35 დუდი

მუჭო შემლებ გინიფრთე ღორონთიშ მეგობარო?

ჯერემიქ ღორონთწკუმა ურთიერთობაშ საშვალება თიშ უკულ დაფას, მუჟამსით რთულ სიტუაციაქ ქუდუდირთ. თინა იჩიებ: „12 წანერ ვორდინ, მუაჩქიმქ ჸუდეშე მიდართჷ დო ქუდომტეს. ართ სერს ბლოცულენდჷ დო იეჰოვას ვოხვეწუდ, მუაჩქიმქ ჸუდეშა დირთკო“.

ბიბლიაშ კითხირიშ დროს ჯერემის გურს მანგარო შეხუ ფსალმუნიშ 10:14-იქ, სოდეთ იეჰოვაშ გურშენ ჭარჷ: „სი მიგოჯინე ცოდა მსხვერპლ, სი რექ ომბოლიშ მინჯე“. ჯერემი იჩიებ: „ქიბგინ, ნამდა იეჰოვა მირაგადუდ დო მოგებაფუანდჷ, ნამდა ელამრედ; თინა რდუ ჩქიმ მუმა. მის შეიალებედ თიშე უჯგუშ მუმა ჸოფედკო ჩქიმო?!“.

 შილებე გვალო თიცალ სიტუაცია ვა გიღდას, მუნერით ჯერემის უღუდ, მარა ბიბლია ართ მუდგარენს აარგამენს: იეჰოვას ოკო, სქან მეგობარ რდას. თექ ჭარჷ: „დეახლოვით ღორონთის დო თინა ხოლო დეგეახლოვებნა“ (იაკობი 4:8). დეფიქრ, მუს ნიშნენს თე სიტყვეფ. თიშ უმკუჯინუო, ნამდა ვეშეილებ ღორონთიშ ძირაფა დო ვართ თიშ თანასწორ ვეჸუაფუქ, თინა იშენით რთავაზენს, ხოლოშიან მეგობრულ ურთიერთობას.

მარა სქან მხარეშე მონდომა რე საჭირო, ნამდა ღორონთიშ მეგობარ რდე. წერმიდგინ თეცალ სიტუაცია: მაგალთო, ოთახიშ ყვავილ გიღჷ დო გიჩქჷ, ნამდა თიქ მირდასინ, საჭირო რე, რეგულარულო ინუბე წყარ დო ირნერო ქეშუნწყუე ხე თიშ რდუალას. თეშნერო, ღორონთწკუმა მეგობრულ ურთიერთობაშ გავითარებას ხოლო მონდომა ოსაჭირ. მუშ კეთება შეილებ, იეჰოვაწკუმა თეცალ ურთიერთობაშ გავითარებელო?

ბიბლიაშ გურაფა

ეგობრულ ურთიერთობაშო აუცილებერ რე ჟირხოლო მხარე რდას ჩართულ. თეცალ ურთიერთობაშ გავითარებელო საჭირო რე, ჩიება დო მორჩქილაფა. ზუსტას თაშ რე იეჰოვაწკუმა ურთიერთობაშ დროს  ხოლო. ბიბლიაშ კითხირ დო გურაფა ართ-ართ საშვალება რე, თიშ მარჩქილაფარო, მუს მეჩიებნა ღორონთ (ფსალმუნი 1:2, 3).

შილებე შუროთ ვა მორწონდას კითხირ დო გურაფა. ბრელ ახალგაზრდას უსხუნ, ტელევიზორს უჯინას, ილაჸაფას ვარდა მეგობრეფწკუმა ართო დრო გატარას. მარა იეჰოვაწკუმა მეგობრულ ურთიერთობაშ გავითარება ქუგოკონ-და, სქან მხარეშე მუდგარენიშ კეთება რე საჭირო. ბიბლიაშ გურაფაშ საშვალებათ ოკო ქუმურჩქილუე თის.

სქანდე მითინ ვეთხინს, ნამდა ბიბლიაშ გურაფაქ ტვირთო გინგართას. შეილებ, თინა სასიამოვნო პროცესო გინაშქვე თიმწკუმა ხოლო, მუჟამსით შილებე გურაფა ვა გიჸორდას. პირველ რიგის საჭირო რე, ნამდა დრო გეგმურთე ბიბლიაშ გურაფას. ართ ძღაბ, სახელო ლაიშ, იჩიებ: „გეგმობჭარ გეგმა დო ირ ოჭმარეს ბიბლიაშე ართ დუდის ბკითხულენქ“. 15 წანერ მარიას შხვა გეგმა უღჷ. თინა იჩიებ: „ირ სერს, დორულაფაშახ ბიბლიაშე ჭიჭე მონაკვეთის ბკითხულენქ“.

