ĨMRO RÉ NORĨ MA
2: Datsiré romhuri
E MARĨ TE WATSUꞌU.
Aibö timro me tsiré te te romhuri dzahuré wamhã, te ꞌre höimana dzahuré höiwi ꞌmaprabaꞌwa duré höiwi ꞌmaprabaꞌwa pawaptoꞌwa ne te te ĩtsadawa dzamarĩ dzahuré tô rowaꞌõtõdzé datsitsamro da hã. Ropire watobro wamhã tihöiba na tsi te te rotsaꞌrata dzahuré õ di. Te dza tsina rotsaꞌrata dzahuré.
ROPOTOꞌWAI MREME NHIMIROTI: ‘Maparane ĩhöiba na oto ꞌre höimana dzahuré mono õ di dza. Mitsi dza oto ĩhöiba hã.’ — Mateus 19:6.
“Aibö timro me tsiré te te ĩromhuri dzahuré da tsi rowẽ höimana da datsina damro ꞌremhã.” — Christopher.
E MARĨ WA WẼ DI.
Aibö timro me tsiré te te romhuri dzahuré õ wamhã, ropire watobro wamhã te dza tsiꞌwapé dzahuré ropire tsi te te ꞌwapé dzahuré da nherẽ. Ãne wamhã, ropire tsuru nherẽ te dza tidzaꞌẽtẽ petse.
“Datsiré romhuri ĩmorĩꞌrata uptabi datsina damro ꞌremhã. Te romhuri õ wamhã ĩ̱mro tsiré, taré wa dza watsiré wahöimana ni, ãma watsitsadze ãna wahöimanadzém na wa te pitsutu da.” — Alexandra.
E MARĨ TE DZA ĨꞌMANHA.
ÃMA ROTSAꞌRATA
-
E wa rotsaꞌrata robꞌuipradzé tsô te ĩromhuri hã “ĩ̱te tsi” na hã.
-
E ĩ̱ma rowẽ uptabi di ĩ̱mro nhiti ĩ̱höimana waptsi.
-
Ĩ̱mro tsitariꞌõ nherẽ ĩtsitsãnawã norĩ ma hã, e wa natsi tiwi ĩ̱tsitsawi dzaꞌra.
ATSIMA ROBDZANHAMRI ABA
-
E marĩ na watsina wamro ꞌremhã wa natsi watsiré romhuri wẽ ni.
-
E marĩ na tsada hã watsihiri wẽ da.
-
E niha wa dza watsihiri wẽ ni watsiré romhuri na hã.
AIPAWAPTOBDZÉB DA
-
Ãma rotsaꞌrata atsina aimrodzé dato ne duré a hã aimro me te atsiꞌwapéi waꞌwa. Ãma rotsaꞌrata, e niha te dza atsiré ĩꞌwapéi waꞌwa atsiꞌwapéi aba tõ da.
-
Rotsaꞌrata tõ: ‘E niha wa dza ãma aiꞌuté.’ Ãma rotsaꞌrata: ‘E niha wadzahuré, wa dza ãma aiꞌuté ni.’
“Tsô airĩtĩ tõ ĩꞌupaiꞌwa dzô. Danhipai u wẽ di atsiwatsutu aba da romharé na duré rowẽ na datsina damro ꞌremhã atsiré aihöimana aba da.” — Ethan.
ROPOTOꞌWAI MREME NHIMIROTI: ‘Marĩ atsima ĩwẽ dzô atsima tsi ꞌre airĩtĩ mono tõ. Tadzahã, dama dzama ꞌre airĩtĩ mono.’ — Filipenses 2:3, 4.
