Buku Jandanda ja Mbili 2:1-55
2 Sambano ŵanache ŵachalume ŵa Isalayeli ŵaliji aŵa: Lubeni, Simiyoni, Lefi, Yuda, Isakala, Sebuloni,
2 Dani, Yosefe, Benjamini, Nafitali, Gadi, soni Aseli.
3 Ŵanache ŵachalume ŵa Yuda ŵaliji Ele, Onani, soni Shela. Mwanache jwamkongwe jwa Suwa jwa Chikanani ni juŵamŵelechele Yuda ŵanache ŵatatu ŵeleŵa. Nambo Ele, mwanache jwandanda kupagwa jwa Yuda, ŵatendaga yindu yangamsangalasya Yehofa. Myoyo Mlungujo ŵamwuleje jwalakwejo.
4 Tamala, akwegwe ŵawo Yuda, ŵamŵelechele jwalakwejo Pelesi soni Sela. Ŵanache wosope ŵachalume ŵa Yuda ŵapali msano.
5 Ŵanache ŵachalume ŵa Pelesi ŵaliji Hesiloni soni Hamuli.
6 Ŵanache ŵachalume ŵa Sela ŵaliji Simuli, Etani, Hemani, Kalikoli, soni Dala. Wosope pampepe ŵapali msano.
7 Mwanache jwamlume* jwa Kalimi ŵaliji Akali.* Jwalakweju ŵayikasisye yipwetesi pa Ayisalayeli* ligongo lyakuŵa jwangakulupichika pa yindu yayasosekwaga konanjidwa.
8 Mwanache jwamlume* jwa Etani ŵaliji Asaliya.
9 Ŵanache ŵachalume ŵa Hesiloni ŵaliji Yelamele, Lamu, ni Kelubayi.*
10 Lamu ŵaŵeleche Aminadabu. Aminadabu ŵaŵeleche Nasoni juŵaliji jwakulongolela ŵandu ŵa mu mbumba* ja Yuda.
11 Nasoni ŵaŵeleche Salima. Salima ŵaŵeleche Bowasi.
12 Bowasi ŵaŵeleche Obedi. Obedi ŵaŵeleche Jese.
13 Jese ŵaŵeleche mwanache jwandanda lina lyakwe Eliyabu. Jwaŵili ŵaliji Abinadabu, jwatatu Simeya,
14 jwamcheche Netanele, jwamsano Ladayi,
15 jwa 6 Osemu, soni jwa 7 ŵaliji Daudi.
16 Achalumbuŵawo ŵaliji Seluya ni Abigayeli. Ŵanache ŵachalume ŵa Seluya ŵaliji Abisayi, Yowabu ni Asaheli. Wosope pampepe ŵaliji ŵatatu.
17 Abigayeli ŵaŵeleche Amasa. Baba ŵawo Amasa ŵaliji Yeteli jwamtundu wa Chiyisimayeli.
18 Kalebe mwanache jwa Hesiloni ŵaŵeleche ŵanache ŵachalume aŵa; Yesela, Sobabu, soni Alidoni. Achiŵamkwakwe ni ŵaŵamŵelechele ŵanache ŵeleŵa. Mena ga achiŵamkwakwewo galiji Asuba soni Yeliyoti.
19 Asuba paŵawile, Kalebe ŵalombele Efulata ni ŵamŵelechele mwanache lina lyakwe Hula.
20 Hula ŵaŵeleche Uli, soni Uli ŵaŵeleche Besaleli.
21 Panyuma pakwe, Hesiloni ŵalombele mwanache jwamkongwe jwa Makili. Makili ŵaliji babagwe Giliyadi. Hesiloni ali ni yaka 60 ni paŵalombele jwamkongweju. Jwamkongweju ŵamŵelechele jwalakwejo mwanache jwamlume lina lyakwe Segubu.