სქანო ბიბლიაშ კითხირიშ გეგმა შეადგინენ, ქოძირ თე წიგნის  292-ა გვერდის მოჩამილ ჩარჩო. უკულ, თუდო ქიმუჭარ, დღაშ ნამ მონაკვეთის შეგალებე ბიბლიაშ გურაფას 30 წუთ ვარა გეგმურთე.

․․․․․

გეგმაშ გიმოჭარუა ხვალე დაჭყაფ რე. ბიბლიაშ გურაფაშ დროს შილებე ქეშეამჩნუე, ნამდა ნამთინე ბიბლიურ მონაკვეთიშ კითხირ გვალო ადვილ ხოლო ვა რე. 11 წანერ  ჯიზრელ ალალას იჩიებ: „ნამთინე ბიბლიურ მონაკვეთ გასაგებო მანგარ რთულ რე დო იშენდოიშენ საინტერესო ოკითხე ხოლო ვა რე“. სი ხოლო თაშ ქოფიქრენქ-და, გურ ვეგიტახა. ბიბლიაშ ირ კითხირიშ დროს წერმიდგინ, ითამ იეჰოვას, სქან ხოლოშიან მეგობარს ურჩქილექ. ბიბლიაშ გურაფაქ სქანო საინტერესო დო სასიამოვნო პროცესიქ ქიჸუასინ, მონდომა რე საჭირო.

მნიშვნელოვან რე ლოცვა

ლოცვაშ საშვალებათ ღორონთწკუმა ჩიებაშ შესაძლებლობა მიღნა. დეფიქრ, მუშმაჯგირა ძღვინ რე თენა! შეილებ ღორონთის ლოცვაშ საშვალებათ ნებისმიერ დროს ეჩუე, იჸუაფ თენა დღაშით დოვარ სერით. თინა ირო მოირჩქილუანს. დო ხვალე თენა ვარინ, თის ოკო, ნამდა ქიმირჩქილუას სქან სიტყვეფ. ზუსტას ათეშენ ბიბლია ელამჩანა: „ლოცვათ, ხვეწინით დო სიმარდულით ქუწით არძა თქვან ოთხუალ ღორონთის“ (ფილიპელები 4:6).

მუჭოთ თე მუხლშე იძირე, იეჰოვაწკუმა ბრელ საკითხიშ გურშენ შეილებ ჩიება. თეშა მიშურს პრობლემეფ დო ოწუხებელ, ნამუთ გიღჷ. თეს გეძინელ, შეილებ მარდულობა გიმოხანტე თი ირფელშე, მუთ გიღჷ. მუჟამსით მეგობრეფ მუდგაინ ჯგირს გაიკეთენა, ხომ ვა გოჭყორდუ თინეფშა მადლობაშ რაგად? იეჰოვაწკუმა ურთიერთობაშ დროს ხოლო შეილებ თაშ მიქცუე, მუშენდა თის ბრელ ჯგირ აფჷ სქანდა კეთებულ, მუდგაშ კეთება შხვა ნამთინ მეგობარს ვა შეიალებედ (ფსალმუნი 106:1).

გეგმოჭარ თი მუდგარენეფ, მუდგაშეთ იეჰოვაშ მარდულ რექ

․․․․․

 მუშო ოკო რაგად, მინშა შილებე პრობლემეფ დო ოწუხებელ გიღდას. თეცალ დროს წეკითხ ფსალმუნიშ 55:22, სოდეთ ჭარჷ: „იეჰოვას მიანდ სქან ოღალ დო თინა ქელაიდირთუ, თინა დღას ვა დუშვენს მართალიშ დონთხაფას“.

 თუდო გეგმოჭარ, ნამ პირად პრობლემეფიშ გურშენ გოკო ილოცე.

