Yesu jwapelece umi wakwe kuŵa mbopesi kwa ŵandu ŵangali umlama. (Alo. 5:8) Mwangakayicila jwalijose akusayamicila kuti Yesu jwatulosisye cinonyelo cakwe mwakupeleka umi wakwe m’malo mwa m’weji. Nambope, ndaŵi syosope tukusosekwa kumbucilaga kuti Klistu jwawililesoni abale ni alongo ŵetu. Ana mpaka tumsyasye camtuli Klistu pakwalosya cinonyelo abale soni alongo ŵetu ŵele ŵangali umlama mpela m’weji? Aganicisye matala gatatu gakuyicisyaga. Candanda, tukusosekwa konjecesya ŵandu ŵatukusakunguluka nawo kupwatikapo ŵandu ŵatukusalekangana nawo pa yindu yine. (Alo. 15:7; 2 Akoli. 6:12, 13) Caŵili, mpaka tuŵe ŵakusamala kuŵambala kuŵeceta kapena kutenda yindu yampaka yakuŵasye ŵane. (Alo. 14:13-15) Cakumalisya, naga mundu jwine atulemwecesye, mpaka tumkululucile mwacitema. (Luk. 17:3, 4; 23:34) Naga tukutenda mtawu pa kumsyasya Yesu m’matala gelega, nikuti Yehofa cacijendelecela kujaliwa mpingo mwakuwutendekasya kuŵa wamtendele soni wakamulana.

ALOLELE FIDIYO JAKUTI TWAWONEJE ŴANE MWAKUŴAJILWA! KANEKO AJANJE YIWUSYO YAKUYICISYAYI:

• Ana pandanda Miki jwawonaga camtuli abale ni alongo ŵa mumpingo mwakwe?

• Ana cici cacamtendekasisye kucenga kaganisye kakwe?

• Ana cisyasyo ca Yesu camkamucisye camtuli Miki kuti acenje mwaŵawonelaga Aklistu acimjakwe? (Maliko 14:38)

• Ana lilemba lya Misyungu 19:11 mpaka litukamucisye camtuli kuti twawoneje Aklistu acimjetu mwakuŵajilwa?