ღორონთის ოკო მშვიდობიანო დო ბედნერო იფცხოვრათ სამოთხეთ გინორთელ დედამიწას მარადიულო!

თქვა შილებე იკითხათ: მუჭო იჸუაფ თენა შეიოლებერი? ბიბლიაშე ბგებულენთ, ნამდა თეს ღორონთიშ სამეფო შილებუანს. ღორონთიშ ნება რე, ირ კოჩიქ ქიგეგას თე სამეფოშენ დო თინა, მუ განზრახვა უღუ ღორონთის კაცობრიობაშო (ფსალმუნი 37:11, 29; ესაია 9:7).

ღორონთის ჯგირ ოკო ჩქინო

მუჭოთ მოჸოროფე მუმას ოკო არძაშ უჯგუშ სქუალეფშონ თეშ, ჩქინ ზეციერ მუმას ოკო, ნამდა ბედნერო იფცხოვრათ ირიათო (ესაია 48:17, 18). თინა მოპირნა, ნამდა „მით ღორონთიშ ნებას ასრულენსინ . . . მარადიულო იცოცხლენს“ (1 იოანე 2:17).

ღორონთის ოკო მუშ ჭიფე შარეფით გილაფრთათ

ბიბლიას პკითხულენთ, ნამდა ჩქინ გუმაჭყაფალ ღორონთი „მოგურუანა მუშ შარეფს“, „თიშ ჭიფე შარეფით“ გილულაქ ქეშმალებუანი თიშენ (ესაია 2:2, 3). თიქ „გიმორთ ხალხი მუშ სახელშო“, ნამდა მუშ ნება მთელ ქიანას ქუგაგებაფუას (საქმეები 15:14).

ღორონთის ოკო ართო აკოკათელო ფცათ თაყვანი

იეჰოვაშ წმინდა თაყვანიშმცემლობა ხალხის შკას ვართუნს, თინა ჸოროფათ არძას ართო აკოკათუნს (იოანე 13:35). მი ოგურუანს ამდღა ხალხის მთელ მსოფლიოს, მუჭო ემსახურან ღორონთის ართო აკოკათელო? ათე კითხვაშ პასუხის თე ბროშურაშე ქიგეგენთ.