Mundu ali ŵawusisye ligongo lyakwe akusakulupilila kuti Mlungu ni juŵapanganyisye chilichose, Ana mpaka ajanje wuli? Kuti amjanje mwakusimichisya akusosekwa kutenda yindu yiŵili ayi. Chandanda, wawojo akusosekwa kupata umboni wakusimichisya kuti yindu yatesile kupanganyidwa. (Alo. 12:1, 2) Kaneko akusosekwa ganichisya mwampaka amlondechesye mundu jwine yindu yakusakulupilila.​—Mis. 15:28.

ALOLELE MAFIDIYO GAKUTI, DOKOTALA JWAKULOLA YA MAWUPA AKULONDESYA YA CHIKULUPI CHAKWE SONI JAKUTI, JWASAYANSI AKULONDESYA YA CHIKULUPI CHAKWE. MU MAFIDIYOGA CHAPATE MAGONGO GAGAKUSATENDEKASYA ŴANDU ŴANE KUKULIPILILA YAKUPANGANYIKWA, KANEKO AJANJE YIWUSYO AYI:

• Ligongo chichi mlongoju jwakulupililaga kuti yindu yatesile kupanganyidwa mmalo mwakulupilila kuti yaumi yatesile kuchenga kutyochela ku yindu yine?

• Ligongo chichi m’baleju jwakulupililaga kuti yindu yatesile kupanganyidwa mmalo mwakulupilila kuti yaumi yatesile kuchenga kutyochela ku yindu yine?

• Ana mpaka amlondechesye chamtuli mundu jwine ligongo lyakwe wawojo akusakulupilila kuti yindu yatesile kupanganyidwa?

• Ana ni yindu yapi yalikopwesye likuga lya Yehofa yayikusimanikwa m’chiŵecheto chawo yampaka yakamuchisye wawojo soni ŵane kusimichisya kuti Mlungu ni juŵapanganyisye yindu yosope?