დუდ 34
მუჭო შემლებნა ვოძირუათ, ნამდა მიჸორა იეჰოვა?
ალბათ, უმოსო დეახლოვით იეჰოვას თიშ უკულ, მუთ ბიბლიაშ გურაფა დიჭყით. ქუგოკონანო, გაგრძელათ თიწკუმა მეგობრობაშ გამანგარება? თაშ ქორენ-და, რშუდან, მუთ უმოსო ძირუნს იეჰოვა, ნამდა თიშ მიმართ თქვან ჸოროფა ირდუ, თით უმოსო ქოჸიოროფუანა დო ქიზრუნენს თქვანდე. მუჭო შეილებნა ოძირუათ იეჰოვას, ნამდა გიჸორა?
1. მუჭო ვოძირანთ იეჰოვას, ნამდა მიჸორა თინა?
ჩქი იეჰოვას ჸოროფას მორჩილებათ ვოძირანთ (წეკითხით 1 იოანეშ 5:3). თინა მითინს ვანძალენს მორჩილებას. თეშ მანგიორო იეჰოვა არძას მარზენა შესაძლებლობას, გეგნობჭყვიდათ დევემორჩილებუთ დო ვარ თის. მუშენდა, იეჰოვას ოკო, მთელ გურით ვომორჩილდათ თის (რომაელები 6:17). შხვა სიტყვეფით ქოფთქუათინ, ღორონთის ოკო, ვალდებულ რეთინ თიშენ ვარინ, გიჸორან თიშენ დემორჩილათ თის. თე წიგნიშ მა-3 დო მა-4 ნაწილეფ თეშ რე შედგენილ, ნამდა ქიმგეხვარან, გეგმოხანტათ იეჰოვაშ ჸოროფა მუშ მოსაწონ საქმეეფიშ კეთებათ დო თიცალ საქმეეფშა დუდიშ ეჩილითაფათ, მუთ თის ვა მოწონს.
2. მუშენ შილებე ძნელ რდას იეჰოვაშ ჸოროფაშ გიმოხანტუა?
„ბრელ უბედრობა შეხვადუ მართალ კოჩის“ (ფსალმუნი 34:19). არძა ვობრძოლუთ არასრულყოფილებას. თეს გეძინელ, შილებე ეკონომიკურ პრობლემეფს, უსამართლობას დო შხვა სირთულეეფს ფხვადუდათ. თე დროს, შილებე ძნელ რდას თიშ კეთება, მუდგას იეჰოვა ითხინს ჩქინდე. მუშენდა, არასწორ შარაშ მეჸუნა შილებე უმოს ადვილ რდას, ვინემ სწორიშ. მარა, მუჟამსით ართგურო ორთუთ თის, მუდგას იეჰოვა გირაგადნა, ოძირანთ, ნამდა თინა ირფელიშ უმოსო გიჸორა დო თიშ ართგურ რეთ. შედეგო, იეჰოვა ხოლო თქვან ართგურ იჸუაფ დო დღას ვემგოტენა (წეკითხით ფსალმუნიშ 4:3).
ქიგეგით უმოს
გეგმირკვით, მუშენ უხარენს გურს იეჰოვას თქვან მორჩილება. თეს გეძინელ, ქიგეგით, მუ მიგეხვარებნა, ქუდოსქიდათ თიშ ართგურეფქ.
3. საკითხ, ნამუთ პირადო თქვა ხოლო გოხუნა
მუჭოთ ბიბლიაშ წიგნ იობის ჭარჷ, სატანაქ ბრალ ხვალე იობის ვარინ, არძა თი ადამიანს გედვჷ, მიდგას ოკო იეჰოვაშ მსახურება. წეკითხით იობიშ 1:1, 6—2:10 დო უკულ გარჩით თუდო მოჩამილ კითხვეფ:
-
მუჭოთ სატანაქ თქუ, მუშენ ომსახურუდ იობი იეჰოვას? (ქოძირით იობიშ 1:9—11)
-
მუს აბრალუაფ სატანა არძა ადამიანს, თინეფ შქას პირადო თქვა ხოლო? (ქოძირით იობიშ 2:4)
წეკითხით იობიშ 27:5ბ დო უკულ გარჩით თუდო მოჩამილ კითხვა:
-
მუჭო ოძირუ იობიქ, ნამდა თის მართალო უჸორდჷ იეჰოვა?
