Maloŵe Gandanda ga Mbali 4
Mbali ajino jikusala ya Yosefe, Yobu, Mose nambosoni Ayisalayeli. Ŵandu wosopeŵa ŵapilile yakulingwa yakutyocela kwa Satana. Ŵane mwa ŵanduŵa ŵasimene ni yangali cilungamo, ŵawugalile kundende, ŵaliji acikapolo soni ŵane ŵakunonyelwa ŵawo ŵawile. Nambo Yehofa ŵacenjelaga m’matala gakulekanganalekangana. Naga wawojo ali nangolo, amkamucisye mwanace jwawo kulola yiyakamucisye ŵanduŵa kwendelecela kuŵa ŵakulupicika kwa Yehofa atamose kuti ŵasimanaga ni yakusawusya.
Yehofa ŵakamulicisye masengo Milili 10 pakusaka kulosya kuti jwalakwejo ali jwamacili kupunda milungu josope ja ku Iguputo. Agombolecesye yaŵatendaga Yehofa pakwacenjela ŵandu ŵakwe kalakalako soni yakutenda masiku agano pakwacenjela ŵandu ŵakwe.
MU MBALI AJI
Kapolo Juŵampikanilaga Mlungu
Yosefe ŵatendaga yakuŵajilwa nambo ŵasimene ni yakusawusya. Ligongo cici?
Yehofa Nganamliŵalila Yosefe
Atamose kuti Yosefe ŵatamaga kwakutalikangana ni ŵamwiŵasa mwakwe, Mlungu ŵalosisye kuti nganamjasa.
Ana Yobu Ŵaliji Ŵani?
Jwalakwe jwampikanilagape Yehofa atamose kuti kutenda yeleyo kwaliji kwakusawusya.
Mose Jwasagwile Kumlambila Yehofa
Mamagwe Mose, ŵamkulupwisye jwalakwe mwalunda paŵaliji mwanace.
Liwukutu Likolela Moto
Ligongo cici liwukutu lyakolelaga moto nambo ngapya?
Milili Jitatu Jandanda
Falao jwatendekasisye ŵandu ŵakwe kusimana ni yipwetesi ligongo jwakanile kutenda kacindu kamwana ligongo lyakupoka kwakwe.
Milili Msano ni Umo Jakuyicisya
Ana mililiji jaliji jakulekangana catuli ni milili jitatu jandanda jila?
Mlili wa Likumi
Mlili welewu waliji wakogoya mnope mwati wamtendekasisye Falao jwakupoka mnope kunda kuti Ayisalayeli ajawuleje.
Panyasa Jecejewu Patendekwe Cakusimonjesya
Falao jwakulupwice milili jakwana 10, nambo ana jwakulupwice pele Mlungu jwatesile yakusimonjesya?
