NGAN NON NGAK BE’
GURUY NI 5
Ngan Gonop
Kenggin e motochiyel: “Umogned e thin ngorad nib fel’.”—Kol. 4:6.
N’en ni Rin’ Paul
1. Mu yaliy e VIDEO, ara mu beeg e Acts 17:22, 23. Ngemu’ mag lemnag e gal deer ni baaray:
-
Uw rogon u wan’ Paul ngongolen e teliw ni googsur ni i guy u Athens?—Mu guy e Acts 17:16.
-
Uw rogon ni fanay e n’en nib mich u wan’rad ni nge weliy fare thin nib fel’ ngorad ko bin nge yog nib kireb e n’en yad be rin’?
Mang e Gad Be Fil rok Paul?
2. Gad ra gonopiy e n’en nga dogned, nge rogon nge ngiyal’ ni nga dogned, ma dabisiy nra motoyil e girdi’ ngodad.
Mu Folwok rok Paul
3. Mu gonopiy e n’en nga mog. Bod nrayog nib t’uf ni ngam thilyeg rogon ni ngam fanay e Bible ara rogon ni ngam weliy murung’agen Jesus u nap’an ni gimew be non be’ ni gathi ba Kristiano.
4. Dab mu gur ngam yal’uweg be’. Mu pag ni nge weliy laniyan’. Faanra ke yog ban’en nib togopuluw ko machib u Bible, ma dab mu luagew e thin. (Jas. 1:19) Faan ga ra motoyil ngak, ma ga ra nang rogon laniyan’.—Prov. 20:5.
5. Nge m’agan’um ko n’en ke yog ma gog fel’ngin e n’en be rin’. Rayog nrib mich u wan’ nib puluw e n’en ke fil ko teliw rok. Ere mu weliy ban’en nra taareban’mew ngay, mfin mu ayuweg ni nge tamilang u wan’ e n’en be yog e Bible.
