წერმიდგინით მოჸოროფე დიდა, ნამუთ მუშ ჭიჭე ბოშის ამზადენს სკოლაშ მაულარო. თინა ოკვირ, ნამდა ბაღანა მოწესრიგებულ რდას დო სუფთას მიკაქუნდას. თეშნერო, ბაღანა ჯანმრთელ იჸი დო შხვეფ ხოლო ქოძირნა, ნამდა თის მშობლეფ ჯგირო მიკმაჯინენა. თაშ რე ჩქინ შემთხვევას ხოლო, ჩქინ მოჸოროფე მუმას ოკო, მუჭოთ ფიზიკურო, თეშ ზნეობრივო სუფთეფ ვორდათ. ჩქინ სისუფთავე განადიდენს იეჰოვას დო ჩქინდა ხოლო ჯგირობუა მოუღ.

1. მუჭო შემლებნა ფიზიკურო სუფთეფ ვორდათ?

იეჰოვა მირაგადნა: „წმინდეფ რდათ“ (1 პეტრე 1:16). სიწმინდე დაკავშირებულ რე ზნეობრივ დო ფიზიკურ სისუფთავეწკუმა. ფიზიკურო სუფთეფ ვორეთ, მუჟამსით ირო იბომნუნთ დო ვოცადუთ, ჩქინ მიკაქუნალ, ჸუდე დო მანქანა სუფთა დო მოწესრიგებულ რდას. თეს გეძინელ, შემლებნა ჩქინ დარბაზიშ დონწყუალას მიბღათ მონაწილება. მუჟამსით იფცვენთ ფიზიკურ სისუფთავეს, განვადიდენთ იეჰოვას (2 კორინთელები 6:3, 4).

2. მუ ჩვევეფს ოკო ევუჩილითუათ დუდ, ნამდა სუფთეფ ვორდათ?

ბიბლია ჩქინდე ითხინს, „გეფსუფთათ თი ირფელშე, მუთ გილმალუანს სხეულს დო გონებას“ (2 კორინთელები 7:1). თაშ ნამდა, ოკო ვებრძოლათ თი ირფელს, მუთ აზიანენს ჩქინ სხეულს დო გონებას. ჩქინ ფიქრეფით იეჰოვა ოკო განვადიდათ, ათეშენ ირფელს ვორთუთ, ნამდა ქივეწინააღმდეგათ არასწორ ფიქრეფს (ფსალმუნი 104:34). თეს გეძინელ, ნინაშ სუფთათ დაცვებას ვოცადუთ (წეკითხით კოლოსელეფიშ 3:8).

ხოლო მუქ შილებე ფიზიკურო დო მორალურო უწმინდურო გინმორთინუან? თენა შილებე ნამთინე ნივთიერებაშ გიმორნაფაშ შედეგ რდას. ათეშენ, ჩქი დუდის ევუჩილითუანთ თამბაქოს დო ნარკოტიკულ ნივთიერებეფიშ გიმორნაფას სამედიცინო მიზანიშ უმშო. თაშ მოქციებათ, ვუთხილანთ ჩქინ ჯამრთელობას დო ვოძირანთ, ნამდა ვაფასენთ სიცოცხლეშ ძღვინს. თეს გეძინელ, ჩქი ირნერო ვოწინააღმდეგუთ თიცალ უწმინდურ მოქმედებეფს, მუნერით რე მასტურბაცია a დო პორნოგრაფიაშ ჯინა (ფსალმუნი 119:37; ეფესოელები 5:5). შილებე თე ჩვევეფშე გინორჩქვანა ადვილ ვა რდას, მარა იეჰოვას შეულებ ჩქინ მოხვარა (წეკითხით ესაიაშ 41:13).

 ქიგეგით უმოს

3. ფიზიკურ სისუფთავე განადიდენს იეჰოვას

ისრაელეფშა მეჩამილ იეჰოვაშ მითითებეფშე ვორწყეთ, მუ შეხედულება უღჷ თის სისუფთავეშ გურშენ. წეკითხით გამოსვლაშ 19:10 დო 30:17—19 დო უკულ გარჩით თუდო მოჩამილ კითხვეფ:

• მუჭოთ თე მუხლეფშე იძირე, მუნერ დამოკიდებულება უღჷ იეჰოვას ფიზიკურ სისუფთავეშ გურშენ?

• ნამ ჯგირ ჩვევეფ მიგეხვარებნა ფიზიკურ სისუფთავეშ დაცვებას?

