წიგნიშ, „ბიბლია მოგურუანა ქრისტიანულ ცხოვრებას“, ჭყოლოფათ, შეგალებე, ხეთეშე დოგორე თი ბიბლიურ მუხლეფ დო მონაკვეთეფ, ნამუთ სირთულეეფიშ გარზებას მიგეხვარებ. თეს გეძინელ, შეგალებე, ადვილო დოგორე თიცალ ბიბლიურ მონაკვეთეფ, მუდგათ გურშა ელგაკინნე დო მუგახვარებე შხვეფშა, მიღან თიცალ გადაწყვეტილებეფ, მუთ განადიდენს იეჰოვას. მუჟამსით დოგორუნქ თი დუდის, ნამუთ გოინტერეს, ქოძირუნქ თექ მოჩამილ კითხვეფ დო ბიბლიურ მონაკვეთეფიშ მოკლე კომენტარეფს, თენა მიგეხვარებ, ქიმიოგორუე პრაქტიკულ რჩევეფს, ხემძღვანელობას დო გურიშემაკინალ აზრეფს ღორონთიშ სიტყვაშე (ქოძირ ჩარჩო „ წიგნიშ თავისებურებეფ“). ქეშეხვადუქ თიცალ ბიბლიურ პრინციპეფს ხოლო, ნამუთ შხვეფიშ საჯგირობუოთ დო თინეფშა გურიშ ელაკინალო გიმგარინინე.

თე წიგნის ვა რე მოჩამილ არძა ბიბლიურ მუხლ, ნამუთ კონკრეტულ დუდის მოშინაფილ საკითხწკუმა რე დაკავშირებულ. მარა მოჩამილ რე თიცალ მუხლეფ, ნამუთ არძაშ უმოსო მეურე თე საკითხის დო საჭიროქ ქიჸუ-და, შეილებ თე საკითხშე მეტ ინფორმაცია სქანით ხოლო დოგორე (იგ. 2:​1—6). უმოს ტომბაშე გიმარკვიებელო, ქოძირ მოჩამილ ბიბლიურ მუხლეფიშ მარგინალურ მუხლეფ დო ინგლისურ ოგურაფალ ბიბლიას ნამთინე მუხლიწკუმა კეთებულ კომენტარეფ. გეგმირინე „იეჰოვაშ მოწმეეფიშ ორკვიებელ სახემძღვანელო“ დო „გინაჯინალ კოშკიშ პუბლიკაციეფიშ საძიებელ“, ნამდა უმოს სრულაშე ქიგეგე ბიბლიურ მუხლიშ მნიშვნელობა. ქოძირ თე ბიბლიურ მუხლიშ უახალაშ ენწყუმა, ნამდა უჯგუშო ქინანჭე თიშ მნიშვნელობას.

წიგნ, „ბიბლია მოგურუანა ქრისტიანულ ცხოვრებას“, მერჩანს ბიბლიურ სიბრძნეს, რჩქინას დო ინონჭაფაშ უნარს. თე პუბლიკაციაშ გიმორნაფაშ დროს, ხოლო უმოსო დერწმუნებუქ, ნამდა „ღორონთიშ სიტყვა ცოცხალ დო მოქმედ რე“ (ებ. 4:12).