1. მუ შედეგ მოუღ იოსებიშ ოჯახის მენჯარიშობაქ?

იაკობის მუშ არძა სქუა უჸორდჷ, მარა თინა განსაკუთრებულ ყურადღებას გიმირჩქინანდჷ 17 წანერ იოსებწკუმა. მუჭო მიქცუეს იოსებიშ ჯიმალეფქ? თინეფს ენჯარეს მუნეფიშ ჯიმაშ დო გიჯოგუეს თინა. იოსების თეშ მუთუნნერ მიზეზ ვემუჩამ თინეფშა. თეშ უმკუჯინუო, თინეფქ იოსებ მონათ გეგმოჩეს დო მუმა დაღორეს, ითამ თინა ტყარ ცხოველქ ეკოჭკუმ. მენჯარიშობაქ თინეფიშ ოჯახის მშვიდობა ეკარღვჷ დო მუმას გურ უწყუნუ (დაბ. 37:3, 4, 27—34).

2. მუჭოთ გალატელეფიშ 5:19—21-ის ჭარჷ, მუშენ რე მენჯარიშობა გლახა?

² წმინდა წერილეფს მენჯარიშობა * მოშინაფილ რე „ხორციშ საქმეეფ“ შქას, ნამდგას შეულებ ეცილას პიროვნებას ღორონთიშ სამეფოშ კურთხევეფიშ მეღებას (წეკითხით გალატელები 5:19—21). მენჯარიშობა თიცალ გლახა თვისებეფიშ გავითარებას უნწყუნს ხეს, მუნერით რე, ნტერალა, დაპირისპირება დო გარისხება.

3. მუს გუვარჩიენთ თე სტატიას?

³ იოსებიშ ჯიმალეფიშ მაგალითშე იძირე, მუ ზიან შილებე მიორინუას მენჯარიშობაქ ურთიერთობას დო მუჭო შეულებ თის მშვიდობა ეკარღვას ოჯახის. შილებე ჩქი დღას ვა ვაკეთათ თინა, მუთ იოსებიშ ჯიმალეფქ აკეთეს, მარა არძას არასრულყოფილ დო უდუნდებელ გურ მიღნა (იერ. 17:9). ათეშენ, ვა რე გასაკვირ მინშა მიჭირდან ვებრძოლათ მენჯარიშობას. ბიბლიაშე გუვარჩუათ მუსხირენ გუმაფრთხილებერ მაგალით, მუთ მიმეხვარებნა გექშეფჩინათ თი მიზეზეფ, ნამდგაქ შილებე ჩქინ გურს მენჯარიშობა გავითარას. თეს გეძინელ, გუვარჩიენთ მუსხირენ პრაქტიკულ  მხარეს, მუთ მიმეხვარებნა ვებრძოლათ მენჯარიშობას დო ხე ქეშუნწყუათ მშვიდობას.

4. მუშენ ონჯარდეს ფილისტიმელეფს ისააკიშ?

⁴ მუჟამსით შხვეფს უმოს ქონება უღნა. ისააკ მდიდარ კოჩ რდუ დო ფილისტიმელეფს თენა ონჯარდეს (დაბ. 26:12—14). თინეფქ დიხათ გეიოფშეს თი ინჭეფ, სოვრეშეთ ისააკ ცხოველეფს წყარს არზენდჷ (დაბ. 26:15, 16, 27). ფილისტიმელეფცალო, ამდღა ხოლო ნამთინეს ონჯარ თინეფიშ, მიდგას მუნეფშე უმოს ქონება უღჷ. მენჯარიშეფს ოკონა თინა უღდან, მუთ შხვეფს უღნა დო თეს გეძინელ, შხვეფშა თიშ მიდაღალას ხოლო ოცადნა.

5. მუშენ ონჯარდეს რელიგიურ ლიდერეფს იესოშ?

