NAN̈INO RAHA ZEN̈Y TEN̈A ILAIN̈A? Mila misy korazy ndreky mila matoky Jehovah mare atsika, fotony hiatriky raha miavaka hiboaka tsy hoela. Hanomboko fahorian̈a be izikoa fa hiravan̈iny fivavahan̈a diso. (Mt 24:21; Ap 17:16, 17) Hikorontan̈a mare fiain̈ana amy zen̈y, fa kanefa atsika ndraiky mbala mety hitory didimpitsaran̈a. (Ap 16:21) Hanafiky atsika koa Goga baka Magoga. (Ezk 38:10-12, 14-16) Jehovah amy zay hiaro vahoakanany, ke hanomboko “adiny andra maventiny Zan̈ahary Farany Mahery.” (Ap 16:14, 16) Mila efa zatra tsy mivadiky rango izioty atsika, baka hanan̈a korazy hiatriky raha mbala hoavy aby zen̈y.

AKORY HAN̈ANOVAN̈A ZEN̈Y?

• Mila misy korazy man̈araka fitsipikiny Jehovah momba fitondranten̈a.—Is 5:20

• Miaraha mivory amy piaramanompo fo. —He 10:24, 25

• Mazotoa man̈araka toromariky baka amy fandaminany Jehovah.—He 13:17

• Saintsain̈a akory nataony Jehovah namonjy vahoakanany taloha tan̈y.—2Pe 2:9

• Mivavaha amy Jehovah, baka io matokisa izy.—Sl 112:7, 8

ALIFASA TAPANY AMY VIDEO NAN̈INO ATSIKA MILA MISY KORAZY? AVIO AN̈ONTANIA PAN̈ATRIKY:

• Nan̈ino sarotro tamindro pitory aby io nan̈araka toromariky, izikoa fa nizara fiangonan̈andro?

• Nan̈ino ma atsika mila mila misy korazy baka zatra man̈araka toromariky?

• Nan̈ino atsika mila misy korazy aminy Haramagedona?

• Ino tantara amy Baiboly hahavy atsika hatoky fa Jehovah mahavita mamonjy atsika?—2Ta 20:1-24