„ტოლერანტობას მშვიდობა მუღჷ“ (1995 წანაშ „იუნესკოშ“ დეკლარაცია ტოლერანტობაშ პრინციპეფიშ გურშენ).

 ხალხიქ ტოლერანტობა ვეგმირჩქინ-და, შილებე ართიანიშ პატიცემა მიოდინუან დო ართიანს ნტერო გინართან, შედეგო, თეს მაჸუნუ გოჯოგაფა, დისკრიმინაცია დო ძალადობა.

 ხალხის განსხვავებულ აზრ უღჷ ტოლერანტობაშ გურშენ. ნამთინე ფიქრენს, ნამდა ტოლერანტ პიროვნება არძანერ საქციელს დო ჩვევას ოკო იწონუანდას. შხვეფ ხუჯის უკინენა ბიბლიაშ თვალსაზრისის, ნამდა ტოლერანტ პიროვნება პატის ოკო ცენდას შხვეფიშ უფლებას, მუნეფიშით გიშეგორან რწმენა დო ღირებულებეფ, თიშ უმკუჯინუო ოთანხმუნა დო ვარ თინეფიშ არჩევანს.

 შეულებნო ბიბლიას, ამდღა ხოლო მეხვარას ხალხის, თე თვისებაშ გიმორჩქინას?

ტოლერანტობაშ ბიბლიურ საფუძველ

 ბიბლია ხუჯის უკინენს ტოლერანტობას. თექ ჭარ: „არძაქ ქოძირას თქვან გონიერება“ (ფილიპელები 4:5). ბიბლია მირაგადუნა, არძაშ მიმართ გეგმიფრჩქინათ ყურადღება, თავაზიანობა დო სამართლიანობა. მით ღებულენს თე რჩევას, შილებე ვათანხმუდას შხვეფიშ საქციელს ვარდა ღირებულებეფს, მარა პატის ცენს თინეფიშ არჩევანს.

 ბიბლიაშე ჯგირო იძირე, ნამდა ღორონთის მუშ დოდგინელ სტანდარტეფ უღჷ ადამიანიშ საქციელიშ გურშენ. თინა მირაგადუნა: „[ღორონთიქ] გიწუ, მუ რე ჯგირ“ (მიქა 6:8). ბიბლიას მოჩამილ რე ღორონთიშ მითითებეფ, ნამუთ ოხვარ ხალხის გეხარან ცხოვრებათ. (ესაია 48:17, 18).

 ღორონთ შხვაშ გასამართლებაშ უფლებას ვა მარზენა. ბიბლიას ჭარ: „ართ რე კანონიშ მიმაჩამალ დო მოსამართლე... სი მი რექჷ, სქანიანს ასამართლენქ?!“ (იაკობი 4:12). ღორონთ თითოეულს მარზენა ნებაშ თავისუფლებას, გუვაკეთათ არჩევან, ნამდგაშეთ პირადო იპჸით პასუხიშმგებელ (კანონი 30:19).

მუს იჩიებ ბიბლია პატიცემაშე?

 ბიბლია იჩიებ: „პატი ქოცით არძას“ (1 პეტრე 2:17). ათეშენ, მით ბიბლიურ სტანდარტეფით ცხოვრენს, არძას პატიცემათ ოკო ოქცუ, თიშ უმკუჯინუო, მის მუ წანს დო მუნერ ცხოვრებათ ცხოვრენს (ლუკა 6:31). თენა თის ვა ნიშნენს, ნამდა მიდგა ბიბლიაშ თანახმას ცხოვრენს, ოთანხმჷ არძანერ აზრის, ვარდა ხუჯის დუკინენს ირკოჩიშ მეღებულ გადაწყვეტილებეფს. უხეშო დო უპატიცემულოთ მოქციებაშ მანგიორო, თინეფ ოცადუნა თეშ მექცუან ხალხის, მუჭოთ იესო ოქცუდ შხვეფს.