⁵ მუჟამსით შხვეფს უმოსო აფასენა. იუდეველ რელიგიურ წინამძღოლეფს ონჯარდეს იესოშ, მუშენდა ბრელს თინა მანგარო უჸორდჷ (მათ. 7:28, 29). იესო ღორონთიშ წარმომადგენელ რდუ დო ჭეშმარიტებას ოგურუანდჷ. მარა თეშ უმკუჯინუო, რელიგიურ წინამძღოლეფქ სახელ გუტახესკონ თიშენ იესოს ტყურა ქეკაწამეს (მარ. 15:10; იოან. 11:47, 48; 12:12, 13, 19). მუშ გურაფა შემლებნა თე შემთხვევაშე? ჩქი ოკო ვა მენჯარან თინეფიშ, მიდგა მუშ ჯგირ თვისებეფიშ გურშენ კრებას მანგარო უჸორა. თეშ მანგიორო ოკო ვეცადათ, მივაჸუნათ თეცალ და დო ჯიმალეფიშ მაგალითის (1 კორ. 11:1; 3 იოან. 11).

6. მუჭო გიმირჩქინ დიოტრეფექ მენჯარიშობა?

⁶ მუჟამსით შხვეფს თეოკრატიულ პასუხიშმგებლობეფ უღნა. პირველ საუკუნეს დიოტრეფეს ენჯარ თინეფიშ, მით ქრისტიანულ კრებას ხემძღვანელენდჷ. თის ოკოდ ქრისტიანეფ შქას პირველ ადგილ უკებუდკო, ათეშენ ბრელ გლახა ხონარს ავრცელენდჷ მოციქულ იოანე დო შხვა პასუხიშმგებელ ჯიმალეფიშ გურშენ, მუშენდა ოკოდ ქრისტიანეფქ თინეფიშ პატიცემა მიოდინესკო (3 იოან. 9, 10). შილებე დიოტრეფეცალო ვემიფქცუათ, მარა მენჯარან თი ქრისტიანიშ, მიდგა თი პასუხიშმგებლობას ღებულენს, ნამდგაშ მეღებაშ იმენდ ჩქი მიღდეს. თექ შილებე უმოსო თიწკუმა მოხვადას, მუჟამსით ფიფქრენთ, ნამდა თე პიროვნებაცალო, ჩქი ხოლო შემლებდეს თე დავალებაშ კეთება.

7. მუჭო შილებე იმოქმედას მენჯარიშობაქ ჩქინდე?

⁷ მენჯარიშობა შხამიან თასცალო რე. მუჟამსით მენჯარიშობაშ თას ჩქინ გურს ჩხვიჩხვის გიკეთენს, ძნელ რე თიშ ეშაჸათამა. მენჯარიშობა ხეს უნწყუნს თიცალ უარყოფით თვისებეფიშ გავითარებას, მუნერით რე, ეჭვიანობა, სიამაყე დო ხვალე ჩქინ დუდშე ფიქრი. მენჯარიშობაქ შილებე ეცილას თიცალ ჯგირ თვისებეფიშ გავითარებას მუნერით რე, ჸოროფა, შხვეფშა გურიშ ელაკინა დო სიჯგირა. ხეთეშე, მუჟამსით ქობძირუნთ, ნამდა მენჯარიშეფო გინიფრთუთ, გურშე ოკო გეშეპჸოთათ თინა. მუჭო შემლებნა ვებრძოლათ მენჯარიშობას?

8. მუ თვისებეფ მიმეხვარებნა გივორჯგინათ მენჯარიშობას?

⁸ თანდაბლობა დო კმაყოფილებას გუვავითარენთ-და, თეშნერო შემალებენა ვებრძოლათ მენჯარიშობას. მუჟამსით ჩქინ გურ ჯგირ თვისებეფით იჸუაფ ეფშა, მენჯარიშობაშო თექ ადგილ ვა დოსქიდუ. თანდაბლობა მოხვარნა დიდ წარმოდგენა ვა მიღდან ჩქინ დუდშე. თანდაბალ კოჩ ვა ფიქრენს, ნამდა შხვეფშე მეტის იმსახურენს (გალ. 6:3, 4). პიროვნებას, მიდგას კმაყოფილებაშ გრძნობა უღჷ, ბედნერ რე თით, მუთ უღჷ, დო შხვეფს ვა უდარენს მუშ დუდის (1 ტიმ. 6:7, 8). პიროვნებას მით თანდაბალ რე დო კმაყოფილებაშ გრძნობა უღჷ ოხიოლ შხვაშ ჯგირობუა.

9. მუჭოთ გალატელეფიშ 5:16-ის დო ფილიპელეფიშ 2:3 დო 4-ის ენოჭარ, მუს მიმეხვარებნა წმინდა შურ?

