LESON 48
Fidiana Tsarabe Olo Ataonao Kamarady
Olo ten̈a kamaradintsika tia atsika fo, na tsara na ratsy raha mandalo. Fa Baiboly mampitandrin̈y atsika fa tsy olo jiaby tsara atao kamarady. Ke karakory ataonao hifidy kamarady tsara? Iritrireta fan̈ontanian̈a aby ambany io.
1. Misy vokany aminao ma kamarady fidinao?
Atsika malaky man̈araka raha ataonolo fan̈osihosy amintsika, na hitantsika iro, na aminy Internet atsika mikoran̈a amindro. Fa mety hahatsara atsika na handrobaka atsika iro olo aby io. Karaha zen̈y ho Baiboly: “Lan̈iany olo miaraka aminolo misy jery hanjary ho hisy jery, fa hidirany antambo ndraiky lan̈iany olo minaman̈a aminolo tsisy sain̈y [olo tsy tia Jehovah].” (Ohabolana 13:20) Kamarady tia Jehovah ndreky manompo izy han̈ampy anao hangala fanapahankevitry tsara ndreky hinaman̈a amy Jehovah. Fa anao koa mikamarady mare aminolo tsy tia Jehovah, anao hahaiho lavitry Jehovah fo. Zen̈y mahavy Baiboly mandrisiky atsika hifidy tsarabe olo ataontsika kamarady! Samy hahazo hatsaran̈a atsika ndreky kamaradintsika, izikoa samy tia Jehovah. Atsika ho afaka “hifankahery ndreky hifanohantohan̈a fo.”—1 Tesalonianina 5:11.
2. Misy vokany amy Jehovah ma kamarady fidinao?
Mitandrin̈y tsarabe Jehovah izikoa fa mifidy olo ataony kamarady. “Olo man̈ano raha mahitsy fo ho tsara fihavan̈ana aminany.” (Ohabolana 3:32) Karakory ho Jehovah, izikoa atsika mikamarady aminolo tsy tia izy? Ten̈a ho diso fan̈antinan̈a izy! (Vakia Jakoba 4:4.) Fa ho ravoravo ndreky hikamarady amintsika izy, izikoa atsika tsy mikamarady amy naman̈a ratsy fa mihavan̈a tsarabe aminany ndreky aminolo tia izy.—Salamo 15:1-4.
ALEVA ONON̈O
Diniha ino antony maventy tokony hahaizan̈a mifidy olo atao kamarady. Zahava koa ino raha han̈ampy anao hahita kamarady ten̈a mety aminao.
3. Mitandrema amy kamarady ratsy
Tsy tsara atao kamarady olo koa tsy tia Jehovah ndreky tsy man̈araka fitsipikinany. Alifasa VIDEO io, avio iaraha dinihin̈y fan̈ontanian̈a ambany io.
-
Akory mety hahavy atsika hikamarady aminolo tsy tia Jehovah, na izio tsy azontsika onon̈o?
Vakia 1 Korintianina 15:33, avio iaraha dinihin̈y fan̈ontanian̈a ty:
-
Olo karakory tsy tsara atao kamarady? Nan̈ino?
Vakia Salamo 119:63, avio iaraha dinihin̈y fan̈ontanian̈a ty:
-
Olo karakory tsara atao kamarady?
Pomy araiky montraka io mety handrobaka pomy jiaby io. Ino vokany anao koa manan̈a naman̈a ratsy?
4. Mety hanjary kamarady fo olo nata tsy mitovy
Baiboly mikoran̈a momba lelahy israelita taloha tan̈y, Davida ndreky Jonatana. Tsy mira taon̈ondro ndreky raha niain̈andro, fa iro tsy fankafoe. Vakia 1 Samoela 18:1, avio iaraha dinihin̈y fan̈ontanian̈a ty:
-
Nan̈ino tsy olo mitovy taon̈o ndreky mitovy fiain̈ana amintsika fo tokony hataontsika kamarady?
Vakia Romanina 1:11, 12, avio iaraha dinihin̈y fan̈ontanian̈a ty:
-
Akory hataonolo pinaman̈a samy tia Jehovah mifankahery?
Zahava amy video ty, akory nahitany rahalahy tanora ty kamarady tamy tany tsy niritriretiny. Alifasa VIDEO io, avio iaraha dinihin̈y fan̈ontanian̈a aby ambany io.
-
Tamy video in̈y, nan̈ino raimandreniny Akil niasaloha taminolo nataony kamarady ta lekoly tan̈y?
-
Ino raha nitiavany iro kamaradinany aby io?
-
Akory nataony baka izy tsy nahatsiaro latsatokana?
5. Akory atao hampatsara fikamaradianan̈a?
Diniha akory ahitanao ten̈a naman̈a, avio akory hataonao baka anao mba ho naman̈a tsara koa. Alifasa VIDEO io.
Vakia Ohabolana 18:24 ndreky 27:17, avio iaraha dinihin̈y fan̈ontanian̈a aby ty:
-
Akory ataonolo ten̈a kamarady mifan̈ampy?
-
Asa anao manan̈a kamarady karaha zen̈y? Izikoa mbala tsendriky, akory tokony hataonao?
Vakia Filipianina 2:4, avio iaraha dinihin̈y fan̈ontanian̈a ty:
-
Anao koa tihanan̈a kamarady tsara, anao mila mifen̈y baka ho tsara atao kamarady. Akory han̈anovanao zen̈y?
Anao koa tihanan̈a kamarady tsara, anao mila mifen̈y baka ho tsara atao kamarady
MISY OLO MIVOLAN̈A: “Sitrany maro kamarady tozay tsisy foeky.”
-
Akory hevitrinao?
INO RAHA NIANARANAO TATO?
Atsika koa mahay mifidy olo atao kamarady, ho ravoravo Jehovah, avio atsika koa hahazo hatsaran̈a maro.
Fan̈ontanian̈a Fameren̈ana
-
Nan̈ino ma ten̈a raha maventy amy Jehovah fifidianantsika olo ataontsika kamarady?
-
Olo karakory tsy tokony hataontsika kamarady?
-
Anao koa fa misy kamarady tsara, akory hataonao baka hitohy fo fikamaradiananaro?
ZAHAVA
Zahava akory ataonolo ten̈a kamarady, aminy andra sarotro.
Mifen̈a Hanjary Kamarady Mare Diany Farany io Mbala Tsy Avy (Tilikambo Fiambesan̈a Novambra 2019)
Diniha akory ahitanao olo ten̈a tsara atao kamarady.
“Akory Hazahoako Kamarady Misy Jery?” (Fan̈ontanian̈any Tanora, Boky Voanalohany, toko 8)
Ino raha tokony ho hainao momba naman̈a aminy Internet?
Aleva onon̈o amy tantarany lelahy araiky ty, titranany “Nahazo Baba Fo Zaho In̈y”, nan̈ino izy nifidy naman̈a hafa.
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