22 Segubu ŵaŵeleche Yayili, juŵakwete misinda 23 m’chilambo cha Giliyadi.
23 Panyuma pakwe, ŵandu ŵa ku Gesuli soni ŵa ku Siliya ŵasumwile msinda wa Hafoti-yayili kutyochela kwa ŵandu ŵaŵatamaga mumsindamo. Ŵasumwilesoni msinda wa Kenati pampepe ni matawuni gamwanamwana gakuŵandikana ni msindawo* gakwana 60. Ŵandu wosope ŵa m’misinda jeleji ŵaliji yisukulu ya Makili juŵaliji babagwe Giliyadi.
24 Panyuma pa chiwa cha Hesiloni juŵawilile ku Kalebe-efulata, Abiya ŵaŵaliji ŵamkwakwe ŵa Hesilonijo ŵamŵelechele jwalakwe mwanache jwamlume lina lyakwe Asahali ŵaŵaliji babagwe ŵa Tekowa.
25 Yelamele juŵaliji mwanache jwandanda kupagwa jwa Hesiloni ŵaŵeleche Lamu mwanache jwakwe jwandanda. Jwine ŵaliji Buna, Oleni, Osemu, soni Ahiya.
26 Yelamele jwakwete ŵakongwe ŵane lina lyawo Atala. Jwamkogweju ni juŵaliji mamagwe ŵa Onamu.
27 Ŵanache ŵachalume ŵa Lamu juŵaliji mwanache jwandanda kupagwa jwa Yelamele ŵaliji Maasi, Yamini, soni Ekeli.
28 Ŵanache ŵachalume ŵa Onamu ŵaliji Samayi soni Yada. Ŵanache ŵachalume ŵa Samayi ŵaliji Nadabu soni Abisuli.
29 Ŵamkwakwe Abisuli lina lyawo ŵaliji Abihayilo. Jwalakwe ŵaŵelechele ŵamkwakwewo ŵanache ŵaŵili, ŵaŵaliji Ahibani ni Molidi.
30 Ŵanache ŵachalume ŵa Nadabu ŵaliji Seledi ni Apayimu. Nambo Seledi ŵawile mkanakole ŵanache.
31 Mwanache jwamlume* jwa Apayimu ŵaliji Isi, mwanache jwamlume* jwa Isi ŵaliji Sesani, soni mwanache jwamlume* jwa Sesani ŵaliji Ahilayi.
32 Yada mpwakwe Samayi ŵanache ŵakwe ŵachalume ŵaliji Yeteli soni Yonatani. Nambo Yeteli ŵawile ali ŵangali ŵanache.
33 Ŵanache ŵachalume ŵa Yonatani ŵaliji Peleti ni Sasa. Jemanjaji ŵaliji yisukulu ya Yelamele.
34 Sesani nganakola ŵanache ŵachalume, ŵagambile kola ŵanache ŵachakongwepe. Sambano Sesani ŵakwete jwakutumichila jwa Chiiguputo lina lyakwe Yaha.
35 Myoyo Sesani ŵamjigele mwanache jwakwe jwamkongwe ni mkupeleka kwa Yaha jwamasengo jula kuti aŵe ŵamkwakwe. Jwamkongwejo ŵamŵelechele mwanache jwamlume Yaha lina lyakwe Atayi.
36 Atayi ŵaŵeleche Natani, Natani ŵaŵeleche Sabadi,
37 Sabadi ŵaŵeleche Efilali, Efilali ŵaŵeleche Obedi,
38 Obedi ŵaŵeleche Yehu, Yehu ŵaŵeleche Asaliya,
39 Asaliya ŵaŵeleche Helesi, Helesi ŵaŵeleche Eliyasa,
40 Eliyasa ŵaŵeleche Sisimayi, Sisimayi ŵaŵeleche Salumu,
41 Salumu ŵaŵeleche Yekamiya, soni Yekamiya ŵaŵeleche Elisama.
42 Kalebe juŵaliji mpwakwe jwa Yelamele ŵaŵeleche mwanache jwandanda lina lyakwe Mesa. Mesa ŵaliji babagwe ŵa Sifi. Papalisoni ŵanache ŵachalume ŵa Malesa ŵaŵaliji babagwe Hebuloni.