⁹ ჩქი ღორონთიშ წმინდა შურ მოსაჭირნა, ნამდა დუდ ევუჩილითუათ ხორციელ საქმეეფშე ართ-ართის, მენჯარიშობას დო თეშ მანგიორო გუვავითარათ თანდაბლობა დო კმაყოფილებაშ გრძნობა (წეკითხით გალატელები 5:16; ფილიპელები 2:3, 4). იეჰოვაშ წმინდა შურს შეულებ მიმეხვარან გეგმიბრკვიათ ჩქინ შინაგან ფიქრეფ დო მოტივეფ. ღორონთიშ მოხვარათ ჩქი შემლებნა საშიშ ფიქრეფ დო აზრეფ დოფთირუათ თით, მუთ გურშა ელუკინანს შხვეფს (ფსალმუნი 26:2; 51:10). გუვარჩუათ მოსეშ დო პავლეშ მაგალითეფ. თინეფქ გიორჯგინეს მენჯარიშობას, ნამუთ თიმ დროს გავრცელებურ რდუ.

10. მუ სიტუაციას შილებე გიმიცადკო მოსექ? (ქოძირით სურათ გალენ გვერდის)

¹⁰ მოსეს დიდ ძალაუფლება უღუდ ღორონთიშ ხალხ შქას დო თეწკუმა ართო ვართ შხვეფს ოცილუდ ძალაუფლებაშ მეღებას. მაგალთო, ართშა იეჰოვაქ წმინდა შურიშ მუდგარენ ნაწილ მოსეშე ისრაელ უხუცესეფიშ ჯგუფშა გეგნიღ, მით შეხვალამაშ კარავწკუმა გერდეს. ჭიჭე ხანიშ უკულ, მოსექ ქიგეგ, ნამდა ჟირ უხუცესიქ, ნამუთ შეხვალამაშ კარავწკუმა ვა გერდჷ, მიღჷ წმინდა შურ დო წინასწარმეტყველება ქიდიჭყჷ. მუჭო მიქცუ მოსექ, მუჟამსით იესო ნავეშ სქუაქ უწუ, ნამდა გაჩერკო თე ჟირ უხუცეს? მოსეს ვენჯარ თიქ, ნამდა იეჰოვაქ თე ჟირ ქომოლკოჩის ყურადღება მიაქცუ. თინა თანდაბალ რდუ დო ახიოლ, ნამდა თინეფს შეულებდეს წინასწარმეტყველება (რიცხ. 11:24—29). მუშ გურაფა შემლებნა მოსეშ მაგალითშე?

11. მუჭო შეულებნა უხუცესეფს, მიჸაუნან მოსეშ მაგალითის?

¹¹ უხუცეს ქორეთ-და, დღას ქოუთხუნანო თქვანდა მამზადითკო ჯიმა კრებას თი პასუხიშმგებლობაშ მიოღებელო, ნამუთ თქვა მანგარო გიჸორა? მაგალთო, შილებე გიჸორა ირ მარას „გინაჯინალ კოშკიშ“ შეხვალამაშ ჩატარება. მარა მოსეცალო თანდაბალ ქორეთ-და, დუდის დამცირებულო ვეგინანთ შხვა ჯიმაშ მომზადებას ქორთხინან-და, მუშენდა თის ხოლო ქეშიალებუას თე პასუხიშმგებლობაშ შესრულებაქ. თეშ მანგიორო, თქვა ბედნერ იჸუაფუთ თით, ნამდა ოხვარუთ თქვან ჯიმას.

12. მუჭო გიმირჩქინანს ამდღა ბრელ ქრისტიან კმაყოფილებაშ გრძნობას დო თანდაბლობას?

¹² გუვარჩუათ ხოლო ართ სიტუაცია, ნამდგას ბრელ ხანშამიშულირ ჯიმა შეხვადუ. ბრელ წანას თინეფ უხუცესეფიშ საბჭოშ კოორდინატორეფო მსახურენდეს. მარა, მუჟამსით 80 წანერო გინირთეს, თინეფქ მზადყოფნათ დათმეს მუნეფიშ პასუხიშმგებლობა. რაიონულ ზედამხედველეფქ, მიდგაქ 70 წანას მიოჭირინუეს, თანდაბლურო დათმეს მუნეფიშ პასუხიშმგებლობა დო მზადყოფნათ გაგრძელეს მსახურება შხვა დანიშნულებას. თეს გეძინელ, ბოლო წანეფს მთელ მსოფლიოს ბეთელიშ ოჯახიშ ბრელ წევრიქ ახალ დანიშნულება მიღჷ დო ბეთელიშ გალე გაგრძელ მსახურება. თე ართგურ და დო ჯიმალეფს ვაწყინნა, ნამდა შილებე ასე შხვეფს უღდან თი პასუხიშმგებლობეფ, ნამდგას აიშახ მუნეფ ასრულენდეს.

