ირ წანას იეჰოვაშ ხალხ მთელ გურით ელჷ გოშინაშ ონჯუაშ აღნიშნებას. გოშინაშ ონჯუაშ წოხლეიან დო უკულიან მარეფს მიღნა განსაკუთრებულ საშვალება, განვადიდათ იეჰოვა დო თიშ მიმართ სიმარდულ გეგმოფხანტათ ძვირფას ძღვინიშ, გიშაჸიდირალიშ გურშენ (ეფეს. 1:3, 7). მაგალთო, ბრელს ფხანდენთ, ნამდა ხალხ ქუდვაპატიჟათ გოშინაშ ონჯუაშა. მიდგას საშვალება ხეს უნწყუნს, შეულებ მარტ ვარდა აპრილს დამხმარე პიონერო იმსახურას 30 ვარდა 50 საათიან ნორმათ. ქუგოკონო მსახურებას მეტ მონაწილება მიღე გოშინაშ ონჯუაშ პერიოდის? მუ მიგეხვარებ თე მიზანიშ მეჭირნაფას?

მუჭოთ წესინ, საქმე უჯგუშო გიშმალენა, მუჟამსით ჯგირ გეგმა მაფნა შედგენილ (იგავ. 21:5). გოშინაშ ონჯუა უკვე ხოლოს რე, ათეშენ ჯგირ იჸუაფ ასეშე ქიდიჭყე დაგეგმება. დეფიქრ, მუჭო შეილებ უმოს გაკეთე მსახურებას გოშინაშ ონჯუაშ პერიოდის დო მუ ოკო აკეთე, ნამდა ქიმიოჭირინუე თე მიზანს. უკულ იეჰოვას ქოთხი, აკურთხას სქან მონდომა (1 იოან. 5:14, 15).

მუჭო შეილებ უმოს გაკეთე მსახურებას გოშინაშ ონჯუაშ პერიოდის?