Kummwela kwa Luzon soni yilumba yine yayiŵandichile maloga

• Pa Okotoba 25, 2020, Chimbungo chamachili mnope (Typhoon Molave) chayiche mu dela ja Albay jajili mu chigawo cha Bicol ku Luzon. Kaneko chimbungochi chayiche pachilumba chosope cha Luzon

• Pa Nofemba 1, 2020, chimbungo chamachili (Super Typhoon Goni), chakusachikolanga kuti Rolly ku Philippines, chayiche ku Catanduanes chachili chilumba chine mu dela ja Bicol ku Luzon. Chimbungochi chajonasilesoni yigawo yine yele chimbungo chine (Typhoon Molave) chaliji chili chijonasilesoni kala yindu yine mu delaji.

• Mbungosi syatendekasisye kuti kuyiche wula ja machili, jajatendekasisye kuti mesi gasewuchile, magesi gasime soni kuti ŵandu asoŵe mesi gambone. Yaliji yakusawusyasoni kuti ŵandu alumbikane kupitila pa foni soni pa intaneti.

• Wula jamachiliji jitendekasisye kuti matope gawuliche mwitumbi lya Mayon. Yimatopeyi yijonasile nyumba syejinji syasyaliji chiŵandika litumbili

• Ŵakulalichila ŵajinji asamile m’nyumba syawo

• Mlongo jwetu jwine jwa yaka 89 juwulele panondi pasamileje. Nyumba jakwe jijonasiche mnope

• Nyumba syakwana134 soni Nyumba sya Uchimwene 8 sijonasiche panandi

• Nyumba syakwana 75 soni Nyumba sya Uchimwene 8 sijonasiche mnope

• Nyumba syakwana 101 soni Nyumba ja Uchimwene jimo syagwile kwene

• Ŵakulolela madela soni achakulungwa ŵa mumpingo akukamula masengo mwakamulana ni makomiti gakamuchisya ŵandu pangosi. Jemanjaji akulolechesya kuti abale ni alongo akwete yakulya, mesi, pakutama soni yindu yine yakusosechela. Abaleŵa akutenda yeleyi pakuya malangiso gakuliŵambachisya ku mlili wa COVID-19

Tupitilisye kwapopelela abale ni alongo ŵetu ŵajakwayiye ngosi jakogoyaji. Ngatukayichila kuti Yehofa chapitilisye kuŵa ‘Atati ŵachanasa soni Mlungu jwakulimbisya mtima mnope’ kwa abale ni alongo ŵetu.—2 Akolinto 1:3.