13. მუშენ შილებე პავლეს ენჯარკო 12 მოციქულიშ?

¹³ მოციქულ პავლე ართ-ართ ჯგირ მაგალით რე თინეფ შქას, მიდგაქ კმაყოფილებაშ გრძნობა დო თანდაბლობა გიმირჩქინ. პავლე მენჯარიშობას ვეგმირჩქინანდჷ. მართალ რე, ბრელს ორთუდ მსახურებას, მარა თანდაბლურო თქუ: „მოციქულეფ შქას არძაშ უნაკლებაშ ვორექ დო ღირს ხოლო ვა ვორექ, მოციქულ ბჯოხოდას“ (1 კორ. 15:9, 10). იესოს, დედამიწას მსახურებაშ დროს 12 მოციქულ ეკოუნდჷ, მარა პავლექ იესოშ ღურა დო გათელებაშ უკულ გინირთჷ ქრისტიანო. მართალ რე, თიქ საბოლათ „უცხოტომელეფიშ მოციქულო“ გინირთჷ, მარა დღას ვემუღებ განსაკუთრებულ პატი, ჸოფედკო 12 მოციქულ შქას (რომ. 11:13; საქ. 1:21—26). პავლეს ვანჯარუდ მოციქულეფიშ; ვართ თი ხოლოშიან ურთიერთობა ონჯარუდ, ნამუთ თე 12 მოციქულს უღუდ იესოწკუმა. თეშ გინაწონს, პავლე კმაყოფილ რდუ თით, მუთ უღუდ.

14. მუს გუვაკეთენთ კმაყოფილეფ დო თანდაბალეფ ქიპჸით-და?

¹⁴ კმაყოფილეფ დო თანდაბალეფ ქიპჸით-და, თეშნერო პავლეშ მაგალითის მივაჸუნუთ დო პატიცემას გეგმიფრჩქინანთ თინეფიშ მიმართ, მიდგას იეჰოვა ძალაუფლებას არზენს (საქ. 21:20—26). თიქ გინოჭყვიდ, ნამდა ქრისტიანულ  კრებას დანიშნულ ჯიმალეფქ უხემძღვანელან. მართალ რე, არასრულყოფილეფ რენა, მარა იეჰოვა თინეფს „ძღვინო“ მირჩქინანს (ეფეს. 4:8, 11). მუჟამსით თე ქომოლკოჩეფს პატის ფცენთ დო თინეფიშ ხემძღვანელობას თანდაბლურო მეპჸუნთ, იეჰოვაწკუმა ხოლოშიან ურთიერთობა დო თანაქრისტიანეფწკუმა მშვიდობა მიღნა.

15. მუ ოკო ვაკეთათ?

¹⁵ სოდეთ მენჯარიშობა რე თექ მშვიდობა ვეჸუაფ. ჩქი გურშე ოკო გეგშიპჸოთათ მენჯარიშობა. თეს გეძინელ, ირნერო ოკო ვეცადათ, შხვეფს ვემეფჩათ თიშ მიზეზ, გავითარან მენჯარიშობა. ჩქი ოკო გინობდგათ თე მნიშვნელოვან ნაბიჯეფ, მუშენდა შემალებუან „თიშა იმჭუათ, მუთ მშვიდობას დო ართიანიშ გურიშ ელაკინას ომსახურ“ დო თეშნერო მივაჸუნათ იეჰოვაშ მითითებას (რომ. 14:19). კონკრეტულო მუშ კეთება შემლებნა, ნამდა მივეხვარათ შხვეფს გიორჯგინან მენჯარიშობას დო მუჭო შემლებნა ხე შევუნწყუათ მშვიდობას?

16. მუჭო შემლებნა მივეხვარათ შხვეფს ქებრძოლან მენჯარიშობას?

