მთელ მსოფლიოს 2022 წანაშ კვირკვეს, შეიარაღებულ თავდასხმეფქ ბრელშა მოხვად:

•    „იაპონიას დოჸვილეს არძაშო ცნობილ პოლიტიკოს [ყოფილ პრემიერ-მინისტრ შინძო აბე] მუდგაქ ხალხ შოკის ქინაჸათ, მუშენდა იაპონიას კრიმინალიშ ნაკლებ შემთხვევეფ ხვადუ დო იარაღიშ გილაღალაწკუმა დაკავშირებულ კანონეფ გამკაცრებულ რე“ („ჯაპან ტაიმსი“, 10 კვირკვე 2022).

•    „დანიას მახორუ ადამიანეფ შოკის რდეს, მუშენდა შეიარაღებულ კოჩიქ ჸვილ სუმ ადამიან კოპენჰაგენიშ სავაჭრო ცენტრის“ („როიტერსი“, 4 კვირკვე 2022).

•    „სამხრეთ აფრიკა: შეიარაღებულ კოჩ 15 ადამიანს ჸვილუნს სოვეტოშ ქალაქიშ ართ-ართ ბარს“ („გარდიან“, 10 კვირკვე 2022).

•    „ამერიკაშ შეერთებულ შტატეფს, კვირკვეშ თუთას, დღესასწაულიშ დღალეფს 220-შე მეტ ადამიან დოჸვილეს“ („სიბიეს ნიუსი“, 5 კვირკვე 2022).

 შემლებნანო ბჯერდან, ნამდა თეშნერ ძალადობას დღას მეღებ ბოლო? მუს იჩიებ ბიბლია თეშ გურშენ?

 ბიბლია მიშინუანს ჩქინ დროს, მუჭოთ „ბოლო დღალეფს“, მუჟამსით ადამიანეფ იჸუაფდეს „სასტიკეფ“, „ჯგირ ჯოგუნან ფერეფ“ დო „ჸოროფას ვეგმირჩქინანა ფერეფ“ (2 ტიმოთე 3:1, 3). თე ირფელიშ გურშენ ადამიანეფ შიშით ცხოვრენა (ლუკა 21:11). მარა, ბიბლია მარზენა იმენდის, ნამდა ირნერ ძალადობას მალას ბოლო მეღებ დო „ადამიანეფიშ ოცხოვრებელ ადგილ უსაფრთხოთ გინირთუ“ (ესაია 32:18). მუჭო მეღებ ბოლო ძალადობას?

 ღორონთ მოსპუნს უბადოს დო განადგურენს არძა იარაღის

•    „უბადოეფ მისპუნა დედამიწაშე“ (იგავები 2:22).

•    „ღორონთ ბოლოს მუღენს ომეფს მთელ დედამიწას. თინა მოსპუნს ომეფს მთელ დედამიწას, მშვილდის ჩინჩოლუნს დო ჭვირთის ტახუნს, დაჩხირს თქუთქუნს ეტლეფს“ (ფსალმუნი 46:9).

 ღორონთ მოსპუნს ძალადობაშ მიზეზეფს, თით, ნამდა ხალხის ქუდაგურუანს, მუჭო იცხოვრან მშვიდობიანო.

•    „ზიანს მითინს ვემიორინუანა დო მუთუნს ვა მოსპუნა მთელ ჩქიმ წმინდა გვალას, მუშენდა დედამიწა იეჰოვაშ რჩქინათ გეიფშაფუ, მუჭოთ ზღვა რე წყარით ეფშა“ (ესაია 11:9).

•    მარა, ღორონთ ასე ხოლო ოგურუანს ხალხის მთელ მსოფლიოს, ნამდა დუდ ეუჩილითუან ძალადობას. თეს გეძინელ, ნაწინასწარმეტყველებ რე, ნამდა „თინეფ მუნეფიშ ყამეფშე ოხონალ იარაღეფს გეგშაჭკადუნა დო ჭვირთეფშე — ოცხონტალ იარაღეფს“ (მიქა 4:3).

 მეტ ინფორმაციაშ მიოღებელო, მუჭო გინირთუ მსოფლიო უსაფრთხო ოცხოვრებელო, შეილებნა წეკითხათ ართ-ართ სტატია ჩქინ ვებგვერდის („შესაძლებელია შიშის გარეშე ცხოვრება?“ [ინგლ.]).

 მეტ ინფორმაციაშ მიოღებელო, მუჭო მეღებ სადღამუშოთ ბოლო ძალადობას, შეილებნა წეკითხათ ართ-ართ სტატია ჩქინ ვებგვერდის („დედამიწაზე მშვიდობა დამყარდება“).