LESON 13
Mangala Baraka Zan̈ahary Fivavahan̈a Diso
Zan̈ahary io fitiavan̈a. Fa nan̈ino fo fivavahan̈a man̈ano raha ratsy maro, kanefa iro man̈ano manompo izy? Fotony iro io fivavahan̈a diso ke mangala baraka Zan̈ahary. Amy fomba karakory iro io mangala baraka Zan̈ahary? Akory fahitany Zan̈ahary raha zen̈y? Mbala hataony karakory iro io?
1. Nan̈ino mangala baraka Zan̈ahary raha ampianarindro fivavahan̈a diso aby io?
Fivavahan̈a aby io ‘nanakalo fahamarin̈ana Zan̈ahary tamy vandy.’ (Romanina 1:25) Ohatra iziô, maro fivavahan̈a tsy mampianatra olondro an̈aran̈a Zan̈ahary. Kanefa Baiboly mivolan̈a fa an̈aran̈a Zan̈ahary io tsy maintsy hampiasain̈y. (Romanina 10:13, 14) Koa fa misy raha ratsy mandalo, pitariky fivavahan̈a sasany mivolan̈a fa izio efa lahatra Zan̈ahary. Vandy zen̈y. Tsy baka amy Zan̈ahary foeky mahavy raha ratsy aby io. (Vakia Jakoba 1:13.) Mampalahelo fa loso sarotro aminolo ho tia Zan̈ahary, baka amy vandindro pitariky fivavahan̈a aby io.
2. Nan̈ino raha ataondro amy fivavahan̈a diso aby io mangala baraka Zan̈ahary?
Tsy mira amy fitondrasany Jehovah olo fitondrasany fivavahan̈a diso aby io olo. Baiboly mivolan̈a fa ‘efa mipaka amy lan̈itry fahotan̈any’ fivavahan̈a diso aby io. (Apokalypsy 18:5) Tan̈atiny taon̈o taon̈o, iro io man̈ano politiky, manohan̈a ady, baka io tompinandraikitry tamy fahafatesanolo maro. Sasany amindro pitariky fivavahan̈a aby io koa tiho pan̈arivo mare, ke iro mitaky vola aminolo amindro ao. Raha jiaby zen̈y man̈aporofo fa iro tsy mahay Zan̈ahary foeky, ke iro tsy afaka misolo ten̈a izy.—Vakia 1 Jaona 4:8.
3. Akory fahitany Jehovah fivavahan̈a diso aby io?
Ndray anao fo mahinihiny amy raha ataony fivavahan̈a diso, intsaka eky Jehovah? Izy ndray tia olo, izy meloko amindro pitariky fivavahan̈a diso aby io, fotony iro mangala baraka izy sady mampijaly olonany. Izy mampan̈anten̈a fa mbala hiravan̈iny fivavahan̈a diso, ke “tsisy andra ahitan̈a izy koa.” (Apokalypsy 18:21) Ke efa tsy ho ela, Zan̈ahary handravan̈a fivavahan̈a diso jiaby ankitin̈y.—Apokalypsy 18:8.
ALEVA ONON̈O
Zahava, akory fahitany Jehovah fivavahan̈a diso. Zahava koa ino aby raha nataony fivavahan̈a diso, baka io nan̈ino raha zen̈y tsy tokony hampavoly anao hianatra momba Jehovah.
4. Tsy fivavahan̈a jiaby ikeny Zan̈ahary
Maro olo mieritreritry fa fivavahan̈a io mira lalan̈a maro sampan̈any, fa samy avian̈a amy Zan̈ahary aby jiaby. Marin̈y ma zen̈y? Vakia Matio 7:13, 14, avio iaraha dinihin̈y fan̈ontanian̈a ty:
-
Ino raha volan̈iny Baiboly momba lalan̈a mandeha amy fiain̈ana io?
Alifasa VIDEO io, avio iaraha dinihin̈y fan̈ontanian̈a ambany io.
-
Baiboly ma mivolan̈a fa maro fivavahan̈a mamparavoravo Zan̈ahary?
5. Fivavahan̈a diso aby io tsy ahitan̈a taratrany fitiavany Zan̈ahary
Mangala baraka Zan̈ahary amy fomba maro fivavahan̈a diso aby io. An̈isany raha ten̈a ratsy ataondro, iro manohan̈a ady. Izikoa tihahita ohatra araiky, alifasa VIDEO io. Avio iaraha dinihin̈y fan̈ontanian̈a aby fan̈araka io.