დრო დო ენერგია რე საჭირო, ნამდა ფიზიკურო სუფთეფ ვორდათ. ვა უღჷ მნიშვნელობა, სო ფცხოვრენთ ვარდა მუნერ ფინანსურ მდგომარეობა მიღნა, სისუფთავეშ დაცვება შეიოლებერ რე. ქოძირით ვიდეო დო უკულ გარჩით თუდო მოჩამილ კითხვა:

• მუჭო იმოქმედენს ჩქინ ნივთეფიშ სისუფთავე სამქადაგებლო საქმეშა?

4. გეგნარჩქვანით გლახა ჩვევეფს

სიგარეტის ქოშუნთ ვარდა ნარკოტიკეფს ქოღებულენთ-და, გარჩქილედან იჸი, მუნერ ძნელ რე თეშე გინორჩქვანა. მუს შეულებ თქვან მოხვარა? დეფიქრით, მუჭო მოქმედენს თქვანდა თე ჩვევა. წეკითხით მათეშ 22:37—39 დო უკულ გარჩით, მუჭო მოქმედენს სიგარეტიშ შუმა დო ნარკოტიკეფიშ მეღება . . .

• პიროვნებაშ იეჰოვაწკუმა მეგობრობაშა

• პიროვნებაშ ოჯახიშ წევრეფ დო შხვეფწკუმა ურთიერთობაშა

შეადგინ თიშ გეგმა, მუჭო გიორჯგინე თე გლახა ჩვევას. b ქოძირით ვიდეო.

წეკითხით ფილიპელეფიშ 4:13 დო უკულ გარჩით თუდო მოჩამილ კითხვა:

• მუჭო შეულებ რეგულარულო ლოცვას, ბიბლიაშ კითხირს დო კრებაშ შეხვალამეფშა დასწრებას, მეჩას პიროვნებას ძალა, ნამდა გიორჯგინას გლახა ჩვევას?

 5. ქეწინააღმდეგით უწმინდურ აზრეფს დო საქციელს

წეკითხით კოლოსელეფიშ 3:5 დო უკულ გარჩით თუდო მოჩამილ კითხვეფ:

• სოვრეშე მიჩქნა, ნამდა პორნოგრაფია, სექსტინგ c დო მასტურბაცია უწმინდურ რე იეჰოვაშ თოლს?

• მუჭო ფიქრენთ, ქორენო გონივრულ, ნამდა იეჰოვა ჩქინდე ზნეობრივ სიწმინდეს ითხინს დო მუშენ ფიქრენთ თაშ?

ქიგეგით, მუჭო შეილებნა ქეწინააღმდეგათ უწმინდურ აზრეფს. ქოძირით ვიდეო.

იესოქ მაგალით მიჸონ თიშ ოძირაფალო, ნამდა ზნეობრივო სუფთეფქ ქუდოფსქიდათინ, გინოჭყვიდილ ოკო მაფდან ვაკეთათ თინა, მუთ სწორ რე. წეკითხით მათეშ 5:29, 30 დო უკულ გარჩით თუდო მოჩამილ კითხვა:

• იესო ჩქინ დუდშა ფიზიკურ ზიანიშ მერინაფაშე ვეჩიებუდ. თინა გულისხმენდჷ, ნამდა ჩქინ მხარეშე მოქმედება რე საჭირო. თაშ ნამდა, მუ ოკო აკეთას პიროვნებაქ უწმინდურ ფიქრეფიშ ჩათხინაფალო? d

უწმინდურ ფიქრეფს ქაბრძოლუთ-და, რშუდან, იეჰოვა აფასენს თქვან მონდომას. წეკითხით ფსალმუნიშ 103:13, 14 დო უკულ გარჩით თუდო მოჩამილ კითხვა:

• უწმინდურ ჩვევას ქაბრძოლუთ-და, მუჭო ელაიკინანა თე მუხლეფ გურშა, ნამდა ვემიოტუათ ბრძოლა??

 დასკვნა

ჩქი იეჰოვას გურს ვუხარენთ, მუჟამსით ვა ვაუწმინდურენთ ჩქინ სხეულ დო გონებას დო უწმინდურო ვეფქციებუთ.

გამეორებელ კითხვეფ

• მუშენ რე მნიშვნელოვან, ვორდათ სუფთეფ?

• მუჭო შეილებნა, ფიზიკურო სუფთა რდათ?

• მუჭო შეილებნა დეცვათ სიწმინდე ფიქრეფით დო საქციელით?