მუშენ ოკო მიღდან უმოსო ურთიერთობა თინეფწკუმა, მიდგას იეჰოვა უჸორს? მუშენდა მიდგაწკუმა ხოლოშიან ურთიერთობა მიღნა, ჯგირო ვარდა გლახათ მოქმედენს ჩქინდა (იგავ. 13:20). მაგალთო, მეფე იეჰოაში „სწორას იქციებუდ იეჰოვაშ თოლს“, ონდო მეგობრენდჷ მღვდელმთავარ იეჰოიადაწკუმა (2 მატ. 24:2). მარა თიშ ღურაშ უკულ, მეფექ მიოტუ იეჰოვა, მუშენდა გლახა საზოგადოებაწკუმა ქიდეკინ ურთიერთობა (2 მატ. 24:17—19).

ახ. წ. პირველ საუკუნეს, მოციქულ პავლექ ქრისტიანულ კრება შეადარ „დიდ ჸუდეს“ დო კრებაშ წევრეფ „ჭურჭელს“. ჩქი შემალებენა ვორდათ „საპატიო მიზანშო გიშართილ ჭურჭელ“, მუჟამსით ვედეპკინენთ ხოლოშიან ურთიერთობას თინეფწკუმა, მით იეჰოვაშ მოსაწონო ვექციებ. ვა უღჷ მნიშვნელობა, თინეფ ჩქინ ოჯახიშ წევრეფ იჸინა დოვარ კრებაშ წევრეფ (2 ტიმ. 2:20, 21). ათეშენ, მორთ გუვაგრძელათ მეგობრობა თინეფწკუმა, მიდგას იეჰოვა უჸორს დო ჩქი ხოლო ღორონთიშ მსახურებას ელამჩანა.

ქუჯინით ვიდეოს „დუდ ეუჩილითეთ გლახა საზოგადოებას“ დო უკულ ქუპასუხით თუდო მოჩამილ კითხვეფს:

• მუჭო შილებე შურო ვებგინათინ თეშ, დევეახლოვათ გლახა საზოგადოებას?

• მუქ მეხვარ თე ინსცენირებას მოჩამილ სუმ ქრისტიანს, ჩეთხისკო გლახა საზოგადოებას?

• ნამ ბიბლიურ პრინციპეფ მიგეხვარებ, ჭკვერულო გეგშაგორე სამეგობრო?