„ვეცად ბიბლია წებკითხკო, მარა თიშ სიდიდაქ ჭიჭეთ დუმოშკურინუ“ (15 წანერ ბრიანა).

 სიხოლო თაშ ხომ ვაიგინაფ დუდ? თაშ ქორენ-და, თე სტატია მიგეხვარებ!

•  მუშენ ოკო იბკითხე ბიბლია?

•  მუჭო გინვოშქვა ბიბლიაშ კითხირ უმოს საინტერესოთ?

•  მუს იჩიებნა სქან მახანეფ?

 ხომ ვა ფიქრენქ, ნამდა ბიბლიაშ კითხირ მოსაწყენ რე? თაშ ქოფიქრენქ-და, ვენერვიანა. შილებე ფიქრენქ, ნამდა ბიბლიაშ კითხირშე უმოს საინტერესო ტელევიზორიშ ვარდა ვიდეოეფიშ ჯინა რე. ალბათ თაშ თიშენ ფიქრენქ, ნამდა ბიბლია ანთასშე მეტ გვერდშე შითმოდირთუ, ჭიფე შრიფტით რე ჭარილ დო ვართ მუთუნნერ სურათეფ რე თექ.

 მარა დეფიქრ თეცალ მუდგარენშე: შემთხვევით ჯვეშ სკივრ ქოძირ, ვედგეინტერესებნო, მუ ინოძ დინახალე?

 შილებე ფთქუათ, ნამდა ბიბლია ხოლო ძვირფასეულობათ ეფშა სკივრცალ რე. თე წიგნ, სოდეთ ბრძნულ რჩევეფ ინოჭარ, მიგეხვარებ:

•   მიღე ბრძნულ გადაწყვეტილებეფ

•   მშობლეფწკუმა საერთო ნინა დოგორე

•   დოგორე ჯგირ მეგობრეფ

•   მერუე სტრესის

 მუ გაგებათ შილებე თე უჯვეშაშ წიგნ ამდღა ხოლო პრაქტიკულ რდას გიმარნაფალო? თეშ მიზეზ თინა რე, ნამდა „მთელ წმინდა წერილ ღორონთშე რე შთაგონებულ“ (2 ტიმოთე 3:16). ათეშენ, ბიბლიურ რჩევეფ ღორონთშე მოურს.

 დუდშე ბოლოშა წეკითხ ბიბლია. თაშ მოქციება მიგეხვარებ, წარმოდგენაქ ქუგაშუას ბიბლიაშ შინაარსშენ. შეილებ თიშ კითხირ შხვადოშხვანერო ქოცადე. გუვარჩუათ მუსხირენ მაგალით:

•    შეილებ ბიბლიაშ 66 წიგნ თი თანმიმდევრობათ იკითხე, მუთ ბიბლიას რე მოჩამილ — დაბადებაშე გამოცხადებაშახ.

•    შეილებ ბიბლია თი ქრონოლოგიათ წეკითხე, სოდეთ თექ ეჭარილ მოვლენეფ ხვადუ.

 რჩევა: იესოშ დედამიწას ცხოვრებაშ დროს მოხვალამირ მოვლენეფ ქრონოლოგიურ თანმიმდევრობათ ეჭარილ რე „ახალ ქიანაშ თარგმანიშ“ ა7 დანართის.

 გეგშაგორ თი ბიბლიურ ეპიზოდეფ, ნამუთ სქან ამდღანერ მდგომარეობას მეურე. მაგალთო:

•   გოკონო, რჸუნდას სანდო მეგობრეფ? წეკითხ დავითიშ დო იონათანიშ ისტორია (1 სამუელი 18—20 დუდეფ). უკულ გეგნიჭარ ართ-ართ ომეცადინებელ ფურცელ (როგორ ვიპოვოთ ნამდვილი მეგობრები?), სოდეთ პრაქტიკულ რჩევეფ რე მოჩამილ.

•   გოკონო, მერუე ცდუნებას, მუჟამსით თიშ წოხოლე გედირთუქ? წეკითხ იოსებიშ გურშენ, მიდგაქ მერუ ცდუნებას (დაბადება 39-ა დუდ). უკულ გეგნიჭარ ომეცადინებელ ფურცელეფ [როგორ გავუძლოთ ცდუნებას? (იოსები — ნაწილი 1); უსამართლობის მსხვერპლი იოსები (იოსები — ნაწილი 2)]. თე ომეცადინებელ ფურცელეფ მიგეხვარებ, მერუე ცდუნებეფს.

•   გოკონო, გეგე, მუჭო მიგეხვარებ ლოცვა? წეკითხ ნეემიაშ ისტორია (ნეემია მა-2 დუდ). უკულ გეგნიჭარ ართ-ართ ომეცადინებელ ფურცელ (ღმერთმა უპასუხა მის ლოცვას), სოვრეშეთ გეგენქ, მუს ბგურაფლენთ ნეემიაშ მაგალითშე.

 რჩევა: დოგორ მშვიდ გარემო, სოდეთ ბიბლიას წეკითხენქ, ნამდა კითხირიშ დროს მუთუნქ ვა გეცილას.

 გეგშაგორ ნამდგაინ ბიბლიურ მონაკვეთ ვარდა ფსალმუნ, წეკითხ დო უკულ ნაკითხირ სქან დუდის დუკავშირ. კითხირიშ დროს დეფიქრ:

•    მუშენ ინაჭარაფუ იეჰოვაქ ბიბლიას თე მონაკვეთ?

•    მუს ბგებულენქ თავრეშე იეჰოვაშ გურშენ?

•    მუჭო შემლებ კითხირებულიშ გიმორნაფა?

 რჩევა: მიზანო გიღდას, ბიბლია გეგმაშ მიხედვით წეკითხე. გეგშაგორ დღა, მუჟამსით კითხირს დიჭყანქ.