დუდ 17
მუნერ პიროვნება რე იესო?
მუჟამსით ბგებულენთ, მუს იჩიებუდ დო ორთუდ იესო დედამიწას ცხოვრებაშ დროს, ვორწყეთ თიშ ჯგირ თვისებეფს, ნამუთ უმოსო მაახლოვენა თიწკუმა დო თიშ მუმა, იეჰოვაწკუმა. ნამ რე თე ნამთინე ჯგირ თვისება? მუჭო შემლებნა, მივაჸუნათ თიშ მაგალითის?
1. მუთ გჷ იესო მუშ მუმას?
ზეცას იესო მილიარდობით წანას ოკვირუდ მუშ საჸოროფო მუმას დო გურაფლენდჷ თიშე. შედეგო, იესო თიშნერო ფიქრენს, თიცალ გრძნობეფ უღჷ დო თეშ მოქმედენს, მუჭოთ მუშ ზეციერ მუმა (წეკითხით იოანეშ 5:19). იესო თიცალ სრულყოფილო გიმირჩქინანს მუმაშ თვისებეფს, ნამდა თქუ: „მა ბძირუნ თიქ, მუმა ხოლო ძირჷ“ (იოანე 14:9). იესოშ გურშენ მეტიშ გაგებათ, იეჰოვას ხოლო უჯგუშო გეჩინებაფუანთ. მაგალთო, იესო ადამიანეფიშ მდგომარეობაშა მიშეშ, მუთ ოძირანს თის, მუჭო ზრუნენს იეჰოვა თქვანდე.
2. მუჭო ოძირუ იესოქ, ნამდა უჸორს იეჰოვა?
იესოქ თქუ: „ქვეყნიერებას უჩქუდას, ნამდა მუმა მიჸორს, თის ვორთუქ, მუთ მუმაქ მუჩჷ მცნებათ“ (იოანე 14:31). დედამიწას ცხოვრებაშ დროს, იესოქ მუმაშ დიდ ჸოროფა თით ოძირუ, ნამდა თიმწკუმა ხოლო ომორჩილუდ, მუჟამსით თეშ კეთება ვა რდჷ ადვილ. თეს გეძინელ, იესოს მუშ მუმა თეშ უჸორდჷ, ნამდა ირიათო ოკოდ თიშ გურშენ იჩუკო დო შხვეფს ხოლო მეხვარკო, გინირთესკო ღორონთიშ მეგობრეფო (იოანე 14:23).
3. მუჭო ოძირუ იესოქ, ნამდა უჸორს ადამიანეფ?
ბიბლია იჩიებ, ნამდა იესოს განსაკუთრებულო უჸორდჷ „კოჩიშ გამნარყ“ (იგავები 8:31). თინა გიმოხანტუნდჷ ჸოროფას თით, ნამდა გურშა ელუკინანდჷ დო დუდგინოდვალირო ოხვარუდ ადამიანეფს. იესოშ სასწაულეფშე, ხვალე თიშ ძალა ვარინ, თინა ხოლო იძირედ, ნამდა მიშეშ შხვეფიშ მდგომარეობაშა (მარკოზი 1:40—42). თინა არძას ჯგირო ოქცუდ დო ვეგმირჩქინანდჷ გიშაკერძაფას. თიშ სიტყვეფ გურშა ელუკინანდჷ დო იმენდის არზენდჷ ჯგირ გურიშ ადამიანეფს, მით თის ურჩქილედ. ხალხიშ ჸოროფაშ გურშენ იესო მზათ რდჷ ტანჯება დო ღურაშო. მარა თის განსაკუთრებულო თინეფ უჸორს, მით მეჸუნს თიშ გურაფეფს (წეკითხით იოანეშ 15:13, 14).
ქიგეგით უმოს
ქიგეგით უმოს, მუნერ პიროვნება რდჷ იესო დო დეფიქრით, მუჭო გიმოხანტათ ჸოროფა დო გურხვეობა თეშ, მუჭოთ თეს თინა ორთუდ.
4. იესოს უჸორს მუშ მუმა
იესოშ მაგალით მოგურუანა, მუჭო გიმოფხანტათ ღორონთიშ ჸოროფა. წეკითხით ლუკაშ 6:12 დო იოანეშ 15:10; 17:26 თე მუხლეფიშ კითხირიშ უკულ, გარჩით თუდო მოჩამილ კითხვა:
-
მუჭო შემლებნა, მივაჸუნათ იესოშ მაგალითის დო ვოძირუათ, ნამდა მიჸორა იეჰოვა?
