იეჰოვა ოხვარუდ ჯვეშ ისრაელს მახორუ ღარიბეფს. მუჭო ოხვარ იეჰოვა ამდღა მუშ მსახურეფს, მით სიღარიბეს ცხოვრენს?

• ოგურუანს, გაწონასწორებულ შეხედულება უღდან ფარაშ გურშენ (ლუკ. 12:15; 1 ტიმ. 6:6—8).

• ოხვარ, ვადინუან დუდიშ პატიცემა (იობ. 34:19).

• ოგურუანს, გურგედვალირო იმუშუან დო დუდ ეუჩილითუან გლახა ჩვევეფს (იგავ. 14:23; 20:1; 2 კორ. 7:1).

• ღებულენს მოჸოროფე ქრისტიანულ საჯიმალოშა (იოან. 13:35; 1 იოან. 3:17, 18).

• არზენს მომავალიშ იმენდის (ფსალმ. 9:18; ეს. 65:21—23).

მნიშვნელობა ვა უღჷ, მუნერ რთულაშო ირწყებე ჩქინ მდგომარეობა, წუხებაშ მიზეზ იშენით ვა მიღნა. იეჰოვა იზრუნენს ჩქინ მატერიალურ საჭიროებეფშე, მუჟამსით პირველ ადგილს თიშ სამეფოს ქიგვორინუანთ (მათ. 6:31—33).

ქუჯინ ვიდეოს „ჸოროფა დღას ვეთებ . . . სიღარიბეშ უმკუჯინუო — კონგო“. უკულ ქუპასუხ თუდო მოჩამილ კითხვეფს:

• მუჭო გიმირჩქინეს სტუმარიშ ჸოროფა თი და დო ჯიმალეფქ, მით რეგიონულ კონგრესიშ ჩატარებელ ადგილწკუმა ხოლოს ცხოვრენდეს?

• მუჭო იძირე თე ვიდეოშე, ნამდა იეჰოვას უჸორს ღარიბეფ?

• მუჭო შემლებნა, მივაჸუნათ იეჰოვაშ მაგალითის თიშ უმკუჯინუო, ნამდა შილებე ბრელიშ საშვალება ვა მიღდან?