Misyungu 29:1-27
29 Mundu jwakusajumusya lukosi lwakwe* panyuma pakumjamukaChachitemanguka mwakusisimuchisya mwamti ngasalamasoni.
2 Ŵakulungama patupile, ŵandu akusasangalala,Nambo mundu jwakusakala pakulamulila ŵandu akusalilaga.
3 Mundu jwakusanonyela lunda akusiŵatendekasya babagwe kuŵa ŵakusangalala,Nambo mundu jwakusatamila kwenda ni mahule akusajonanga chipanje chakwe.
4 Mwenye pakutenda yindu yachilungamo chilambo changatenganyikaga,Nambo mundu jwakusasaka kumwonga akusachijonanga chilambocho.
5 Mundu jwakusamyamichila mjakwe mwachinyengoAkusaŵa kuti akutega lwawu kuti sajo syakwe sitanjile.
6 Ulemwa wa mundu jwakusakala ukusamtanjisya jwalakwejo,Nambo mundu jwakulungama akusagumila mwakusangalala.
7 Mundu jwakulungama akusasachilila kuti magambo ga ŵandu ŵakulaga agalamuleje mwachilungamoNambo mundu jwakusakala jwangasaka yeleyo.
8 Ŵandu ŵakulilapilila ali mpela ŵandu ŵakusawukolesya msinda ni moto.Nambo ŵandu ŵalunda akusatamika pasi mitima ja ŵandu ŵatumbile.
9 Naga mundu jwalunda akukangana ni chisilu pakusagamba kuŵa yakuŵechetana mnope soni kunyosyana,Nambo mundu jwalundajo jwangapindulaga chilichose.
10 Ŵandu ŵakunonyela kuwulaga achimjawo akusamŵenga mundu jwalijose jwangalemwa,Soni akusasaka kutyosya umi wa ŵandu ŵakulungama.
11 Chisilu chikusalosya ukali wakwe wosope,Nambo mundu jwalunda akusaŵa jwakuwusimana mtima soni akusalilekasya patumbile.
12 Jwakulamulila pakutejela liwiwi ku yindu yaunami,Ŵakutumichila ŵakwe wosope chachiŵa ŵakusakala.
13 Mundu jwakulaga soni mundu jwakwalagasya ŵane akusalandana pa chindu chimo achi:
Yehofa akusiŵapa umi jemanjaji.
14 Mwenye pakwalamulila ŵandu ŵakulaga mwachilungamo,Ulamusi wakwe ukusalimbangana.
15 Chikoti* soni chamuko yikusapeleka lunda,Nambo mwanache jwakumlechelela akusiŵatesya sooni mamagwe.
16 Ŵakusakala pakutupa kulemwasoni kukusatupa,Nambo ŵakulungama chachawona jemanjaji ali mkugwa.
17 Mumjamucheje mwanache jwenu mwamti jwalakwe chachimtendekasya kupumula.Soni chachimtendekasya mmwejo kuŵa jwakusangalala mnope.
18 Naga pangali mesomkulola gakutyochela kwinani ŵandu akusatenda yindu mwakulilechelela,Nambo ŵana upile ŵandu ŵakusapikanila malamusi.
19 Jwamasengo jwangakunda kuti ajamuchidwe ni maloŵe,Pakuŵa atamose ali apikanichisye maloŵego, ŵangagakuyaga.
20 Ana mum’weni mundu jwakusaŵecheta mkanaganisye kaje?
Chisilu chikwete chembecheyo chambone kulekangana ni mundu jwelejo.
21 Naga jwamasengo akumlechelela kutandila ali mwanache,Kupita kwandaŵi jwalakwejo chachiŵa jwangayamika.
22 Mundu jwakusatumbila chitema akusatandikasya ukangani.Jwalijose jwakusajanguya kupya mtima akusatenda yakulemwecheka yejinji.
23 Kulikwesya kwa mundu ni kwele kuchimtendekasya kuŵa jwakutuluka,Nambo jwalijose jwali jwakulitulusya mumtima mwakwe chachipochela uchimbichimbi,
24 Mjakwe jwa mundu jwawiyi akusaŵa kuti ngakuwunonyela umi wakwe.
Jwalakwe mpaka amŵilanje kuti akapeleche umboni, nambo payiche kweleko jwangakola chilichose chakuŵecheta.
25 Kwajogopa ŵandu chili chitega,Nambo mundu jwakumkulupilila Yehofa pangali chilichose chele chichimjogoya.
26 Ŵandu ŵajinji akusasaka kuŵechetana ni jwakulamulila,*Nambo kwa Yehofa ni kwampaka mundu apate chilungamo.
27 Mundu jwangali chilungamo akusaŵa jwakunyalaya kwa mundu jwakulungama,Nambo mundu jwali jwachilungamo akusaŵa jwakunyalaya kwa mundu jwakusakala.
Maloŵe Gamwiŵanda
^ Kapena kuti “mundu jwangapikanila.”
^ Kapena kuti “chilango.”
^ Kagopolele kanesoni, “akusasaka kuti ŵakulamulila ŵalosye umbone mtima.”
