ZƐŊ-LƐƐI 53

Nĩa-kɛ Mɛni-ŋa Siɣe Nyii A ZIova Lii Laai

ŊƆPÊLE KƐ

Ziova kaa a “lii-nɛ̃ɛ Ɣala.” (1 Temete 1:11, NWT) A ŋwɛlii a gɛɛ kulii e kɛ a nɛ̃ɛ ku kukɛ-ɣeniɛi ŋaa-nɛ̃ɛ kula. Nii a nɛ̃ɛ kwa tãi siɣe a gɛɛ ku kufii tɔɔ. Zɛŋ-lɛɛi ŋi su, kwa pai lonoi e pilaŋ berei ma kwa pɔri tii kɛi la a kufii tɔɔ tãi a nɛlɛɛ, ku ŋaa-nɛ̃ɛ kula, ku ŋɔnɔ Ziova lii laa.

1. Le ɓe maa nɛ̃ɛi e lɛɛ kukili-ŋa kwa kɛ nĩa-kɛ mɛni siɣei zu?

Le ɓe ya ŋwɛli I gɛ a ifii tɔɔ tãi? Nua taŋa da ŋwɛli di difii tɔɔ tãi siɣe dikɛ ɓo dipɛrɛi la dikɛ kɔlɔ lono, dikɛ diwoli tɔɔ wule ma, dikɛ vilo su kaa kpaa dikɛ li ŋɔkɔli fãai ŋa. Nua taŋa da difii tɔɔ tãi ŋaa-nɛ̃ɛ kula da kɛ dikie ma da diɓaraŋ-ŋa—dikɛ sia-sia kɛ kpaa dikɛ pele takpɛni-ŋa kɛ. Pere sii kelee kwa ŋwɛli ku nĩa-kɛ mɛni-ŋa kɛ lai, maa nɛ̃ɛi e “Kunuu-namui lii laa.” (Ifisiɛŋ 5:10) Nɛlɛɛi ku gɔlɔŋ a gɛɛ nĩa-kɛ mɛni tamaa kaa naa nyii bilaŋɔi mɛni-ŋa dia nyii ŋwɛli fe Ziova mai. Daŋa ɓa ŋwana-lɔɔ pele-ŋa, wulu-wulu kpɛɛ kpaa sale nyɔmɔɔ kɛɛ. (Ŋule-wooi 11:5 lono.) Le ɓe pai kpɔŋ maa tɛɛi kupɔ a gɛɛ kumɛni-kpɛtɛɛ lɛlɛɛ kɛ a pa kunĩa-kɛ mɛni-ŋai dia?

Kwa laoi-laa kɛ a nuai nyii Ziova wɛli kaa diai, da pai kpɔŋ maa tɛɛi kupɔ a gɛɛ ku nĩa-kɛ mɛni-ŋa siɣe zu a nɛlɛɛ. Yɛɛ berei ku maa-kɔri la zɛŋ-lɛɛ-ŋai dɔnɔ sui, “ka tare nuu ka sia, ɓa tare.” Kɛlɛ, kwa laoi-laa kɛ a nuai nyii Ziova ŋɔtɔŋ-ŋai wɛli fe diai, kwa pai ‘mɛni-soli kaai.’—Tare-woo-ŋa 13:20.

2. Le mɛni ɓe maa nɛ̃ɛi ku tãi kwa ziɣe nĩa-kɛ mɛni mai maa kpɛɛ lai?

A kɛ kpiŋ nĩa-kɛ mɛni-ŋai kwa ziɣei zui lɛlɛɛi, maa nɛ̃ɛi ku kukpiŋ mɛi kaa a gɛɛ kufe tãi tamaa siɣe dimɛni ma. A wala kɛ ti, tãi tamaa fe pai kɛi kuyeei a gɛɛ ku mɛni-ŋai nyii mɛni-kpanaŋɔɔi kɛ. Ŋala-kɔlɔi a ku fɔrɔi a gɛɛ ‘tãi gaa kuyeei kutii kɛ la a nɛlɛɛ.’—Ifisiɛŋ 5:15, 16 lono.

MƐNI TAMAA MAA-KƆRI

Berei kaa ya pɔri mɛni-kpɛtɛɛ lɛlɛɛ kɛi la a pa inĩa-kɛ mɛni-ŋai dia.

