Ranabavy araiky an̈isany ekipy miaro tontolo iain̈ana; izy mampiasa fitaovan̈a ahaizan̈a oe nahomby va tsy nahomby raha efa natao hiarovan̈a rano amy matsabory hely io tsy haloto.

Ranabavy araiky mianatra man̈apetaka panneaux miaro amy nintsy. Panneaux ndreky isolant, baka io briky mahaforon̈o riba ambelan̈a.

Midamo lalan̈a handeha hatao goudron. Lalan̈a io mandalo marikitry tran̈o fikobabian̈a raha, ary izio koa lalan̈a farany izikoa fa mitsidiky sampan̈a.

Tazan̈iny baka an̈abo, ilany avaratrantin̈iana. Lagriky lava be mitsangana fananjò amy tany hanjary réception amy tran̈o hatao birô. Ankavanan̈anany io, tany handeha hatao birô; ankavianany ndraiky, tany handeha hiasan̈a lakoziny, ndreky antany finanan̈a baka io auditorium na tran̈o malalaka fampiasain̈a amy fotoan̈a manokan̈a. Hita tsarabe tany misy fan̈oren̈ana io.

Vỳ han̈amboaran̈a raha hipitrahany tafony tran̈o hanjary lakoziny, ndreky tany finanan̈a, baka io faritry misy auditorium na tran̈o malalaka fampiasain̈a amy fotoan̈a manokan̈a amy tran̈o hanjary birô.

Ranabavy araiky an̈isany ekipy miaro tontolo iain̈ana man̈aramaso fangadian̈a lavaka, marikitry faritry misy kakazo tsy mety tiven̈y. Efa nisoritindro an̈isany ekipy pan̈amboatra zaridain̈y limitiny faritry mety hangadian̈a, amy zen̈y tsy maratra vahatrandro kakazo aby mila arovan̈a aby io. Faritry aby zen̈y tsy mety han̈oren̈ana tran̈o foeky.

Rahalahy araiky an̈isany ekipinolo pan̈amboatra zaridain̈y mamboly gazon amy sisindalan̈a. Kakazo hely maromaro natsatony io mitana gazon aby io parpaniriany vahatrandro.

Piasa antsitrapo araiky mitrasy nimerony etazy misy izy. Fanjava araiky tafaranizio, nisy piasa antsitrapo maro napetraka tamy Tran̈o D tao.

Piasany sosiete araiky man̈apetaka eskalie ndreky faritry misy izy. Béton efa vita tsialohaloha nan̈amboaran̈a izio, ke raha avy apetaka fo.

Rahalahy aroe man̈apetaka rafitry vỳ mamahan̈a plafon. Ankavanan̈a rỳ ndraiky iro an̈isany ekipiny plombier ndreky fitaovan̈a fampiasaindro koa fa man̈apetaka chauffage, vantilatera, ndreky klimatizera.

Ranabavy aroe an̈isany ekipiny plombie man̈apetaka colliers de serrage na raha fandalaovany tuyaux, ambaniny tany misy réception amy tran̈o misy birô.

Piasa antsitrapo maromaro man̈amboatra kanaly hivarin̈any rano, an̈elan̈elan̈a tran̈o misy studio vidéo ndreky tran̈o fikobabian̈a raha.

Piasany sosiete araiky man̈apetaka arofanin̈y amy tafotran̈o misy tany fihinanan̈a. Lalan̈a misy pôtô vato aby amy sisiny io ndraiky miboaka amy Tran̈o A afara rỳ.

Efa mitsangana pôtô vỳ atao tomboko tran̈o ndreky lohany tran̈o. Tran̈o io handeha han̈anovan̈a atelie ndreky birô.

Tazan̈iny baka an̈abo, faritry avaratrandrefa. An̈ivo aminy ilany ankavanan̈a, efa voarafitry vỳ aby handeha hiasan̈a tran̈o fikobabian̈a raha, baka io efa manomboko mitsangana koa ribanany. Hita amy farany aloha, studio vidéo. Efa manomboko asa mifandray aminizio. Alohanany iô efa misy tany efa vita goudron. Tany misy birô an̈ivo aminy ilany ankavia, fa afaranizio ndraiky iro tran̈o ipitrahan̈a aby in̈y.

Tazan̈iny baka an̈abo, andra vo kiaka. Aloha io, tran̈o D ndreky E, baka io F efa vita. Iritriretin̈y ho vita aminy Oktobra tran̈o C.

Piasa antsitrapo man̈apetraka vato handeha han̈anovan̈a matsabory. Fisianizio an̈isany mba mampatsara fidiran̈a amy tany misy birô aby afarafara, an̈atin̈atiny kakazo rỳ.

Pandrafitry man̈apetaka raha momba chauffage, vantilatera, ndreky klimatizera, baka io jiro amy plafon. Baka amy birô io ao handaminandro rahalahy aby io asa handeha hataony ekipy tsiaraikiaraiky.

Béton misy vitra efa vita tsialohaloha nampiasain̈y nan̈amboaran̈a ribany birô aby io. Ten̈a mampalaky asa raha zen̈y, fotony tamy farany fanjava Aoty fo efa vita tran̈o io. Ampy tsara koa hazavan̈a an̈atiny birô azony vitra be aby io. Natao somary miditry an̈aty hely fipetrakany vitra aby io amy zen̈y tsy maresaka loatra hazavan̈any masoandra lera ririnin̈y, baka io tsy mafana loatra koa andra lera maintany.

Piasa antsitrapo man̈efitry plafon aminy auditorium na tran̈o malalaka fampiasain̈a amy fotoan̈a manokan̈a ndreky plafon amy tany finanan̈a. Amy zen̈y nata miaraka ampiasain̈a tany aroe mifan̈ankila io, tsisy feo mitsaka foeky baka ambadiky mandeha ambadiky.