Kulaoi lɛlɛɛ-ŋa da pa a lii-nɛ̃ɛ tamaa kupɔ, nyaŋ da kukponoi kpanaŋ kwa kɛ tɛɛi mɛni-kpanaŋ su. Kɛlɛ, Ŋala-kɔlɔi e ku lia woo ɓo a gɛɛ nuu kelee fa pɔri kɛi a kulaoi lɛlɛɛ. Mɛni ma, ya pɔri laoi-laa lɛlɛɛ kɛi leŋ? Kwaa naa lono e pilaŋ mare-kɛɛ-ŋai ŋi dia.

1. Le ɓe naoi-laai ya gɛi, a pɔri gɛi a ya?

Kwa tua yɛɛ nuai kwa dia-ni kwa tãi tamaa kɛ gie mai. Dua-pere-ŋai ŋi da pɔri kɛi a nɛlɛɛ kpaa nyɔmɔɔ​—nyaŋ nyiŋi kaa a tɔ̃ya a kɛ kpiŋ kwa dia-ni kwa tãi siɣe gie ma kpaa maŋ kwa laoi-laa kɛ a dia vãai ŋa. Ŋala-kɔlɔi e mo nyɛɛi, “ka tare-nuu ka sia, ɓa tare. Ka woya-nuu [diai dife Ziova wɛlini] ka sia, ɓa mɛni-soli kaa.” (Tare-woo-ŋa 13:​20) Nuai nyii Ziova wɛli kaa diai, da pɔri kpɔnii ya a gɛɛ I lɛɣɛ a Ziova, I mɛni-kpɛtɛɛ lɛlɛɛ-ŋa kɛ. Kɛlɛ, kwa laoi-laa kɛ a diai dife Ziova wɛlini, da gɛ ku kula Ziova polu. Nyiŋi ɓe gɛ Ŋala-kɔlɔi kɛ ku fɔrɔ a gɛɛ ku laoi-laa kɛ a tare pere! Kwa laoi-laa kɛ a Ziova wɛli-ɓela, kwa dia-ni kwa mɛni lɛlɛɛ sɔlɔ ɓo. Kwa pɔri ‘kukie-ni fɔrɔi, ku kukie-ni kponoi kpanaŋ.’​—1 Tɛsɛloniɛŋ 5:​11.

2. Naoi-laai ya gɛi a pɔri Ziova lii kɛi leŋ?

Ziova a naoi-ni siɣe zu a nɛlɛɛ. “Gaa a teniŋ ɓo-ɓela da tɔ̃ya-ɓela di wɛli-kɛ-maa nuu.” (Tare-woo-ŋa 3:​32) Ziova lii a pai kɛi leŋ kwa laoi-laa kɛ a nuu nyii ve Ziova wɛlini? Nii a pai tooi polu a ŋanaa! (Zĩi 4:4 lono.) Kɛlɛ kwa laoi-laa lɛlɛɛ kɛ, ku lɛɣɛ a Ziova da diai ŋwɛlini, nii a pai nɛ̃ɛi nyaŋ a pai ku kɛi a naoi-ni.​—Ŋule-wooi 15:​1-4.

 MƐNI TAMAA MAA-KƆRI

4. Nuai nyii kwa dia-ni kufe pɔri nii da pɔri kɛi a kulaoi lɛlɛɛ-ŋa

Ŋala-kɔlɔi e lono e pilaŋ Deeɓe da Zonetaŋ ma, nyii-ŋai wɔlɔ kɛ Eezuɛ lɔii sui. Zonetaŋ pɔlɔpɔlɔlaa e kɛ a dɛɛ Deeɓe ma, nyaŋ naŋ e kɛ a kaloŋ; kɛlɛ, laoi-laa lɛlɛɛ e kɛ diloai. 1 Samia 18:1 lono, gɛ ni ka lono e pilaŋ mare-kɛɛ ŋi ma:

• Ŋala-kɔlɔ-kpuai ŋi e nɛ leŋ a gɛɛ maa fe nɛ̃ɛ ni ku laoi-laa kɛ nɔ a diai kwa dia-ni kukoraŋ pɔriɛ kpaa sɛŋ kaa diyeei?

Lomaŋ 1:​11, 12 lono, gɛ ni ka lono e pilaŋ mare-kɛɛ ŋi ma:

• Laoi-laa su-ɓela nyii-ŋai Ziova wɛli kaa diai, da pɔri dikie-ni fɔrɔi leŋ?

Viloi ŋi su, berei kaa nyaŋkpa tɔnɔ e laoi-laa kɛ la a nua nyii-ŋai gili fe kɛ ni diai. VILOI su kaa, gɛ ni ka lono e pilaŋ mare-kɛɛ-ŋai ŋi dia.

• Viloi su, le mɛni ɓe Akil kaa-ɓela lii e kɛ sɛlɛnii la e pilaŋ naoi-ni dia ŋɔkɔlɔ-pɛrɛi la?

• Le ɓe naoi-laa-ŋai ti kɛ a nɛlɛɛ ŋɛi fulɔi?

• E pɔri laoi-laa takpɛni kɛi leŋ?

 5. Berei kwa pɔri laoi-laa lɛlɛɛ kɛi lai

 MƐNI-ŊUŊ-ŊAI YAA MAA-KƆRII

Kwa laoi-laa kɛ a tare pere, kwa Ziova lii laa nyaŋ kwa mɛni lɛlɛɛ sɔlɔ ɓo zu.

Gili-too-ŋa mare-kɛɛ-ŋai

• Le mɛni ɓe Ziova kpaaŋɔɔi la a pa naoi-laai ma kwa gɛi?

• Laoi-laa kɛɛ leŋ ɓe maa fe nɛ̃ɛ ni ku gɛi?

• Ya pɔri laoi-laa lɛlɛɛ kɛi leŋ?