იობიქ ართგურქ ქუდოსქიდჷ დო თეთ დამტკიც, ნამდა უჸორდ იეჰოვა
ართგურეფ ქუდოფსკიდუთ-და, ვამტკიცენთ, ნამდა მიჸორა იეჰოვა
4. გურ გუხარით იეჰოვას
წეკითხით იგავეფიშ 27:11 დო უკულ გარჩით თუდო მოჩამილ კითხვა:
-
მუს გინაფლენს იეჰოვა, მუჟამსით ბრძნულო იქციებუთ დო ომორჩილუთ თის დო მუშენ?
5. თქვა შეილებნა, რდათ იეჰოვაშ ართგურეფ
იეჰოვაშ ჸოროფა აღბძრენა, შხვეფს ხოლო ვეჩუათ თიშ გურშენ. ართგურობა მოხვარნა, თაშ თი დროს ხოლო მიფქცუათ, მუჟამსით თენა ვა რე ადვილ. ქოძირით ვიდეო დო უკულ გარჩით თუდო მოჩამილ კითხვეფ:
-
დღას გარჭირებნანო შხვეფშა იეჰოვაშ გურშენ ჩიება?
-
მუქ მეხვარ გრეისონს, გიორჯგინკო შიშის?
იეჰოვაშ ართგურობა უმოს ადვილ მაფნა, მუჟამსით მიჸორა თინა, მუთ თის უჸორს დო ბჯოგნა თინა, მუთ თის ჯოგჷ. წეკითხით სალმუნიშ 97:10 დო უკულ გარჩით თუდო მოჩამილ კითხვეფ:
-
მუჭოთ ბიბლიაშ გურაფაშ დროს გეგით, მუ რე თი ნამთინე მუდგარენ, მუთ უჸორს დო ჯოგჷ იეჰოვას?
-
მუჭო შეილებნა ქიჸოროფუათ თინა, მუთ ჯგირ რე დო გიჯოგუათ თინა, მუთ გლახა რე?
6. იეჰოვაშ მორჩილება ჯგირობუას მომღანა
იეჰოვაშ მორჩილება ირფელიშ უჯგუშ რე. წეკითხით ესაიაშ 48:17, 18 დო უკულ გარჩით თუდო მოჩამილ კითხვეფ:
-
მუჭო ფიქრენთ, მართალო უჩქნო იეჰოვას, მუ რე ჩქინო არძაშ უჯგუშ? მუშენ იჩიებუთ თაშ?
-
მუ ჯგირობუა მოიღეს ბიბლიაშ დო ჭეშმარიტ ღორონთ იეჰოვაშ გურშენ გურაფაქ?
ნამთინექ შილებე თქუას: „ღორონთშო არძაართ რე მა მუჭო იფქციებუქ“.
-
ნამ ბიბლიურ მუხლიშ გიმორნაფა შეილებნა თიშ ოძირაფალო, ნამდა ჩქინ საქციელ მოქმედენს იეჰოვაშ გრძნობეფშა?
დასკვნა
იეჰოვაშ ჸოროფას გიმოფხანტუნთ, მუჟამსით ვომორჩილუთ თის დო სირთულეეფიშ უმკუჯინუო, ფსქიდუთ თიშ ართგურეფ.
გამეორებელ კითხვეფ
-
მუ დიგურეთ იობიშ მაგალითშე?
-
მუჭო ოძირანთ იეჰოვას, ნამდა გიჸორა?
-
მუ მიგეხვარებნა, იეჰოვაშ ართგურეფქ ქუდოსქიდათ?
დამატებით მასალა
ქიგეგით, მუჭო შეილებნა რდათ იეჰოვაშ დო კრებაშ ართგურეფ.
ქიგეგით უმოს, მუ ბრალ გედვჷ სატანაქ ადამიანეფს.
„იობიქ ბოლოშა ართგურქ ქუდოსქიდ!“ („მუს მოგებაფუანა ბიბლია?“ ნაწილ მა-6)
ქიგეგით, მუჭო შეულებნა ბაღანეფს, გეგმოხანტან იეჰოვაშ ჸოროფა.
მუჭო შეულებ ახალგაზრდას, ვადინუას იეჰოვაშ ართგურობა, თიმწკუმა ხოლო, მუჟამსით შხვეფ ოცადნა, გეიჸუნუან თინა, ნამდა გლახა გაკეთას?
შილებე თექ ხოლო მიგეწონან
ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ
მუჭო იტარებ ბიბლიაშ გურაფა იეჰოვაშ მოწმეეფწკუმა ართო?
იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.
