AZA VOLY MIAMBIN̈Y!
2022: Taon̈o Feno Raha Mampiasaloha—Ino Raha Koran̈iny Baiboly Momba Zen̈y?
Tamy taon̈o 2022 ty, ady, fahasahiran̈ana arabola ndreky antambo isankarazany, zen̈y fo ankamarozany raha hita amy vaovao. Fa efa amy Baiboly zaraiky fo ten̈a man̈azava dikany mahavy raha aby zen̈y.
Dikany raha mandalo aby io
Raha mandalo tamy taon̈o tafarafara tato man̈aboaka tsarabe fa atsika ten̈a efa miain̈y aminy “andra farany” koran̈iny Baiboly. (2 Timoty 3:1) Izio nanomboko taminy 1914. Zahava fa iro raha nandalo vo tsy ela aby io mifan̈araka tsara amy raha efa nambarany Baiboly tsialohaloha fa hiboaka amy fotoan̈a iain̈antsika izioty.
“Ady.”—Matio 24:6.
Zahava lahatsoratra “Russie Manafiky Ukraine.”
“Mosary.”—Matio 24:7.
Zahava lahatsoratra “Ady an Ukraine Mahaimandrosoko Mosary Erantany.”
“Valan̈aretin̈y.”—Lioka 21:11.
Hita tsarabe fa valan̈aretin̈y aby io ten̈a mamono, sady olo koa nahay mora marary fo.” c
Zahava lahatsoratra “Nisy Tsiota Tapitrisa Olo Natiny COVID.”
“Raha mampavozo.”—Lioka 21:11.
Ke maro mare raha robaka ndreky olo maty, baka io mandeha antapitrisany olo tsisy tran̈o hipitrahan̈a.” d
Zahava lahatsoratra “Manonga Mare Hafanan̈a amy Tany Jiaby.”
“Korontan̈a.”—Lioka 21:9.
Mampameloko iro baka fisiany problemo aratoekarena ndreky fanongany vidindraha.” e
Zahava lahatsoratra “Fanongany Vidimpiain̈ana Erantany.”
Ino koa raha hiboaka amy taon̈o hoavy io?
Tsisy olo mahay raha hiboaka amy taon̈o 2023 io. Fa ny raha haintsika fo, efa hely tavela, Fanjakan̈any Zan̈ahary andan̈itry an̈y io han̈ova fiain̈ana ambony tany eto. (Daniela 2:44) Izio han̈adoso raha jiaby mahavy atsika olombelon̈o hijaly. Izio koa han̈ano raha hampatanteraka sitrapony Zan̈ahary ambony tany eto.—Matio 6:9, 10.
Ke zahay mandrisiky anao han̈araka torohevitriny Jesosy “aza voly miambin̈y”, baka io aleva onon̈o fa man̈atanteraka faminanian̈a raha jiaby miboaka man̈erantany io. (Marka 13:37) Baiboly io afaka man̈ampy anao ndreky fianakavian̈anao rango izioty, sady afaka man̈amia fan̈antinan̈a anaro amaray an̈y. Mifandraisa aminay azafady, izikoa anao tihahazo fan̈ampiny fan̈azavan̈a momba zen̈y.
a AP News, “2022 Was Year the Horror of War Returned to Europe,” nisoratiny Jill Lawless, 8 Desambra 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” nisoratiny Lawrence O. Gostin, JD, 22 Septambra 2022.
d Earth.Org, “What’s Behind the Record-Breaking Extreme Weather Events of Summer 2022?” nisoratiny Martina Igini, 24 Oktobra 2022.
e Carnegie Endowment for International Peace, “Economic Anger Dominated Global Protests in 2022,” nisoratiny Thomas Carothers ndreky Benjamin Feldman, 8 Desambra 2022.
Mety ho Tianao Koa
FAN̈ONTANIAN̈A VALIANY BAIBOLY
Ino ma Raha Ahaizan̈a “Andra Farany” na “Vanimpotoan̈any Farany”?
Baiboly efa nan̈ambara tsialohaloha raha maro miaraka hiboaka ahaizan̈a andra farany.
FAMPIANARAN̈A FOTOTRO AMY BAIBOLY
Karakory ma Fanjakan̈any Zan̈ahary Zen̈y?
Tamy Jesosy tambony tany teto, raha momba Fanjakan̈any Zan̈ahary io raha ten̈a nampianariny. Rango efa ela, pianatranany mivavaka haviany Fanjakan̈a io.
FAMPIANARAN̈A FOTOTRO AMY BAIBOLY
Komansy Nitondra Fanjakan̈any Zan̈ahary Taminy 1914
Efa mandilatra 2500 taon̈o loso zay, Zan̈ahary nampan̈inofy paminan̈y araiky momba fanjakan̈a araiky mahery. Tanteraka izioty raha zen̈y.
RAHA MOMBA ZAHAY
Mangataka Vangian̈a
Miaraha mandiniky fan̈ontanian̈a amy Baiboly aminay, na mianara raha maromaro momba Vavolombelon̈o Jehovah.
