მუჟამსით გიმორკვიებაშო ვემზადებუთ, შემლებუნა დეფიფქრათ: მუშ გაგება მოკო? მარა ფრთხილას ოკო ვორდათ, ნამდა თიქ, მუდგაშ გაგება მოკონა, ვემეცილან თიშ ძირაფას, მუდგაშ გურაფა იეჰოვას ოკო ჩქინდა. მუ მიმეხვარებუნა, გიმორკვიებაშ დროს მზათ ვორდათ ახალ მუდგარენიშ დაგურაფალო?

ქოთხით იეჰოვას სიბრძნე. ქოთხით ღორონთის, ქიმგეხვარან თიშ გაგებას, მუშ ძირაფა ოკო ასე თქვანდა (იაკ. 1:5). ვეგეჯერდათ თის, მუთ უკვე გიჩქუნა (იგავ. 3:5, 6).

ქიმეჩით ბიბლიას თქვანდა მოქმედებაშ საშვალება. „ღორონთიშ სიტყვა ცოცხალ რე“ (ებრ. 4:12). ღორონთიშ სიტყვას ირ კითხირიშ დროს მუდგარენ ახალიშ გურაფა შეულებ ჩქინდა, მარა თენა ხვალე თიმ შემთხვევას მოხვადუ, მუჟამსით მარჩქილენა, ნამდა მოსაჭირუნა თიშ გურაფა, მუდგაშ ძირაფა იეჰოვას ჩქინდა ოკო.

დაფასით ირფელ, მუთ იეჰოვაშ „სუფრას გილაძ“. თიშ სულიერ სუფრას „ანდანერ ოჭკუმალ“ რე (ეს. 25:6). ვარია ვა თქუათ თი ოჭკუმალიშ ჭკუმუაშე — თიცალ საკითხეფიშ გიმორკვიებაშე — ნამდგაშე ფიქრენთ, ნამდა ვემგეწონებუნა. რჯერდან, გურაფა ხვალე პრაქტიკულო ვემგეხვარებუნან, თე პროცეს მანგარ სასიამოვნო ხოლო იჸუაფ!