․․․․․

პირად გამოცდილება

რე ართ მხარე, ნამუთ ოკო გეთვალისწინე იეჰოვაწკუმა მეგობრობაშ დროს. ფსალმუნმაბირე დავითიქ ჭარჷ: „გამორსით დო ქოძირუნთ, ნამდა ჯგირ რე იეჰოვა!“ (ფსალმუნი 34:8). მუჟამსით დავითიქ 34-ა ფსალმუნ ჭარჷ, სერიოზულ განსაცდელიშ წოხოლე გერდჷ. თის მეფე საულ ოჸვილარო მოთხოზუდ, თეს გეძინელ, მუჟამსით დუდიშგითაფორაფალს გორუნდჷ, მუშ ნტერეფ შქას, ფილისტიმელეფწკუმა ქუმოხვად. თეშ იძირედ, ნამდა დავითის ღურა მოძუდ, ათეშენ თიქ დუდ თეშ ოძირუ, ითამ ხანგა რდუ დო თევრეშე ინტჷ (1 სამუელი 21:10—15).

დავითის ვა უფიქრებ, ნამდა მუშ ჭკუათ დო მოხერხებულობათ ირსხჷ დუდ ღურაშე, თეშ გინაწონს, თინა იეჰოვას უმარდუდ გინოსქილადას. ჟიშე მოშინაფილ ფსალმუნს თიქ ჭარჷ: „ბკითხ იეჰოვას დო ქომპასუხ,  ჩქიმ არძა შიშშე მირსხჷ“ (ფსალმუნი 34:4). თაშ ნამდა, დავით მუშ პირად გამოცდილებაშ საშვალებათ ელუჩანდჷ შხვეფს: „გამორსით დო ქოძირუნთ, ნამდა ჯგირ რე იეჰოვა!“. *

ქუნორღვენო ცხოვრებას თიცალ სიტუაცია, მუჟამსით სქან დუდშა გეგმოცად, ნამდა იეჰოვა ზრუნენს სქანდე? თაშ ქორენ-და, გეგმოჭარ თე სიტუაციეფ. შილებე თეცალ განსაკუთრებულ სიტუაცია ვა ნორღვე, მარა დეფიქრ თი ირდღაშიან კურთხევეფშე, ნამდგას შილებე თეშ უჯინექ, მუჭოთ ჩვეულებრივ მუდგარენ.

․․․․․

შილებე მშობლეფ ჭიჭანობაშე გოგურუანა ბიბლიას. თენა კურთხევა რე, მარა საჭირო რე, იეჰოვაწკუმა პირად ურთიერთობა გავითარე. თენა დიო ხოლო ვაიკეთებ-და, შეილებ თე დუდის მოჩამილ რჩევეფ გიმირინუე. იეჰოვა აუცილებერო აკურთხენს სქან მონდომას. ბიბლია იჩიებ: „ქითხით დო მიგაჩამუნა, დოგორით დო ქოძირუნთ, დუხაკეთ დო გუგანჯამუნა“ (მათე 7:7).

წეკითხ გეძინელ მასალა პირველ ტომიშ 38-ო AND დო 39-ო დუდეფს.

უკულიან დუდის

გიჭირსო შხვეფწკუმა სქან რწმენაშენ ჩიება? მუჭო ოკო დეცვე სქან რწმენა?

[Footnote]

KEY SCRIPTURE

„ბედნერეფ რენა სულიერს მოჸუმენაფილეფ“ (მათე 5:3).

რჩევა

დღაშ დინახალე ოთხ გვერდშე ჭიჭეთ მეტის წეკითხენქ-და, ართ წანაშა გათენქ ბიბლიაშ კითხირს.

ქოიჩქუდუო ...?

თე წიგნის კითხულენქ დო თაქ მოჩამილ რჩევეფს ითვალისწინენქინ თენა ოძირანს, ნამდა იეჰოვა პირადო სქანით რე დაინტერესებულ (იოანე 6:44).

მუ ოკო აკეთე

ბიბლიაშ გურაფაქ უმოს ჯგირობუა მომღასინ  ․․․․․

რეგულარულო იბლოცენ  ․․․․․

მუ შემლებ ბკითხე მშობლეფს თე საკითხიშ გურშენ?  ․․․․․

მუჭო ფიქრენქ?

● მუჭო შეილებ ბიბლიაშ გურაფა სასიამოვნო პროცესო გინაშქვე?

● მუშენ ოკო იეჰოვას, მირჩქილუას არასრულყოფილ კათაშ ლოცვეფ?

● მუჭო შეილებ გაუჯგუშე ლოცვეფ?

