Ana yindu yakwe yili chichi? Pa Afilipi 4:8 pakusati tuganichisyeje yindu yiliyose yayili yakuwona, yakuchimbichikwa, yakulungama, yeswela, yakunonyelesya, ni ya uchimbichimbi. Nambope yeleyi, ngayikugopolela kuti Aklistu akusasosekwa kuganichisyaga Malemba ndaŵi jilijose. Atamose yili myoyo, yindu yatukusasagula yiŵeje yakumsangalasya Yehofa. Yindu yatukusaganisya yikatulepelekasyaga kuŵa ŵakulupichika kwa Yehofa.—Sal. 19:14.

Kuŵambala nganisyo syakulemwecheka kuli kwakusawusya. Yili myoyo, ligongo tukusalimbana ni chilu chetu changali umlama soni Satana, “jwele jwali mlungu jwa chilambo chapasi chino.” (2 Akoli. 4:4) Satana akusalimbikasya nganisyo syakusakala kupitila pa Intaneti, TV, m’mawayilesi, m’manyusipepala soni m’mabuku. Tukusosekwa kusamala patukusagula yindu yatukwinjisya munganisyo mwetu, ligongo mpaka yisokonasye kaganisye ketu, yele panyuma pakwe mpaka yikwaye ndamo syetu.—Yak. 1:14, 15.

ALOLELE FIDIYO JAKUTI, AŴAMBALEJE YINDU YAMPAKA YATENDEKASYE KUŴA ŴANGAKULUPICIKA—YAKUSANGALASYA YANGAŴAJILWA, KANEKO AJANJE YIWUSYO AYI:

• Ana m’baleju aloleleje yindu yamtuli pa foni jakwe soni yeleyi yimkwayiye chamtuli?

• Ana lilemba lya Agalatiya 6:7, 8 soni Salimo 119:37 limkamuchisye chamtuli?