მუშენ რე თე ხალხი თეცალ ბედნერი? თინეფი ართ-ართ ჩქინ კონგრესის ოსწრუნა. ჯვეშ დროს ღორონთიშ მსახურეფი წანმოწანაშე სუმშა იშაყარუდეს დო ჩქი ხოლო თინეფცალო შურგოტებულო ველუთ თეცალ შეხვალამეფიშ დასწრებას (კანონი 16:16). წანმოწანაშე სუმ დიდ შეხვალამა მიღნა. თენეფ რე: ჟირ ართდღიან სარაიონო კონგრესი დო სუმდღიან რეგიონული კონგრესი. მუს ომსარხურ თე კონგრესეფს?

კონგრესეფი ამანგარენს ქრისტიანულ საჯიმალოს. ისრაელეფცალო, ნამუთ შაყარელ ხალხწკუმა ართო ხიოლით განადიდენდეს იეჰოვას, ჩქი ხოლო კონგრესეფს ხიოლით ფცენთ ღორონთის თაყვანს და დო ჯიმალეფწკუმა ართო (ფსალმუნი 26:12; 111:1). თეცალ შეხვალამეფს საშუალება მიღნა, ქობძირათ ჩქინ თანაქრისტიანეფი შხვა კრებეფშე დო შხვა ქიანეფშე ხოლო. ონდღეს სადილიშ დროს ართო ბჭკომუნთ კონგრესი იტარებუნ თი ადგილს დო თენა ხეს უნწყუნს მეგობრულ ურთიერთობეფს (საქმეები 2:42). თე კონგრესეფს დიდ ჸოროფას ვორწყეთ, ნამუთ მსოფლიოს „მთელ საჯიმალოს“ ართო აკმოზგუმონჭუნს (1 პეტრე 2:17).

კონგრესეფი მოხვარნა მიბრდათ სულიერო. მუჟამს ისრაელეფი ართო იშაყარუდესი, თინეფს წმინდა წერილეფშე კითხირებულიშ გაგებას ხოლო ოხვარუდეს (ნეემია 8:8, 12). ჩქი მანგარო ვაფასენთ თის, ნამდა კონგრესეფს ბიბლიურ რჩევეფს მარზენა. პროგრამაშ ირ ნაწილ ბიბლიაშა რე გერსხილ. ცალკეულ მოხსენებეფშე, მოხსენებეფიშ სერიეფშე დო რეალურო მოხვალამირ შემთხვევეფიშ ინსცენირებეფშე ბგურაფლენთ, მუჭო ვასრულათ ღორონთიშ ნება. თი და დო ჯიმალეფიშ მორჩქილაფა ხოლო ემკინანა გურს, მიდგაქ გეგნარჯგინ პრობლემეფს ქრისტიანულ ცხოვრებაშ შარას. რეგიონულ კონგრესეფს კოსტიუმირებულ დრამეფი აცოცხლენს ბიბლიურ ეპიზოდეფს დო მოძირანა, მუ შემლებნა იბგურუათ ამდღა ჯვეშ დროშ მაგალითეფშე. მიდგას ოკო იეჰოვაშა დუდიშ მეძღვენუა ნათუათ ქაძირასინ, თეშ საშუალებას თითოულ კონგრესი არზენს.

• მუშენ რე კონგრესეფი სახიოლო ქრისტიანიშ ცხოვრებას?

• მუს მიგეხვარებუ პირადო სი კონგრესიშ დასწრება?