Misyungu 31:1-31
31 Maloŵe ga Mwenye Lemuyele gagali utenga wakusosekwa mnope wele ŵapochele kutyochela kwa mama ŵawo:
2 Ana namsalile chichi, mmwejo mwanangu,Namsalile chichi, mmwe mwanache jwakutyochela m’chitumbo changu,Ana namsalile yamtuli, mmwejo mwanache jumwapali ligongo lya yilanga yangu?
3 Mkamalila machili genu mwa achakongwe,Soni mkakuya matala gagakusigajonanga mamwenye.
4 Nganiyiŵa yakuŵajilwa kwa mamwenye, mmwe Lemuyele,Nganiyiŵa yakuŵajilwa kuti mamwenye gamweje finyo,Soni nganiyiŵa yakuŵajilwa kuti ŵakulamulila aŵecheteje kuti, “Ana finyo jwangu juli kwapi?”
5 Ni chakulinga chakuti akamwa ni kuliŵalila yayilembedwe m’ChilamusiPanyuma pakwe ni kupindimasya ufulu wa ŵandu ŵakutuluka.
6 Mwapeje ukana ŵandu ŵasigele panandi kuwulajidwaSoni mwapeje finyo ŵandu ŵakulagasika mnope nganisyo.
7 Mwaleche jemanjaji kuti amweje ni kuliŵalila usawuchi wawo.Mwaleche kuti akakumbuchilasoni yakusawusya yawo.
8 Mŵecheteje mmalo mwa ŵandu ŵanganaŵa akombwele kuliŵechetela.Mwuchenjeleje ufulu wa ŵandu ŵasigele panandi kuwulajidwa.
9 Mŵecheteje soni mlamuleje mwachilungamo.Mwuchenjeleje ufulu wa ŵandu ŵakutuluka soni ŵakulaga.
א [Aleph]
10 Ana ŵani ŵampaka ampate jwamkongwe jwambone?*
Mtengo wa jwamkongwe jwelejo uli wapenani mnope kupunda maganga ga kolali.*
ב [Beth]
11 Ŵamkwakwe akusamdalila mnope jwalakwe ni mtima wosope,Soni ŵamkwakwewo ŵangasoŵaga chilichose chakusosechela.
ג [Gimel]
12 Masiku gosope ga umi wakweJwamkongwejo akusiŵatendela ŵamkwakwewo yindu yambone ngaŵaga yakusakala.
ד [Daleth]
13 Jwalakwe akusapata ubweya* soni nguwo.Jwalakwe akusasangalala kukamula masengo ni makono gakwe.
ה [He]
14 Jwalakwe ali mpela masitima ga mundu jwamalonda,Akusayika ni yakulya yakwe kutyochela kwakutalika.
ו [Waw]
15 Jwalakwe akusajimuka kumasikusikuNi kupeleka yakulya kwa ŵandu ŵa m’liŵasa lyakweMwamti akusiŵagaŵila masengo ŵakutumichila ŵakwe ŵachakongwe.
ז [Zayin]
16 Jwalakwe akusaganichisya yakusuma mgunda mwamti akusawusuma.Jwalakwe akusalima mgunda wakwe wa mipeleya* ligongo lya kulimbichila kwakwe.*
ח [Heth]
17 Jwalakwe akusakosechela kukamula masengo gakusawusya,Mwamti akusagalimbisya makono gakwe.
ט [Teth]
18 Jwalakwe akusalolechesya kuti akupindula pa malonda gakwe.Chilo nyali jakwe jangasimaga.
י [Yod]
19 Jwalakwe akusajigala chitela,*Ni kuchinyemba ulusi wachakamulichisye masengo.
כ [Kaph]
20 Jwalakwe akusawugula ligasa lyakwe kuti amkamuchisye mundu jwakutuluka,Akusawugula magasa gakwe kuti ŵakamuchisye ŵandu ŵakulaga.
ל [Lamed]
21 Pandaŵi jakusisima, jwalakwe ŵangadandawula ya ŵandu ŵa m’liŵasa lyakwe,Ligongo ŵa m’liŵasa lyakwe wosope akusaŵa ali awete yakuwala yakuti apikaneje kutukutila.
מ [Mem]
22 Jwalakwe akusapanganya jika nguwo syakutandika pa bedi.
Yakuwala yakwe yikusaŵa ya nguwo syambone soni yaubweya* wakwawulila ku uchejewu.
נ [Nun]
23 Ŵamkwakwe akusamanyika chenene ku mageti ga msinda,Kwakusatama pasikati pa achakulungwakulungwa ŵa chilambocho.
ס [Samekh]
24 Jwalakwe akusapanganya yakuwala ni kuyisumisyagaJwalakwe akusapanganyaga malamba ni kugapelekaga kwa ŵamalonda.
ע [Ayin]
25 Machili soni uchimbichimbi yili mpela yakuwala yakwe,Jwalakwe jwangadandawulaga pakuganichisya yamsogolo.
פ [Pe]
26 Jwalakwe akusawugula pakamwa pakwe mwalunda.Soni lilamusi lya umbone mtima* lili pa lulumi lwakwe.
צ [Tsade]
27 Jwalakwe akusalolela masengo ga pa nyumba jakwe,Jwalakwe jwangalya yakulya yaulesi.
ק [Qoph]
28 Ŵanache ŵakwe akusajima ni kumkolanga jwalakwejo kuti jwana upile.Ŵamkwakwe akusajima ni kumlapilila jwalakwejo.
ר [Resh]
29 Pana achakongwe ŵajinji ŵali ŵambone,*Nambo mmwejo, ngutitu mmwejo mkwapunda wosopewo.
ש [Shin]
30 Mundu mpaka awonecheje chenene pamesope, soni kusalala kwangachelewa kumala,Nambo jwamkongwe jwakusamjogopa Yehofa ŵandu chachimlapilila.
ת [Taw]
31 Amwupe jwalakwe mwakamulana ni yakusatenda,
Soni masengo gakwe gamkwesye jwalakwe ku mageti ga msinda.
Maloŵe Gamwiŵanda
^ Kapena kuti “jwambone mnope.”
^ Alole Kugopolela kwa Maloŵe Gane.
^ Ŵane akusati “manyunya.”
^ Mipeleya jili mtundu winewakwe wa yisogosi yakusayikamulichisya masengo pakupanganya finyo.
^ Kapena kuti “pakamulichisya masengo mbiya syapatile.” Mu Chihebeli ŵatiga, “kutyochela mu yindu yapatile ni magasa gakwe.”
^ Chitela chelechi ŵachikamulichisyaga masengo pakupanganyila ulusi wa yakuwala.
^ Ŵane akusati “manyunya.”
^ Kapena kuti “malangiso ga chinonyelo; lilamusi lya chinonyelo chakulupichika.”
^ Kapena kuti “ŵambone mnope.”