¹⁶ ჩქინ დამოკიდებულებას დო საქციელს დიდ გავლენა უღჷ შხვეფწკუმა. ქვეყნიერებას ოკო, ნამდა ჩქინ ქონებათ იფცქვანდათ (1 იოან. 2:16). მარა თეშნერ დამოკიდებულება ხეს უნწყუნს მენჯარიშობას. მუჟამსით ირიათო თი მუდგარენეფიშ გურშენ ვებჩიებუთ მუთ მიღნა ვარდა მუდგაშ ჸიდირ მილამნა, თეშნერო შხვეფს ვემეფჩანთ მიზეზის, გავითარან მენჯარიშობა. ხოლო ართ საშვალება, მუდგათ შემლებნა ვეცილათ მენჯარიშობაშ გავითარებას, თინა რე, ნამდა მოკრძალებურ დამოკიდებულება რე თი პასუხიშმგებლობეფიშ  მიმართ, ნამუთ კრებას მიღნა. ირიათო ჩქინ პასუხიშმგებლობეფშე ქობრაგადანთ-და, თეშნერო ხეს შევუნწყუნთ მენჯარიშობაშ გავითარებას. თეშ მანგიორო, მუჟამსით პირად ინტერესის გიმიფრჩქინანთ შხვეფწკუმა დო თინეფიშ ჯგირ საქმეეფშე ვამახვილენთ ყურადღებას, თეშნერო ვოხვარუთ თინეფს რდან კმაყოფილეფ დო ხეს ვუნწყუნთ კრებაშ ართობას დო მშვიდობას.

17. მუშ აღდგენა შეულებდეს იოსებიშ ჯიმალეფს დო მუშენ?

¹⁷ ჩქი შემლებნა გივორჯგინათ მენჯარიშობას! მორთ კინ დუვართათ იოსებიშ ჯიმალეფიშ მაგალითის. წანეფიშ უკულ, მუთ თინეფქ გლახათ მექცუეს იოსების, თის ეგვიპტეს ქეშეხვადეს. სოიშახ იოსებ თინეფს უწინდკო სინამდვილეს მი რდუნ, თიქ გეგმოცად მუშ ჯიმალეფ, ნამდა ქიგეგკო დითირეს დო ვარ. თიქ სუფრა გეგმანწყუ, სოდეთ ბენიამინს უმოს მეტ ყურადღებას აქციენდჷ, ვინემ შხვეფს (დაბ. 43:33, 34). მარა, მუთუნ ვა მეუთითენს თიშა, ნამდა ჯიმალეფს ენჯარეს ბენიამინიშ. თეშ გინაწონს, თინეფქ ბენიამინიშ დო მუნეფიშ მუმაშ, იაკობიშ ჸოროფა გეგმირჩქინეს (დაბ. 44:30—34). იოსებიშ ჯიმალეფს მეტებულ აფდეს მენჯარიშობა დო ათეშენ, შეულებდეს მშვიდობა აღადგინესკო ოჯახის (დაბ. 45:4, 15). თეშნერო, მენჯარიშობას გივორჯგინანთ-და, ჩქინ ოჯახის დო კრებას, ხეს შევუნწყუნთ მშვიდობას.

18. მუჭოთ იაკობიშ 3:17 დო 18-ს ჭარჷ, მუ ჯგირ შედეგ მაჸუნუ მშვიდობიან გარემოშა ხეშ შენწყუალას?

¹⁸ იეჰოვას ოკო, გივორჯგინათ მენჯარიშობას დო ხე ქეშვუნწყუათ მშვიდობას. ჩქი ირნერო ოკო ვეცადათ თე ჟირ მუდგარენიშ კეთებას. მუჭოთ თე სტატიას რდუ გარჩიებულ, ჩქი მენჯარიშობაშა ვორეთ მიდრეკილეფ (იაკ. 4:5). თეს გეძინელ, თიცალ მსოფლიოს ფცხოვრენთ, ნამუთ თე თვისებაშ გავითარებას უნწყუნს ხეს. მარა მუჟამსით თანდაბლობას დო პატიცემას გუვავითარენთ დო თეს გეძინელ, შხვეფიშ კეთებულ ჯგირ საქმეეფს დუვაფასენთ, ადგილს ვემეფჩანთ მენჯარიშობას. თეშ გინაწონს, ხეს შევუნწყუნთ მშვიდობიან გარემოშ გავითარებას, მუთ მიმეხვარებნა, მიღდან ჯგირ თვისებეფ (წეკითხით იაკობი 3:17, 18).