[Blurb on page 291]

“მუჟამსით ჭიჭე ვორდ, ლოცვაშ დროს ირო ართ დო იგივეს იფჩიებუდ. ასე ვოცადუქ, კონკრეტულო იბლოცე დღაშ დინახალე მოხვალამირ გლახა დო ჯგირ მუდგარენეფშე. ართ დღა მაჟიაცალ ვა რე, ათეშენ ჩქიმ ლოცვეფს ხოლო შხვადოშხვა მუდგარენეფშე ვეჩიებუქ ღორონთის (ევა).

 [Box/​Picture on page 292]

 ჯგირო გეგმირკვი ბიბლია

1. გეგშაგორ თი ბიბლიურ მონაკვეთ, მუდგაშ კითხირ გოკო. ღორონთის ლოცვას ქოთხი სიბრძნე, ნამდა ქინანჭე კითხირებულს.

2. ყურადღებათ წეკითხ. ვეჩქარა. კითხირიშ დროს წარმოსახვაშ უნარ გეგმირინე. ქეცად წერმიდგინე, მუდგას კითხულენქ, მაგალთო, ითამ ორწყექ ხალხის, გარჩქილე თინეფიშ ხონარ, ასინჯენქ ოჭკუმალს დო თაშ. თოლშა ქეწირინე ბიბლიურ სიუჟეტეფ!

3. დეფიქრ თიშე, მუდგას კითხულენქ. ქოკითხ სქან დუდის:

● მუშენ ინაჭარაფუ იეჰოვაქ თე მონაკვეთ ბიბლიას?

● Wნამ ბიბლიურ პერსონაჟიშ მაგალითის ოკო მივაჸუნე დო ნამუშის ვარ?

● მუ პრაქტიკულ გაკვეთილ დიბგურე დო სო შემლებ თიშ გიმორნაფა?

● მუს მოგურუანს თე მონაკვეთ იეჰოვაშ გურშენ დო თიშენ, მუშენ მიქცუ იეჰოვაქ თაშ თე შემთხვევას?

4. ქილოც. ქუწი იეჰოვას, მუ დიგურე ბიბლიაშე დო მუჭო შეილებ ცხოვრებას თიშ პრაქტიკულო გიმორნაფა. ირიათო მადლობა ქუწი იეჰოვას, ნამდა გიღჷ თე სასწაულ ძღვინ — ბიბლია.

[Picture]

„სქან სიტყვა უსინთუანს ჩქიმ კუჩხის დო ჩქიმ ოულურს“ (ფსალმუნი 119:105).

[Box/​Picture on page 294]

დადგინ, მუ რე არძაშ უმოს მნიშვნელოვან

დრო ვაიღნო ლოცვაშო? ვა გოსქიდუნო დრო ბიბლიაშ ოგურაფალო? ხშირას, ბრელ მუდგარენ თიშა რე დამოკიდებულ, მუ გეირე პირველ ადგილს.

ქოცად: გეჭოფ ვედრა დო დიდ ქუალეფ ქინანწკარ. უკულ გეჭოფ ქვიშა დო ქინარღვჷ, სოიშახ ვედრა ვეიფშაფუ. ვედრას ქუალეფქ ხოლო ინგანტირ დო ქვიშაქ ხოლო.

ასე გოჩოლე ვედრა დო შხვანერო ქოცად. დიო ქვიშა ქინარღვ დო უკულ დიდ ქუალეფ ქინანწკარ. თე შემთხვევას არძა ქუა ვენგანტირე. საინტერესო რე, მუშენ? მიზეზ თინა რე, ნამდა პირველო ქვიშა ინარღვჷ.

მუშ გურაფა შემლებნა თე მაგალითშე? ბიბლია იჩიებ: „დერწმუნათ, მუ რე უმოს მნიშვნელოვან“ (ფილიპელები 1:10). თაშ ნამდა, პირველ რიგის გართობას ქიგიორინუანქ-და, ვადგოსქიდუ დრო „უმოს მნიშვნელოვან“ საქმეეფშო, მუდგაშა ღორონთწკუმა სქან ურთიერთობა მიშურს. პირიქით ქიმიქციებუქ-და, დრო გართობაშო ხოლო გიბაღდას იჸი დო სულიერ საქმეეფშოთ ხოლო. თაშ ნამდა, ირფელ თიშა რე დამოკიდებულ, პირველ რიგის მუს „ინარღვანქ ვედრას“.

[Picture on page 290]

ოთახიშ ყვავილცალო, იეჰოვაწკუმა ურთიერთობაშ გავითარებას ხოლო მონდომა ოსაჭირ