus ni yigoo Gil’ilungun Got e kemus e taare am nrayog ni nge pithig urngin e magawon u fayleng. Mang e ke rin’ Gil’ilungun Got nrayog ni nge pi’ e pagan’ ngodad?
MURUNG’AGMAD
Mog ni Nge Yib e Pi Mich Rok Jehovah i Guyem
Mu weliyed e Pi Mich Rok Jehovah murung’agen ban’en ni bay u Bible u taabang, ara mu un ko fol Bible ni gamad ma tay ndariy puluwon.