-
Ino raha nataony fivavahan̈a maro taminy Ady Lehibe Faharoe in̈y?
-
Akory fahitanao raha nataondro zen̈y?
Vakia Jaona 13:34, 35 ndreky 17:16. Avio iaraha dinihin̈y fan̈ontanian̈a aby ty:
-
Fahitanao izy, akory nataony Jehovah nahita iro fivavahan̈a niditry taminy ady io?
-
Fivavahan̈a diso ten̈a tompinandraikitry tamy raha maro tsy manjary. Ino aby raha hitanao ataony fivavahan̈a, ke mahavy anao mivolan̈a fa tsy ahitan̈a taratrany fitiavany Zan̈ahary fivavahan̈a diso?
Fivavahan̈a diso aby io tsy ahitan̈a taratrany fitiavany Zan̈ahary
6. Tiany Zan̈ahary han̈ampy olo hiala amy fivavahan̈a diso
Vakia Apokalypsy 18:4, a avio iaraha dinihin̈y fan̈ontanian̈a ty:
-
Anao koa fa nahay fa Zan̈ahary tihan̈ampy olo tsiaraikiaraiky voafitakany fivavahan̈a diso, ino raha tsapanao?
7. Tohiza fo fianaran̈a raha momba Zan̈ahary marin̈y
Tokony han̈ova fiheveranao Zan̈ahary ma raha tsy manjary volan̈iny fivavahan̈a diso ndreky raha ataondro? Iritrireta hely, misy tsaiky lelahy araiky tsy nan̈araka volan̈anolobeny. Niala tamindro tao izy fa nandeha nan̈ano hadalan̈a. Tsy tiany babany raha nataony zanany io. Fahitanao izy, nan̈ino babany tsaiky io tsy tokony hamian̈a tsin̈y aminy hadalan̈any zanany io?
-
Anao izioty mahay raha ratsy ataondro fivavahan̈a aby io, ke han̈amia tsin̈y Zan̈ahary ndreky ho voly hianatra Baiboly ma anao?
MISY OLO MIVOLAN̈A: “Zaho tsy mila raha momba Zan̈ahary zen̈y, fotony fivavahan̈a fo mahavy problemo jiaby io.”
-
Akory hevitrinao momba zen̈y?
-
Nan̈ino tsy tokony han̈ova fiheveranao Jehovah raha ataony fivavahan̈a diso?
INO RAHA NIANARANAO TATO?
Hiravan̈iny Jehovah fivavahan̈a diso aby io, fotony mangala baraka izy amy raha ampianarindro ndreky raha ataondro.
Fan̈ontanian̈a Fameren̈ana
-
Akory fahitanao raha ampianarindro fivavahan̈a diso aby io ndreky raha ataondro?
-
Akory fahitany Jehovah iro fivavahan̈a diso aby io?
-
Hataony Jehovah karakory iro fivavahan̈a diso aby io?
ZAHAVA
Zahava raha aroe tsy mamparavoravo Zan̈ahary, ataony ankamarozany fivavahan̈a.
“Fivavahan̈a Jiaby io ma Mitovy Fo ke Samy Ikeny Zan̈ahary?” (Lahatsoratra aminy Internet)
Nan̈ino ma atsika tiany Jehovah hanompo izy miaraka aminy olonany?
Nisy pitariky fivavahan̈a araiky nijaly jery tamy fivavahan̈anany. Fa raha zen̈y tsy nisakana izy tsy hianatra fahamarin̈ana momba Zan̈ahary.
“Nan̈ino ma Pitariky Fivavahan̈a io Niala?” (Mifohaza! Fevrie 2015)
Tan̈atiny taon̈o taon̈o fivavahan̈a maro mivolan̈a vandy mikasiky Zan̈ahary, ke mahavy olo hieritreritry fa Zan̈ahary zen̈y tsy mijery atsika ndreky ratsy fan̈ahy. Zahava ato telo amindro vandy aby io, avio zahava ino ny ten̈a marin̈y.
“Ino aby ma Vandy Volan̈inolo Momba Zan̈ahary?” (Tilikambo Fiambesan̈a 1 Novambra 2013)
a Izikoa tianao hay nan̈ino bokiny Apokalypsy mivolan̈a fivavahan̈a diso io man̈angy araiky, an̈aranany Babylony Be, zahava Fan̈azavan̈a 1.
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
