Zahay tsy mifidy filma na boky tianolo aminay ao zahavan̈a ndreky hira tiandro tandrin̈esan̈a. Fotony nan̈ino?

  Olo tsiaraikiaraiky samy “mahay misain̈y”, ke izy zaraiky fo tokony han̈avaka raha tsara ndreky ratsy, mifan̈araka amy raha koran̈iny Baiboly.—Hebreo 5:14.

  Amy Baiboly ao misy toro lalan̈a man̈ampy Kristianin̈y araiky hifidy raha mety hatao, izikoa fa hangala diandian̈a. a Na ino na ino raha ataonay, zahay mifen̈y fo ‘man̈ano raha tiany Zan̈ahary.’​—Efesianina 5:10.

  Izikoa ndraiky an̈atiny tokantran̈o, Baiboly mivolan̈a fa anjarany lelahy manan̈a fianakavian̈a man̈aramaso vadiny ndreky zanany, baka iro tsy han̈ano raha halany Zan̈ahary. (1 Korintianina 11:3; Efesianina 6:1-4) Antran̈onany fo izy mahazo man̈ano zen̈y, fa tsy aminolo jiaby miaraka mivavaka aminany.​—Galatianina 6:5.