ROMNHORÉ 21
E ꞌwam norĩ te te dama ꞌre roꞌmahörö dzaꞌra roꞌmahörö wẽ na.
Romhutu na, Jeová tinhimirobꞌrudzém hawi te dza uprotsi uburé ropire wama ꞌre ĩhöimana dzaꞌra mono hã. Aihĩni da te ĩwaihuꞌu dzaꞌra da tsi ãhã roꞌmahörö wẽ. Taha wa, Jesus te tinha tidzadawa dzamarĩꞌwa norĩ ma, ãhã roꞌmahörö wẽ te te watsuꞌu dzaꞌra da aihĩni ma! (Mateus 28:19, 20) E marĩ Jeová Watsuꞌuꞌwa norĩ te natsi ꞌmanharĩ dzaꞌra Jesus nhimiroti te te tsadawa dzamarĩ dzaꞌra da.
1. E niha Mateus 24:14 te te ãma ꞌre uwaimrami mono ã bötö na.
Jesus te tinha roꞌmahörö wẽ ãma hã: ‘Daro mono bö te dza te te dama ꞌre watsuꞌu dzaꞌra.’ (Mateus 24:14) Jeová Watsuꞌuꞌwa norĩ robdze na ãhã romhuri ĩpire te te ãma ꞌre uwaimrami dzaꞌra. Wa natsi dama roꞌmahörö dzaꞌra ni roꞌmahörö wẽ na tiꞌai mono bö 1.000 nhipai u damreme na! Uptsãtã petse na wa natsi wanhiptete dzaꞌra ni ãhã romhuri dzaꞌẽtẽ na hã. Jeová nhimipawaptobdzéb ãna niwa aré wa te ãma uwaimrami waihuꞌu dzaꞌra õ di.
2. E niha wa natsi dama roꞌmahörö dzaꞌra ni.
Wa dama roꞌmahörö dzaꞌra ni tsiwaꞌru ꞌre ĩdahöimana dzaꞌra mono dzéb ãma. Jesus tsadawa dzamarĩꞌwa ĩmorĩꞌrata norĩ ne, ‘ꞌri baba’ wa dama roꞌmahörö dzaꞌra ni. (Atos 5:42) Ãne na hã, tsada hã daꞌahö uptabi ma wa te robdzanhamri dzaꞌra da wahup tsidöpötsi. Nimahã na wa te danhopẽtẽ dzaꞌra õ di ꞌri ãma. Taha wa, wa duré roꞌmahörö dzaꞌra ni tsiwaꞌru ꞌre ĩdahöimana dzaꞌra mono dzéb ãma niwamhã da te ꞌre ĩroꞌrahöri dzaꞌra mono ma. Bötö bö, wa tsada wanhiptete dzaꞌra ni, wa te dama robdzanhamri dzaꞌra da Jeová ãma duré ĩtsimiropitsutu norĩ ãma.
3. E ꞌwam norĩ te te dama ꞌre ĩroꞌmahörö dzaꞌra mono da tsi roꞌmahörö wẽ na.
Aihĩni Cristo dzadawa dzamarĩꞌwa norĩ ĩꞌuptabi te te dama ĩroꞌmahörö dzaꞌra da tsi roꞌmahörö wẽ na hã. Duré wa wahöimana uptabi dzaꞌra ni ãhã romhuri na hã. Wama ĩwaihuꞌu petse dzaꞌra dzarina, wa tsada wanhiptete dzaꞌra ni ãhã romhuri te te danhoꞌreptui waihuꞌu petse mono wa. (Tsõré na 1 Timóteo 4:16.) Niꞌwa te te wapawaꞌöbö dzaꞌra õ di ãhã romhuri da hã. Jesus te tinha: ‘Waꞌöbö ãna wa tô ĩ̱waihuꞌu pe hã aima tsõmri dzaꞌra waꞌwa. Tane, te dza waꞌöbö ãna dama ĩꞌmanharĩ dzaꞌra waꞌaba mo.’ (Mateus 10:7, 8) Niꞌwam norĩ te te wawapari dzaꞌra õ di. Tane nherẽ, roꞌmahörö na wa te tsadzöri dzaꞌra õ di. Ãne, Jeová ãma wa wawata dzaꞌra ni duré wapoꞌre petse na wa tãma rowẽ dzaꞌra ni.
