ZƐŊ-LƐƐI 59

Ya Pɔri Tɔɔi A Gbanaŋɔɔ Nua Da Tɔɔ Ya

ŊƆPÊLE KƐ

Tãi kpua yee mu, nua da pai tɔɔi Ziova fɛli-ɓela kelee dia di kpiŋ di mɔ̃lɛ. Maa nɛ̃ɛi nyiŋi e ku yao?

1. Ku gɔlɔŋ leŋ a gɛɛ nua da pai ku kpɔarai?

Ŋala-kɔlɔi e mo a zu ponoɔ nyɛɛi: “Nuui kelee a gbɛtɛ gili ŋa a gɛɛ e Ɣala-tua kɛ Zisɛ Korai kponoi da pai gbɔarai.” (2 Temete 3:12) Di Zisɛ kpɔara kpɛni fei ve kɛ ni a nɔii ŋi su nuu ta. Kua maŋ kufe a nɔii ŋi su-ɓela ta, mɛni ma va kɛ a gulaa a kua a kɛ ŋeniɛi ŋi su gɔmɛti-ŋa da ɣala-mɛni takpɛni su-ɓela da ku kpɔara.—Zɔŋ 15:18, 19.

2. Kwa pɔri kukpiŋ kpɛtɛi leŋ sukɔɔŋ mɛni ma?

Maa nɛ̃ɛi ku kulaa-lai su kpanaŋ lonii ma Ziova kponoi. Tãi siɣe a ɣele kelee a gɛɛ I vɛli, ikɛ ŋɔnɔ Ŋala-kɔlɔi lono. Li goyaŋ-ŋai su a tãi kelee. Mɛni-ŋai ŋi kɛɛ a pai ikponoi kpanani a gɛɛ I tɔɔ sukɔɔŋ-ŋa su a lii-kpele pere, a kɛ kpiŋ a kulai ikaayɔɔi su-ɓela yeei. Zia-nuui Pɔɔ nyii tɛɛ sukɔɔŋ tamaa sui e mo nyɛɛi: “[Ziova] kaa a ŋakpɔŋ maa-nuu, fe pai yaoi.”—Ibulu 13:6.

Kwa ŋɔnɔ kulii-kpelei su kpanaŋ kwa kɛ ŋala-woo-ɓo tii kɛi a tãi kelee. Ŋala-woo-ɓo tii a kpɔŋ kua a gɛɛ ku laa a Ziova, kuyee e tɛɛ yao-maa kelee ta ma. (Tare-woo-ŋa 29:25) Ya kɛ a ilii kpeleɛ ŋala-woo-ɓo tii su lonii ma, ya pai kɛi a I kpɛtɛɛ a gɛɛ ikɛ nii ɣala-woo ɓo a nɛɛ maŋ gɔmɛtii e wuru laa ŋala-woo-ɓo tii mɛi.—1 Tɛsɛloniɛŋ 2:2.

3. Nua da tɔɔ kua, le mɛni lɛlɛɛ ɓe kwa zɔlɔ ɓo kwa tɔɔ a gbanaŋɔɔ?

Tɔ̃ya ma, kulii fa nɛ̃ɛ nua da tɔɔ kua, kɛlɛ kwa tɔɔ a gbanaŋɔɔ, kulaa-lai su a kpanaŋ. A ŋɔnɔ ku lɛɣɛ a Ziova kpɛni fei a kpɔŋ maa tɛɛ kupɔ kwa gaa a gɛɛ wala-walalaa fe ŋɔnɔ kuyeei a gɛɛ ku lɛɛ kutɔɔi. (Zĩi 1:2-4 lono.) Ziova lii a too polu a ku kaa kukɛ mɔ̃lɛ, kɛlɛ nii a nɛ̃ɛ kwa tɔɔ a gbanaŋɔɔ mɛni-kpɔlu su. Ŋala-kɔlɔi e mo nyɛɛi: “A kɛ ka mɛni lɛlɛɛ kɛ, ka mɛni-soli kaa mɛni ma a lii-kpele, gaa a Ɣala nĩa-mɛni.” (1 Pitɛ 2:20) A kɛ kwa tɔɔ a gbanaŋɔɔ Ziova polu, a pai luwa laai kua a wɔlɔ-wɔlɔ fulu-laa ŋeniɛ ninai su, ɓɛi nuu ta fe pai tɔɔi naa dɔ̃ya Ɣala fɛli perei ma.—Maafiu 24:13.

MƐNI TAMAA MAA-KƆRI

Mɛnii kaa gɛ kwa pɔri laai la a gɛɛ kwa pɔri lɛɛi tɔɔi Ziova polu a gbanaŋɔɔ a nɛɛ maŋ nua di tɔɔ kua da berei a pai luwa laai la kuai.

4. Ya pɔri tɔɔi a gbanaŋɔɔ ikaayɔɔi su-ɓela da tɔɔ ya

Zisɛ e kɛ a gɔlɔŋɔɔ a gɛɛ kukaayɔɔi su-ɓela taŋa dife pai ŋwɛlii a gɛɛ ku Ziova fɛli. Maafiu 10:34-36 lono, gɛ ni ka lono e pilaŋ mare-kɛɛ ŋi ma:

Nuu ta a mɛni-kpɛtɛɛ kɛ a gɛɛ e Ziova fɛli, le ɓe ŋɔkaayɔɔi su-ɓela da moi?

A gɛɛ I nyiŋi gɔɔŋ-maa kaa, VILOI su kaa, gɛ ni ka lono e pilaŋ mare-kɛɛ ŋi ma.

VILOI: Ziova E Kumɛi Kaa (5:13)

Le ɓe ya pai gɛi a kɛ ikaayɔɔi su nuu ta kpaa ilaoi ta a mo a gɛɛ I kpera Ziova fɛlii?

