2013 წანაშ არგუსო ფილიპინარ იეჰოვაშ მოწმეეფშო ისტორიულ რდუ, მუშენდა მაანთასა სამეფო დარბაზიქ ეშენუ. შხვა ბრელ ქიანაცალო, ფილიპინეფს მოწმეეფს ვართ ფარა უღდეს დო ვართ ბრელ მუთუნ უჩქუდეს შენებაშ. წანეფიშ დინახალე თინეფ ჸუდეეფს დო ბამბუკიშ ჭიჭე შენობეფს იშაყარუდეს.

იეჰოვაშ მოწმეეფიშ რიცხვის აძინუ დო საჭირო რე სამეფო დარბაზეფიშ შენება მუჭოთ ფილიპინეფსინ, თეშ შხვა ქიანეფს ხოლო. ათეშგურშენ 1999 წანას იეჰოვაშ მოწმეეფიშ ხემანჯღვერე საბჭოქ გეგმიმუშუ სამეფო დარბაზეფიშ შენებაშ პროგრამა საშუალება ვა უღუნ ფერ ქიანეფშო. თე პროგრამაშ ჭყოლოფუათ მთელ მსოფლიოს მახორუ მოწმეეფიშ შესაწირავეფი ართიანს მიაძინუ. შენება უჩქუნან ფერ და დო ჯიმალეფშე იშაყარუ ჯგუფეფი, ნამუთ კრებეფს ოხვარნა მუნეფიშ დარბაზიშ გედგუმას. თე პროგრამაქ ფილიპინეფს 2001 წანაშ ნოემბერშე დიჭყუ.

ილუმინადო მარილაოშ კრებას მსახურენს (ბულაკანი), სოდეთ მაანთასა სამეფო დარბაზიქ ეშენუ. თინა იჩიებუ: „ჩქიმ თოლო ქობძირ, მუნერ რე ქრისტიანულ საჯიმალო. ოსურეფი, კოჩეფი, ახალგაზრდეფი დო მოხუცებულეფი ართიანიშ ელარინელო მუფშენდით თაკარია ჩხანას. მართალ რე, სამუშა დღაშ ბოლოს შულადირეფ ვორდით, მარა მოხიოლდეს, მუშენდა საქმეს ართო ვორთუდით“.

და დო ჯიმალეფიშ შურ დო გურით მუშობას შხვეფი ხოლო ორწყედეს. დიდ მანქანაშ შოფერქ, ნამუსით ოშენებელ ობიექტშა ქვიშა დო ხრეში მოუღუდუნ, თქუ: „თქვა მართალო ბუტუტიეფცალო მუშენთ; არძა ართიანს ელურეთ. თეცალ დღას სოთინ ვამძირუ“.

დარბაზიშ შენებას თუთა დო გვერდიქ ხოლო ვედესაჭირუ. სამეფო დარბაზიშ ჩქარას აშენებაქ და დო ჯიმალეფს საშუალება ქიმეჩეუ, ღორონთიშ სამეფოშ გურშენ სახიოლო ამბე ირ კოჩშა ქუქადაქებდესკო (მათე 24:14).

თექიან კრებაშ წევრი ელენი იჩიებუ: „ჯვეშ სამეფო დარბაზის ვემტირედით, ათეშგურშენ ბრელ გალე ხედუ. ახალი სამეფო დარბაზი სქვამ დო მოხუჯურ რე. ასე არძოს შემლებნა უჯგუშო მიფრჩქილუათ პროგრამა, ნამუთ გურშა ელამკინანა“.