ROꞌMADÖꞌÖꞌWA Ĩtsõrédzé 1, 2021 na | E Ropotoꞌwa tô tsena te wapa wanhimirowaptẽrẽ.
Nimahã na Ropotoꞌwai wi rowaptẽrẽ wamhã, e ma tô ĩrotsaꞌra atsimirowaptẽrẽ te te ĩtsadaꞌöbö õ na hã. Ãne wamhã, aiwététsi õ di. Ĩꞌahö norĩ ma tô waptẽrẽ dzaꞌra Ropotoꞌwai wi ĩtsimipawaptobdzéb dzô, tadzahã tãma dzaꞌra romhöimanadzé ãma tsitsaprĩ õ di. Ãhã ĩtsõrédzé te dza tsadaꞌö tsiꞌubdatõ dadzadanharĩ: E marĩ dzarina wa dza tsadze dzaꞌra ni Ropotoꞌwa wanhimirowaptẽrẽ te te ĩwapari na hã. E marĩ wa nimahã rowaptẽrẽ norĩ te te tsadaꞌöbö õ di. Duré e niha te dza ĩrowaptẽ Ropotoꞌwai wi atsimirowaptẽrẽ te te tsadaꞌöbö da.
Danhimirotsaꞌrata mono rowaptẽrẽ ãma
E rowaptẽrẽ tô danhibdzari Ropotoꞌwai hawimhã e marĩ taré da te ĩꞌmanharĩ dzaꞌra hã.
E Ropotoꞌwa tô tsena te wapa wanhimirowaptẽrẽ.
Bíblia te ropitsutu Ropotoꞌwa te te ĩwawapari na hã ĩbö na wa te tiwi rowaptẽrẽ dzaꞌra wamhã.
E marĩ wa Ropotoꞌwa te te tsadaꞌöbö õ di uburé rowaptẽrẽ norĩ.
Bíblia te höiꞌré e mahã rowaptẽrẽ norĩ Ropotoꞌwa te dza tsadaꞌö duré e ma norĩ te te tsadaꞌöbö õ di dza.
E marĩ wa dza ꞌmanharĩ dzaꞌra ni Ropotoꞌwa wanhimirowaptẽrẽ te te wapari dzaꞌra da.
Aimreme Ropotoꞌwai ma tsiwaꞌru darob ãma duré tsiwaꞌru bötö na, aimreme ꞌrãihö na niwamhã ariꞌiwi na. Jesus ma tô duré wama waihuꞌu e niha wa dza wamreme dzaꞌra ni rowaptẽrẽ na.
E niha rowaptẽrẽ te dza aipawapto.
E niha rowaptẽrẽ te dza aipawapto ropire ꞌwapé da.
E Ropotoꞌwa te wapa atsimirowaptẽrẽ.
Bíblia te tinha Ropotoꞌwa dza te te ĩꞌaiwapari na hã rowaptẽrẽ wamhã duré õ hã te te tsima ĩwẽ na hã te te aipawaptob da.