43 Ŵanache ŵachalume ŵa Hebuloni ŵaliji Kola,Tapuwa, Lekemu soni Sema.
44 Sema ŵaŵeleche Lahamu ŵaŵaliji babagwe Yolikeyamu. Lekemu ŵaŵeleche Samayi.
45 Mwanache jwamlume jwa Samayi ŵaliji Mawoni. Mawoni ŵaŵeleche Beti-suli.
46 Jwamkongwe jwapambali jwa Kalebe lina lyakwe Efa ŵaŵeleche Halana, Mosa soni Gasesi.* Halana ŵaŵeleche Gasesi.*
47 Ŵanache ŵachalume ŵa Yahadayi ŵaliji Legemu, Yotamu, Gesani, Pelete, Efa, soni Safi.
48 Ŵakongwe ŵane ŵapambali ŵa Kalebe lina lyawo Maaka ŵaŵeleche Sebeli ni Tilihana.
49 Mkupita kwandaŵi Maaka ŵaŵeleche Safi jwele ŵaliji babagwe Madimana, soni Sefa jwele ŵaliji babagwe Makibena soni Gibeya. Mwanache jwamkongwe jwa Kalebe lina lyakwe ŵaliji Akisa.
50 Ŵandu ŵeleŵa ni ŵaŵatyochele mwa Kalebe.
Huli mwanache jwandanda kupagwa jwa Efulata, ŵanache ŵakwe ŵachalume ŵaliji Sobali juŵaliji babagwe Kiliyati-yelimu,
51 Salima juŵaliji babagwe Betelehemu soni Halefi juŵaliji babagwe Beti-gadeli.
52 Sobali juŵaliji babagwe ŵa Kiliyati-yelimu ŵakwete ŵanache ŵachalume aŵa: Halowe soni hafu ja ŵandu ŵa ku Menuhoti.
53 Maŵasa gakutyochela mwa Kiliyati-yelimu galiji aga: Ayitili, Aputi, Asumati soni Amisilayi. M’maŵasa gelega ni muŵatyochele Asolati ni Aesitaoli.
54 Salima ni juŵaŵeleche ŵandu ŵaŵatamaga ku Betelehemu, Netofa, soni ku Ataloti-beti-yowabu. Hafu ja ŵandu ŵaŵatamaga ku Manahati soni ŵandu ŵaŵatamaga ku Sola ŵalijisoni ŵakutyochela mwa Salima.
55 Maŵasa ga alembi ŵaŵatamaga ku Yabesi galiji aga: Atilati, Asimeya, soni Asukati. Jemanjaji ŵaliji Akeni ŵakutyochela mwa Hamati juŵaliji mtati jwa liŵasa lya Lekabu.
Maloŵe Gamwiŵanda
^ Mu Chihebeli ŵatiga, “Ŵanache ŵachalume.”
^ Kugopolela kuti, “Jwakwikasya Yipwetesi; Jwakutendekasya Kuti Ŵane Ajasidwe.” Pa Yoswa 7:1 akumanyika ni lina lyakuti Akani.
^ Kapena kuti, “ŵayikasisye yakusawusya pa Ayisalayeli; ŵatendekasisye kuti Ayisalayeli ajasidwe.”
^ Mu Chihebeli ŵatiga, “ŵanache ŵachalume.”
^ Mu ndime 18, 19 ni 42 akusamanyikasoni ni lina lyakuti Kalebe.
^ Alole Kugopolela kwa Maloŵe Gane.
^ Kapena kuti, “matawuni gamwanamwana gakusyungulila msindawo.”
^ Mu Chihebeli ŵatiga, “Ŵanache ŵachalume.”
^ Mu Chihebeli ŵatiga, “ŵanache ŵachalume.”
^ Mu Chihebeli ŵatiga, “ŵanache ŵachalume.”
^ Jweleju ali mwanache jwa Kalebe.
^ Chelechi chili chisukulu cha Kalebe.