იესოს უჸორდჷ მუშ ზეციერ მუმა დო ხშირას ეჩიებუდ თის ლოცვათ
5. იესოს ჯგირო არჩქილე, მუ ოსაჭირ ადამიანეფს
იესო პირველ ადგილს მუშ დუდიშ ვარინ, შხვეფიშ საჭიროებეფს გიორინუანდჷ. თინა დროს დო ენერგიას შხვეფიშ მახვარებელო გიმირინუანდჷ თიმწკუმა ხოლო, მუჟამსით შულადირ რდჷ. წეკითხით მარკოზიშ 6:30—44 დო უკულ გარჩით თუდო მოჩამილ კითხვეფ:
-
მუჭო ოძირუ იესოქ, ნამდა შხვეფიშ მდგომარეობა გურშა მეუღუდ? (ქოძირით მუხლეფ 31, 34, 41 დო 42)
-
მუ აღძრენდჷ იესოს, მეხვარკო ხალხის? (ქოძირით მუხლ 34)
-
იესო გიმირჩქინანს თიცალ თვისებეფს, მუნერით იეჰოვას უღჷ. მუს ბგებულენთ იესოშე დაკვირებათ თიშ გურშენ, მუნერ პიროვნება რე იეჰოვა?
-
მუჭო შემლებნა გურშა მიბღათ შხვეფიშ გაჭირება დო თეშნერო, მივაჸუნათ იესოშ მაგალითის?
6. იესო გურხვე რე
მართალ რე, იესოს ბრელ მუთუნ ვა უღუდ, მარა თინა გურხვე რდჷ დო ჩქი ხოლო ელამჩანა, ვორდათ გურხვეეფ. წეკითხით საქმეეფიშ 20:35 დო უკულ, გარჩით თუდო მოჩამილ კითხვა:
-
მუჭოთ იესოშ სიტყვეფშე იძირე, მუ მომღანა ბედნერობას?
ქოძირით ვიდეო დო უკულ გარჩით თუდო მოჩამილ კითხვა.
-
მუ რე თი ნამთინე საშვალება, მუდგათ შემლებნა გურხვეობა გიმიფრჩქინათ თიშ უმკუჯინუო, ნამდა შილებე ბრელ მუთუნ ვამღუდან?
ქოიჩქუდესო?
ბიბლია მოგურუანა, იეჰოვას იესოშ სახელით მიმაფრთათ ლოცვათ (წეკითხით იოანეშ 16:23, 24). მუჟამსით თაშ ბლოცულენთ, მარდულობას გიმიფრჩქინანთ თიშ გურშენ, მუთ იესოქ აკეთ ჩქინ მახვარებელო, ნამდა იეჰოვაშ მეგობრეფო გინიფრთითკო.
ნამთინექ შილებე თქუას: „ღორონთის შუროთ ვა წუხენს ჩქინ ტანჯება“.
-
მუჭოთ მიჩქნა იესო მუშ მუმაშ თვისებეფს გიმირჩქინანს. თქვან აზრით, მუჭო ამტკიცენს თიშ საქმეეფ, ნამდა იეჰოვაშო არძა ართ ვა რე ჩქინ მდგომარეობა?
დასკვნა
იესოს უჸორს იეჰოვა დო ადამიანეფ. თინა იეჰოვაშ ამნახანტ რე, ათეშენ მუთ უმოსო გეჩინებაფუანთ იესოს, თით უმოსო გეჩინებაფუანთ იეჰოვას.
გამეორებელ კითხვეფ
-
იესოცალო, მუჭო შემლებნა გიმიფრჩქინათ იეჰოვაშ ჸოროფა?
-
იესოცალო, მუჭო შემლებნა გიმოფხანტათ ადამიანეფიშ ჸოროფა?
-
იესოშ ნამ თვისებაქ მიგეწონეს არძაშ უმოსო?
დამატებით მასალა
დეფიქრით იესოშ ნამთინე თვისებაშე, ნამუთ შემლებნა ჩქი ხოლო გეგმიფრჩქინათ.
„მიაჸუნით იესოშ მაგალითის დო . . .“ („იესო ქრისტე — შარა, ჭეშმარიტება დო სიცოცხლე“, გვ. 317)
ქოძირით, მუ მნიშვნელოვან როლ უღჷ იესოს ჩქინ ლოცვეფს.
„მუშენ ოკო იბლოცათ იესოშ სახელით?“ („გინაჯინალ კოშკი“ 1 ფრევალი, 2008 წ.)
იჩიებნო ბიბლია მუთუნს იესოშ გარეგნობაშ გურშენ?
მუშ გურაფა შემლებნა თევრეშე, მუჭო ოქცუდ იესო ოსურკათას?
„ღორონთიშ თოლს დაფასებულეფ“ („გინაჯინალ კოშკი“ 1 სექტემბერი, 2012 წ.)
შილებე თექ ხოლო მიგეწონან
ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ
მუჭო იტარებ ბიბლიაშ გურაფა იეჰოვაშ მოწმეეფწკუმა ართო?
იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.