3. Ife iyee pu nĩa-kɛ mɛni nyɔmɔɔ-ŋa su

Le mɛni ɓe maa nɛ̃ɛi la ku kunĩa-kɛ mɛni-ŋai siɣe zu a nɛlɛɛ? VILOI su kaa, gɛ ni ka lono e pilaŋ mare-kɛɛ-ŋai ŋi dia.

VILOI: Nĩa-kɛ Mɛni Kɛɛ Leŋ Ɓe Maa Nɛ̃ɛi Ŋa Ziɣe Zu? (4:39)

Bele-ŋai nua da kaa wɔlɔ gɛ Luŋ taa-leei sui, ɓoloŋɔɔi leŋ nĩa-kɛ mɛni taŋa dia saa?
Viloi su, le ɓe Danny e maa-kɔri e pilaŋ nĩa-kɛ mɛni ma?

Lomaŋ 12:9 lono, gɛ ni ka lono e pilaŋ mare-kɛɛ ŋi ma:

Ŋala-kɔlɔ-kpuai ŋi a kpɔŋ leŋ ya a gɛɛ I mɛni-kpɛtɛɛ lɛlɛɛ kɛ a pa inĩa-kɛ mɛni-ŋai dia?

Mɛni-ŋai ŋwɛli fe Ziova mai, taŋa ɓa le? Tare-woo-ŋa 6:16, 17 da Galesiɛŋ 5:19-21 lono. Ka kpɛɛ ŋala-kɔlɔ-kpua-ŋai ŋi kelee lonoi tɛitɛi, ka lono e pilaŋ mare-kɛɛ ŋi ma:

Mɛni-ŋai ŋala-kɔlɔ-kpua-ŋai ŋi di lono e pilaŋ diai, nenɛ ɓe damaai saa nĩa-kɛ mɛni-ŋa su?

Berei ya pɔri inĩa-kɛ mɛni-ŋai siɣei la zu a tare perei

Ikili-ŋa sia e pilaŋ mare-kɛɛ-ŋai ŋi dia:

Le ɓe zui? Mɛni ta kaa zu nyii ŋwɛli fe Ziova ma?
Mi tãi? A pai ŋgberai mɛni-ŋai kɛi nyii mɛni-kpanaŋɔɔi?
Gbɛɛ? A pai gɛi ŋa laoi-laa kɛ a nua nyii-ŋai Ziova wɛli fe diai?

Kwa ku kɛi koya mɛni nyɔmɔɔ ma, a kuŋuŋ maa ɓo. Nyiŋi ɓe gɛ maa nɛ̃ɛi ku kumaa koya pele kelee ta ma nyii ku gɔlɔŋ a gɛɛ ve lɛlɛ ni kumɛni ma

4.. Tii kɛ a itãi a tare pere

VILOI su kaa, gɛ ni ka lono e pilaŋ mare-kɛɛ ŋi ma.

VILOI: Le Ɓe A Itãi Damaa Siɣei? (2:45)

Viloi su, berei maŋ bɔlɔi ŋi fe kɛ ni vilo nyɔmɔɔ ta su kaai lai, le ɓe berei e kɛ tii kɛi la a ŋɔfii tɔɔ tãi e gɛ a nyaa?

Felepiɛŋ 1:10 lono, gɛ ni ka lono e pilaŋ mare-kɛɛ ŋi ma:

Ŋala-kɔlɔ-kpuai ŋi a pɔri kpɔnii leŋ kua a gɛɛ ku tãi kɔlɔŋ kwa ziɣe nĩa-kɛ mɛni ma?

5. Nĩa-kɛ mɛni lɛlɛɛ siɣe zu

Berei maŋ nĩa-kɛ mɛni taŋa fa Ziova lii laa lai, mɛni lɛlɛɛ tamaa kaa naa nyii kwa pɔri ŋaa-nɛ̃ɛ kulai. Ikilisiati 8:15 da Felepiɛŋ 4:8 lono, gɛ ni ka lono e pilaŋ mare-kɛɛ ŋi ma:

Nĩa-kɛ mɛni kɛɛ leŋ ɓe ŋwɛli kaa ya?

Ya pɔri nĩa-kɛ mɛni lɛlɛɛ-ŋa ŋaa-nɛ̃ɛ kulai

NUA TAŊA DA MO DIYƐƐI: “Ve nyɔŋ ti a gɛɛ ŋa vilo-ŋa su kaa nyii ŋwana-lɔɔ mɛni, wulu-wulu kpɛɛ kpaa sale nyɔmɔɔ kɛɛ kaa zui, ee nɔ mva mɛni-ŋai ti kɛi.”