ŴAKUPOCHELA ACHALENDO Ŵandu ŵeleŵa apali ni chakulinga chakuti atukamuchisye. Tukusosekwa kwapikanila. Mpaka atukamuchisye kupata malo gakutama, gakwimika njinga, galimoto, kapena, pachikamuchisyo chilichose.

UBATISO Pandaŵi ja ngani ja ubatiso, ŵakusaka kubatisidwa akusosekwa kutama kusogolo. Ŵakusaka kubatisidwaŵa atame pamalo gawoga ngani ja ubatiso mkanijiŵe kutanda Lyakuŵeluka kundaŵi. Jwalijose akusosekwa kujigala chakulipukutila soni kuwala mwakulichimbichisya.

YAKUPELEKA Pasosekwe mbiya syejinji kuti tukole upile wakola malo gambone, yakwechesya maloŵe, yipangiso yakulochesya mafidiyo soni yindu yine yejinji. Yeleyi yitukamuchisye kuti tusangalale ni msonganowu soni kuti tumŵandichile Yehofa. Yakupeleka yawo ni yayikamuchisye kuti yeleyi yikomboleche nambosoni yikusakamuchisya pamasengo ga pachilambo chosope. Mabokosi ga yakupeleka gaŵichidwe pamalo gakulekanganalekangana pamsongano awuno. Mpaka apelechesoni kupitila pa webusayiti jetu ja jw.org. Yehofa akusayamichila mnope yakupeleka yawo. Likuga Lyakulongolela likuyamichila mnope yakupeleka yiliyose yampaka apeleche ligongo yikusakamuchisya pamasengo ga Mlungu.

CHIKAMUCHISYO CHA MTELA Chikamuchisyochi chigambile kuŵa pakutandila soni pa yindu yayigambile kutendekwa mwangayijembecheya

YAKWASIKA SONI YAKUSIMANIKWA Naga alokwete kandu akusosekwa kuja kupeleka ku dipatimentiji. Naga ajasile kandu akalolesoni ku dipatimentiji. Ŵanache ŵasoŵile kwa achinangolo ŵawo akapeleche ku dipatimentiji. Nambope pakusaka kuŵambala kwalagasya nganisyo ŵane alolechesyeje kuti akwasamalila chenene ŵanache ŵawo kuti akasokonechela.

MALO GAKUTAMA Tukusosekwa twaganichisyeje achimjetu. Akumbuchile kuti akusosekwa kwasunjila mipando ŵandu ŵa mwiŵasa mwawo, ŵandu ŵali nawo yalumo, ŵakusatama nawo yalumo, kapena ŵakwajiganya Baibulo. Ngakusosekwa kuŵikasoni yindu pamipando janganijitamidwa.

UTUMIKI WAKULIPELEKA Naga akusaka kukamuchisya nawo masengo gagakutendekwa pamsonganowu, tukwaŵenda kuti ajawule kukuŵenda ku Dipatimenti ja Utumiki Wakulipeleka.