Gbɛɛ-ni ɓe da pɔri pai gbɔŋ ŋi mai?

Nuu kelee a pɔri pai. Pa a Ikaayɔɔi su-ɓela kelee.

Aɓa ɣɛɛlu ɓe kwa pai gɛi gbɔŋ-ŋai ŋi dia?

Nono mɛni kpanaŋɔɔi a pai kɛi nɔ a mini buu saaɓa (30). Naa polu ma da pai pere laa ɓoi a gɛɛ nuu kelee e pɔri lonoi e pilaŋ mɛni-ŋuŋ ta ma nyii kula Ŋala-kɔlɔi su a aɓa tɔnɔ, nyaŋ nyiŋi a pai kɛi a mare-kɛɛ-ŋa kɛɛ da zukulai.

Zisɛ Ŋɔsaa Kili-too-ŋa Kpɔŋ a pai kɛi a aɓa tɔnɔ.

Mi ɓe da pai gbɔŋ-ŋai ŋi tooi naai?

A gɛɛ I gbɔŋ ŋi ta tooi kaai, luaŋ “Gbɔŋ Ŋi Ta Tooi Kɔri” kpaa “Nono Mɛni kpanaŋɔɔi Ta Kɔri” bɔni ma.

Ŋa pa gbɔŋ ŋi ma, a pai kɛi a kpa a gɛɛ ŋa kapa kpɛɛ kpaa ŋgɛ pa kakoyaŋ-ŋai su?

Kpa.

Pɛ̃nɛ pu mɛni a pai kɛi naa?

Kpa. Ziova Ŋɔsere-faa Kɛ-ɓelai difa wɔlɔ pɛ̃nɛ pu dikoyaŋ-ŋai su.​—Maafiu 10:8.

Maa nɛ̃ɛi ŋa maa ɣiri a pere sii ta ŋa lɛɛ pai kɛi naa?

Kpa. Kɛlɛ, Ziova Ŋɔsere-faa Kɛ-ɓelai da kɔ a gɛɛ di dimaa ɣiri a ɓaa-kɛ-maa pere.

Le ɓe pai kɛi Zisɛ Ŋɔsaa Kili-too-ŋa Kpɔŋ ma?

Gbɔŋ kɔɔ a pai pilani e kpɛɛ a wule toɔɔ da Ɣala fɛliɛ, nyaŋ Ziova Ŋɔsere-faa Kɛ-ɓelai dɔnɔ ɓe pai Ɣala fɛlii. Mɛni-ŋuŋ nyii pai kɛi gbɔŋ ŋi mai ɓa, nonoi da pai dɛɛi nyii pai kɛi a bilaŋɔɔ mɛnii Zisɛ ŋɔsaai kɛ a mɛni kpanaŋɔɔi ma da berei kwa pɔri mɛni lɛlɛɛ sɔlɔ ɓoi la mɛnii su Ɣala da Korai daa gɛ kuɛi..

A gɛɛ I mɛni tamaa maa-kɔri, zɛŋ-lɛɛi ŋi lono: “Le Ɓe Gɛ Ziova Ŋɔsere-faa Kɛ-ɓelai Da Kunuu-namui Ŋɔɣele-wulii Mii-sɛŋ Maa Kpɔŋ Too A Dakpɛni Ɣala-mɛni Takpɛni Su-ɓela Dia?”

Mi tãi ɓe kwa pai ŋɔnɔ Korai Ŋɔsaa Kili-too-ŋa kpɔŋ tooi lai?

2025: Salade, Dɛniŋ 12

2026: Tɛɣɛide, Dɛniŋ 2

2027: Mɔne, Vuu-laɣii 22