Ŋule-wooi 27:10 da Maki 10:29, 30 lono. Ka kpɛɛ ŋala-kɔlɔ-kpua-ŋai lonoi tɛitɛi, ka lono e pilaŋ mare-kɛɛ ŋi ma:

Gono-tee ŋi a pɔri kpɔnii leŋ ya a kɛ ikaayɔɔi su-ɓela kpaa ilaoi-ni da tɔɔ ya?

5. Kanaŋ Ziova fɛlii a nɛɛ maŋ nua di tɔɔ ya

Nua da tɔɔ kua Ziova fɛli mɛni ma, maa nɛ̃ɛi kulii e kɛ a gbeleɛ. VILOI su kaa, gɛ ni ka lono e pilaŋ mare-kɛɛ ŋi ma.

VILOI: Berei Kwa Pɔri Lii-kpele Lɛi La A Nɛɛ Maŋ Nua Di Tɔɔ Kua (6:27)

Mɛni-kɔɔŋ-maa-ŋai I gaa viloi sui da pɔri ikponoi kpanani leŋ?

Dikɛ-mɛni-ŋai 5:27-29 da Ibulu 10:24, 25 lono. Ka kpɛɛ ŋala-kɔlɔ-kpua-ŋai lonoi tɛitɛi, ka lono e pilaŋ mare-kɛɛ ŋi ma:

Le mɛni ɓe nɛlɛɛi la a gɛɛ ku kanaŋ Ziova fɛlii a nɛɛ maŋ gɔmɛti e wuru laa kuɣala-woo-ɓo tii mɛi kpaa e ku kpera lii goyaŋ-ŋai su?

6. Ziova a pai kpɔnii ya a gɛɛ I tɔɔ a gbanaŋɔɔ

Ziova Ŋɔsere-faa Kɛ-ɓelai damaa ɣele ŋeniɛi gwaa kelee daa kanaŋ Ziova fɛlii berei maŋ nua daa tɔɔ la diai. A gɛɛ I mɛnii kaa kpɔŋ maa tɛɛ dipɔi, VILOI su kaa. Gɛ ni ka lono e pilaŋ mare-kɛɛ ŋi ma.

VILOI: Ziova A Pai Ŋgbonoi Kpanani (3:40)

Viloi su, le ɓe kpɔŋ maa tɛɛ bɔlɔ da sisɛ-ŋai pɔ a gɛɛ di tɔɔ a gbanaŋɔɔ?

Lomaŋ 8:35, 37-39 da Felepiɛŋ 4:13 lono. Ka kpɛɛ ŋala-kɔlɔ-kpua-ŋai lonoi tɛitɛi, ka lono e pilaŋ mare-kɛɛ ŋi ma:

Ŋala-kɔlɔ-kpuai ŋi e kpɔŋ leŋ ya I gɔlɔŋ a gɛɛ ya pɔri tɔɔi a gbanaŋɔɔ sukɔɔŋ sii kelee ta su?

Maafiu 5:10-12 lono, gɛ ni ka lono e pilaŋ mare-kɛɛ ŋi ma:

Le mɛni ɓe ilii a pɔri kɛi la a nɛ̃ɛ a kɛ kpiŋ nua da tɔɔ ya?

Ziova Ŋɔsere-faa Kɛ-ɓelai ŋɔmiliyɔŋ tamaa daa kanaŋ Ziova fɛlii berei maŋ nua di tɔɔ la diai. Ya maŋ ya pɔri gɛi!

NUA TAŊA DA MO DIYƐƐI: “Mve pɔri tɔɔi a gbanaŋɔɔ nua da tɔɔ ma.”

Ɣala-kɔlɔ-kpua kɛɛ leŋ ɓe a pɔri kpɔŋ maa tɛɛi dipɔ?

MƐNI-ŊUŊ-ŊAI YAA MAA-KƆRII

Ziova lii a nɛ̃ɛ kwa tɔɔ a gbanaŋɔɔ a nɛɛ maŋ nua di tɔɔ kua. A pai kpɔŋ maa tɛɛi kupɔ a gɛɛ ku tɔɔ a gbanaŋɔɔ!

Gili-too-ŋa mare-kɛɛ-ŋai

Ku gɔlɔŋ leŋ a gɛɛ nua da pai ku kpɔarai?
Ya pɔri ikpiŋ kpɛtɛi leŋ lonii ma sukɔɔŋ mɛni ma?
Le ɓe a pɔri kpɔnii ya I laa la a gɛɛ ya pɔri Ziova fɛlii a nɛɛ maŋ nua di tɔɔ ya?

Zɛŋ-lɛɛi kpɛɛ folo:

Mɛni-kpɛtɛɛ ŋi kɛ

Iɓaraŋ Korai-nuu ta mare kɛ: “Nuu ta a taa wɔlɔ I kpera Ziova fɛlii? Le ɓe kpɔŋ maa tɛɛ ipɔ a gɛɛ I kanaŋ Ziova fɛlii?”

Mɛni-kpɛtɛɛ takpɛni:

Your other goal

MƐNI TAKPƐNI-ŊA MAA-KƆRI

Viloi ŋi su kaa nyii berei lɛi Ziova e kpɔŋ maa tɛɛ la bɔlɔ tɔnɔ pɔ a gɛɛ e tɔɔ a gbanaŋɔɔ tãi di doo la kpini-pɛrɛ mu kpɛni fei ve nyee pu ni gɔmɛti mɛni su.

Tɔɔ A Gbanaŋɔɔ A Nɛɛ Maŋ Nua Di Tɔɔ Ya (2:34)