Ya lôloŋ kaa pɛ́rɛ ta la ŋâla-woo-ɓo tíi su, ye mó ma à gɛ́ɛ ya ŋwɛ̂lii I lono gáa-ɓela pɔ́ fúlɔi. Nyíŋi a ɓaa-kɛ-maa lɛ́ dímɛni ma. (Tá 6:20) À kɛ̀ nôloŋ a I toli à gɛ́ɛ I lɔ́ bɛ́rɛi mu, ífe faa ma. Gáa-ɓela da wàla kɛ́ naa, ye mɛni-kpɛtɛɛ kɛ́ à gɛ́ɛ I lene pôlu a tãi takpɛ́ni.

À kɛ̀ gáa a nyáŋkpa yɛ̂ɛ kóraŋ 15–19, a pâi kɛ́i nîi a ǹɛ́lɛɛ à gɛ́ɛ I m̀arê kɛ́ gáa-ɓela mɛni ma. Da wàla kɛ́ naa, kwa pɔri m̀arê kɛ́i à kɛ̀ gáa-ɓela da fáa ma à gɛ́ɛ é gbɔɔ̂i kɔlɔ siɣe nóno mɛni ma. À kɛ̀ da fáa ma, gɛ̀ ní, kwa pɔri kúkɔlɔ-ŋai ta tɛɛi bɔ́ kpaa kú berei lɛ́ ma a pɔri lîi la jw.org fãai ŋa.

Ya kɛ̀ lene-pôlu naa-kaa kɛ́i nyáŋkpa ta ma nyii ǹyée see duŋ lɛ́lɛɛ mui, mó ma à gɛ́ɛ ya ŋwɛ̂lii I lono gáa-ɓela pɔ́. Nyíŋi a pâi gɛ́i kú m̀ɛnii kwa lí m̀ɛni mai ɓo dîa, kú nia-woo lɛ́lɛɛ-ŋai Ŋâla-kɔlɔi sui káayɔɔ-ŋa mɛni mai lɛ́ dîa. (Ŋu 119:86, 138) Kwa ɓaa-kɛ-maa tɛɛ lóŋ-kaa-ɓela pɔ́ a bere sîi ŋí, a pâi kpɔŋ maa tɛɛi kúpɔ à gɛ́ɛ kú duŋ lɛ́lɛɛi ɓó dîa.—1Pi 2:12.