 მაგალთო, იესოქ შეხვად ოსურკოჩის, მიდგაშ რელიგიას ვათანხმუდ. თეს გეძინელ, თე ოსურკოჩ ცხოვრენდჷ კოჩწკუმა, მით ვა რდჷ მუშ ქომონჯ. იესო ვეწონუანდ თეცალ ცხოვრებაშ წესის, მარა იშენით პატიცემათ დურაგადუ თე ოსურკოჩის (იოანე 4:9, 17—24).

 მუჭოთ იესო, თეშ ქრისტიანეფ ხოლო, მზათ რენა, მუნეფიშ რწმენაშე „დიდ პატიცემათ“ ეჩუან თინეფს, მიდგას ოკო მორჩქილაფა (1 პეტრე 3:15). ბიბლია ქრისტიანეფს ელუჩანს, შხვეფს ვა დანძალან მუნეფიშ აზრიშ მორჩქილაფა. თინა იჩიებ, ნამდა ქრისტეშ მიმაჸუნალ „ვა ჩხუპენდას ოკო, თინა არძაწკუმა თავაზიან ოკო რდასჷ“, თინეფწკუმა ხოლო, მიდგას განსხვავებულ რწმენა უღჷ (2 ტიმოთე 2:24).

მუს რაგადანს ბიბლია გოჯოგაფაშ გურშენ?

 ბიბლია მირაგადუნა: „ირნერო ქეცადით, არძაწკუმა მშვიდობიან ურთიერთობა გიღუდან“ (ებრაელები 12:14). მიდგა მშვიდობაშ მხარეს რე გოჯოგაფაშ წინააღმდეგ რე. თინა მუშ ფასეულობეფიშ ართგურ რე დო ოცად მშვიდობიან რდასჷ არძაწკუმა (მათე 5:9). ბიბლია თიშა ხოლო მოუწოდენს ქრისტიანეფს, ნამდა უჸორდან მუნეფიშ ნტერეფ დო ჯგირო მექცუან თინეფს, მით აშო გლახათ ოქცუნა (მათე 5:44).

  ბიბლია იჩიებ, ნამდა ღორონთის „ჯოგ“ თიცალ საქციელეფ, ნამუთ ზიანს მიორინუანს შხვეფს (იგავები 6:16—19). ბიბლია სიტყვა „ჯოგ“-უს თიშენ ირინუანს, ნამდა გეჭარას მუშმანწარას ვეწონუანს ღორონთ თეჯგურა საქციელსეფს. ბიბლია მოძირანა, ნამდა ღორონთის დიდ სურვილ უღჷ ქაპატუას დო ქიმეხვარას თინეფს, მიდგას ოკო ცხოვრებაშ წესიშ თირუა დო ღორონთიშ შარათ გილულა (ესაია 55:7).

ბიბლიურ მუხლეფ ტოლერანტობაწკუმა დო პატიცემაწკუმა დაკავშირებით

 ტიტე 3:2: „გურგოჩამილობა გეგმირჩქინან დო არძას გემუანო მექცუან.“

 მათე 7:12: „ათეშენ ირ საქმეს თეშ მექცით შხვეფს, მუჭოთ აშო გოკონა, მიგექცუან.“

 იესო ნავეს ძე 24:15: „ამდღარშე გეგნოჭყვიდით, მის ემსახურებუთ.“

 საქმეები 10:34: „ღორონთ გიშაკერძაფას ვეგმირჩქინანს.“

 აბაკუმი 1:12, 13: „[ღორონთ] თოლს ვა წკურუნქ უბადობაშე“

 რომაელები 12:19: «ღორონთიქ რისხუათ გინუგას არძას, მუშენდა ჭარილ რე: „ჩქიმ რე მანგიორიშ გინოგაფა, მა გინუგანქ— იჩიებ იეჰოვა“» a

 იეჰოვა ღორონთ მითინს ვარზენს მანგიორიშ გინოგაფაშ უფლებას. თინა პირობას დვანსჷ, ნამდა თეს დანიშნულ დროს მუ გაკეთენს სამართლიანო. მეტიშ გაგებელო, წეკითხით სტატია, „ქიჸუაფუნო დღას სამართლიანობა?“ [ქორთ.]