საბატონს, 2013 წანაშ 5 გიმათუთას, „პენსილვანიაშ საგუშაგო კოშკიშ, ბიბლიაშ დო ტრაქტატეფიშ საზოგადოებაშ“ 129-ა ირწანიან შეხვალამას 21 ქიანას 257 294 კოჩიქ დესწრუ. ნამთინე სოდეთ პროგრამა მიშუნ, თექ რდუ, ნამთინე ვებ-ტრანსლაციათ უჯინედ თე პროგრამას. ინოჭარილ პროგრამა კინ თი მარაშ საბატონ დო ჟეშხას ბრელშა ოძირუეს, ნამუშ ჭყოლოფუათ შხვა მოწმეეფქ ხოლო ქუჯინეს თე ვიდეოს. ართო აკოძინელო თე შეხვალამას 31 ქიანას 1 413 676 კოჩიქ დესწრუ. თენა რდუ იეჰოვაშ მოწმეეფიშ ისტორიას არძაშ უმოს დიდ შეხვალამა. თე შეხვალამას ოსწრუდესინ თინეფიშ რიცხვი, მექსიკას დო ცენტრალურ ამერიკას ჩატარებულ სპეციალურ პროგრამას ოსწრუდესინ თინებიშ რიცხვშე — 1 327 704-შე უმოს რდუ.

მაეჩა საუკუნეშ 20-იან წანეფშე დოჭყაფილ, იეჰოვაშ მოწმეეფი ტელეფონიშ დო რადიოშ ქსელეფს გიმირინუანა, კონგრესიშ პროგრამა საერთაშორისო აუდიტორიას გენოჩანინ თიშენ. ამდღა ინტერნეტ ტექნოლოგიაშ ჭყოლოფუათ პროგრამაშ ხვალე რჩქილა ვარინ, ჯინა ხოლო რე შეიოლებერ. იეჰოვაშ მოწმე უილიამი, შეერთებულ შტატეფს ცხოვრენს. 1942 წანას კონგრესის რიჩმონდის (ვირჯინია) დესწრუ დო პროგრამას ტელეფონიშ ხაზით ურჩქილ. ირწანიან შეხვალამას ქიდესწრუნ თიშ უკულ, თიქ თქუ: „ართ რე ხვალე ხუმას ირჩქილედე დო გვალო შხვა რე სქან თოლით უჯინედე პროგრამას“.

იეჰოვაშ მოწმეეფიშ მუსხირენ ფილიალიშ წევრი ართ წანაშე მეტ ხანს ახაზირენდუ ვებ-ტრანსლაციას, ნამუსით ანთასობით საათიქ დესაჭირუ. ტექნიკოსეფი ბრუკლინშე (ნიუ-იორკი) უშულადუო უჸუნუანდეს თოლს პროგრამას დო თიშ ტრანსლაციას 15 ქიანას, სოდეთ შხვადოშხვა დრო რე. ტექნიკოსი რაიანი იჩიებუ: „მართალ რე ლურქ დუმოკორდეს, მარა თენა ღირუდ თიშა, მუშენდა თე პროგრამას ბრელ კოჩიქ უჯინუ“.