ბიბლია შხვა ნამთინ წიგნშა ვეშიდარებე. თექ მოჩამილ რე რჩევეფ ჩქინ გუმაჭყაფალშე (2 ტიმოთე 3:16). თექ მოჩამილ ცნობას შეულებ ჩქინწკუმა დადებითო იმოქმედას. ბიბლია იჩიებ: „ღორონთიშ სიტყვა ცოცხალ დო მოქმედ რე“ (ებრაელები 4:12). ბიბლიას უღჷ თიშ ძალა, ნამდა გაუჯგუშას ჩქინ ცხოვრება. მაგალთო, თინა ფხემძღვანელენა ირდღაშიან ცხოვრებას დო მოხვარნა გეფჩინებაფუათ ღორონთ დო უმოს მეტ ქიგებგათ თიშ დუნაპირებუეფშენ (1 ტიმოთე 4:8; იაკობი 4:8).

ბიბლია აუჯგუშენს თქვან ცხოვრებას ამდღარშე. ბიბლია მარზენა ბრელ პრაქტიკულ რჩევას შხვადოშხვა საკითხეფწკუმა დაკავშირებით ხოლო, მუნერით რე:

•   შხვეფწკუმა ურთიერთობეფ (ეფესოელები 4:31, 32; 5:22, 25, 28, 33).

• ემოციურ დო ფიზიკურ ჯამრთელობა (ფსალმუნი 37:8; იგავები 17:22).

• ზნეობრივ ფასეულობეფ (1 კორინთელები 6:9, 10).

• მატერიალურ საკითხეფ (იგავები 10:4; 28:19; ეფესოელები 4:28). *

აზიას მახორუ ართ ახალგაზრდა წყვილქ მუნეფიშ დუდშა გეგმოცადეს, ნამდა ბიბლიას ინოჭარილ რჩევეფ პრაქტიკულ რე. ბრელ ახალ დაქორწინებულ წყვილცალო, თინეფს ართიანწკუმა შეგუება დო პირად გრძნობეფშე ჩიებაქ გუჭირდეს. მარა თინეფქ ბიბლიას მოჩამილ რჩევეფიშ გიმორნაფა ქიდიჭყეს. მუ რდუ თეშ შედეგ? ვისენტ იჩიებ: „ბიბლიურ რჩევეფქ მიმეხვარ, ჸოროფაშ გიმორჩქინათ მუვაგვარკო თი პრობლემეფ, ნამუთ ქორწინებას მიღდეს. ბიბლიურ პრინციპეფიშ თანახმას ცხოვრება მოხვარნა ბედნერ ოჯახ მიღდან“. ვისენტიშ ოსურ, ანალუ, ოთანხმ ქომონჯიშ სიტყვეფს დო იჩიებ: „ბიბლიას ინოჭარილ მაგალითეფქ მანგარო მიმეხვარეს. ასე ნამდვილო ბედნერეფ ვორეთ დო ართო ვოცადუთ მიზნეფიშ მენჭირნაფას“.

ბიბლია გოხვარნა გეჩინებაფუათ ღორონთ. ჟიშე მოშინაფილ ვისენტ თეცალ მუდგარენს იჩიებ: „ბიბლიაშ კითხირიშ ჭყოლოფათ ასე უმოს ხოლოს ბგინაფლენქ დუდის იეჰოვაწკუმა, ვინემ თეიშახ“. ვისენტიშ შემთხვევაშე ართ მნიშვნელოვან მუდგარენს ვორწყეთ — ბიბლია მოხვარნა ღორონთიშ გაჩინებაფას. თეწკუმა ართო, ბიბლიაშე ხვალე პრაქტიკულ რჩევეფს ვა ღებულენთ, თინა გოხვარნა, თიშ გაგებას, მუჭო შეილებნა გინირთათ ღორონთიშ მეგობარო. თეს გეძინელ, ბიბლიაშე ქოძირუნთ, ნამდა ღორონთ გოჩინებაფუანა მომავალწკუმა დაკავშირებულ დეტალეფს. თი დროს თქვა შეგალებენა გეხარათ „ჭეშმარიტ სიცოცხლეთ“, ნამუთ მარადიულო გეგრძელებ (1 ტიმოთე 6:19). თეცალ მუდგარენ შხვა ნამთინ წიგნის ვა რე მოჩამილ.

ბიბლიაშე უმოს მეტიშ გაგებას ქიდიჭყანთ დო თიშ კითხირს გაგრძელენთ-და, თქვა ხოლო შეგალებენა გაუჯგუშათ ცხოვრება დო გეჩინებაფუათ ღორონთ. მუშო ოკო რაგად, ბიბლიაშ კითხირიშ დროს თქვა ხოლო შილებე 2000 წანაშ წოხოლე მახორუ ეთიოპელ საჭურისცალო, ბრელ კითხვეფ გოირჩქინდან. თის ბიბლიაშე ბრელ კითხვეფ უღუდ. მუჟამსით თის კითხეს ქინანჭუდ დო ვარ ნაკითხირს, თიქ უპასუხ: „მუჭო გებგენქ, მითინქ ვემინწყ-და“. * თიქ ხეთეშე მიღჷ მოხვარა ფილიპეშე, იესოშ მოწაფეშე, ნამდგას წმინდა წერილეფ ჯგირო უჩქუდ დო ოგურუანდჷ (საქმეები 8:30, 31, 34). თქვა ხოლო ქუგოკონა ბიბლიაშე უმოს მეტ ქიგეგათ-და, შეილებნა შეავსათ მოთხოვნა ბიბლიაშ გურაფაშ დოჭყაფაშე ვებგვერდშე www.jw.org ვარდა ქუმობჭარათ თე ჟურნალს მოჩამილ მისამართშა. თეს გეძინელ, შეილებნა დეკავშირათ თქვან ხოლოს მახორუ იეჰოვაშ მოწმეეფს ვარდა ქიმერთათ იეჰოვაშ მოწმეეფიშ დარბაზშა, ნამუთ თქვანწკუმა ხოლოს რე. შეილებნა ამდღარშე ქიდიჭყათ ბიბლიაშ კითხირ დო თეშნერო საშვალება ქიმეჩათ თის უჯგუშობაშა დოთირუას თქვან ცხოვრება.