Boor ban’en ni ma rin’ e pi walag nib pin ni fan ko fare maruwel ni machib. (Ps 68:11) Boor e girdi’ ni yad ma fil e Bible ngorad, maku boor i yad e ma regular pioneer. Bokum biyu’ i yad e ma pigpig u Bethel, ara yad boch e missionary, ara yad ma toy boch e naun rodad, ara yad ma pilyeg e babyor. Pi walag nib pin ni kar ilalgad ko tirok Got ban’en e yad ma pi’ e athamgil nga laniyan’ girdien e tabinaw rorad nge pi walag u lan e ulung. (Pr 14:1) Yugu aram rogon ndabiyog ni ngar manged boch e piilal ara ministerial servant, machane ka rayog ni ngar nameged boch ban’en u lan e ulung. Ere faanra gur reb e walag nib pin, ma mang boch ban’en nrayog ni ngam nameg?

• Ngam maruweliy fel’ngin e piin Kristiano.​—1Ti 3:11; 1Pe 3:3-6

• Ngam ayuweg boch e walag nib pin ndawori n’uw nap’rad ko tin riyul’.​—Tit 2:3-5

• Mu yoornag e tayim rom ni fan ko machib mu kum mon’og ko machib ni ga be tay

• Mu fil yugu reb e thin

• Mman mu par nga bang nib t’uf boch e tamachib riy

• Mu fal’eg e babyor rom ni ngam un ko maruwel u Bethel ara ngam un i toy boch e naun rodad

• Mu fal’eg e babyor rom ni ngam un ko fare School for Kingdom Evangelizers

NGAN YALIY FARE VIDEO NI “WOMEN WHO ARE WORKING HARD IN THE LORD,” NGEMU’ MIN PI’ E FULWEG KO RE DEER NEY:

• Uw rogon ni ke pi’ e thin ni ke yog e pi walag nib pin ney e athamgil nga lanin’um?