WAIHUꞌU DURÉ
Te dza ĩwaihu Jeová Watsuꞌuꞌwa norĩ te te ꞌre ĩꞌmanharĩ dzaꞌra mono dzé tiꞌai mono bö te te dama ꞌre roꞌmahörö dzaꞌra mono da duré e niha Jeová te wapawaptob dzaꞌra.
Wa dama roꞌmahörö dzaꞌra ni tiꞌai mono bö: (A) Costa Rica, (B) Estados Unidos, (C) Benin, (D) Tailândia, (E) Yap, (F) Suécia
4. Wa tsada wanhiptete dzaꞌra ni aihĩni ma wa te roꞌmahörö dzaꞌra da
Jeová Watsuꞌuꞌwa norĩ te tsada tinhiptete dzaꞌra roꞌmahörö wẽ ãma te te dama roꞌmahörö dzaꞌra da daro mono bö. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E niha te ĩrotsaꞌra uburé Jeová Watsuꞌuꞌwa norĩ te te ĩꞌmanharĩ dzaꞌra dzém na te te dama roꞌmahörö dzaꞌra da.
Atsiré tsõré aba Mateus 22:39 duré 1 Tessalonicenses 2:4. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
-
E niha dama roꞌmahörö na wa höiꞌré dzaꞌra ni wa te ꞌre ĩdaꞌadzawi petse dzaꞌra mono na hã.
-
E niha Jeová te rotsaꞌrata roꞌmahörö na watsuꞌuꞌwa norĩ ãma. — ꞌMadöꞌö aba ĩtsihötö ꞌrare 15.
5. Ropotoꞌwa tsiré wa romhuri dzaꞌra ni
Wa ꞌmadöꞌö dzaꞌra ni tsõꞌawi Jeová te te ĩtsaprõni na hã wanhimiromhuri. ꞌMadöꞌö ĩwatobrodzé Nova Zelândia ãma watsitsãnawã Paul na ĩtsitsi dzô. Nimahã bötö na höiwahö na Paul te dama roꞌmahö ꞌri baba, duré ma tô tsõpẽtẽ piꞌõ. Piꞌõ ma tô tãma watsuꞌu õhõ mararé te te ĩrowaptẽrẽ na hã Ropotoꞌwai wi. Jeová ĩtsitsi na te te ꞌmahörö tsina piꞌõ ma tô tiwi waptẽ niꞌwa ĩtẽme te te tsatõrĩ da te te tãma ãma waihuꞌu da. Paul te duré watsuꞌu: “Tsiꞌubdatõ hora parimhã ĩtsõrõwa u wa tô wi.”
Atsiré tsõré aba 1 Coríntios 3:5-7. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E niha ãhã ĩwatobrodzé te höiꞌré Jeová te te ĩtsaprõni na hã wanhimiromhuri dama roꞌmahörö na hã.
Atsiré tsõré aba Atos 1:8. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E marĩ wa, Jeová nhimipawaptobdzéb dzô te wawi tsô tirowaptöꞌö dzaꞌra wa te dama roꞌmahörö dzaꞌra da.
E ma tô ĩwaihu.
Watsiꞌrãꞌõtõ ãma romhuri waꞌwamhã wa natsi ãma atsanho dzaꞌra ni dama roꞌmahörö na hã. Watsiꞌrãꞌõtõ u e nimahã na ma tô aimo. E niha te ĩrotsaꞌra datsitsanhodzém na hã õwa ĩhöimana hã.
6. Ropotoꞌwa dzadawa dzamarĩ tsina wa dama roꞌmahörö dzaꞌra ni
Apóstolo norĩ nhibötö na niꞌwam norĩ ma tô ꞌwapé dzaꞌra Cristo dzadawa dzamarĩꞌwa norĩ te te dama roꞌmahörö dzaꞌra tõ da. Tane nherẽ, õ norĩ hã ma tô tsiwatsuꞌu dzaꞌra rowairébéꞌwa norĩ nhoꞌa te te ãma udzutsi dzaꞌra da dama roꞌmahörö na hã. (Atos 24:5, 10) Ãne duré, Jeová Watsuꞌuꞌwa norĩ te ꞌmanharĩ dzaꞌra ã bötö na. a
Atsiré tsõré aba Atos 5:27-42. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E marĩ wa, roꞌmahörö na wa te tsadzöri dzaꞌra õ di dza. — ꞌMadöꞌö aba ĩtsihötö ꞌrare 29, 38 duré 39.
NIꞌWA TE TE ATSADANHARĨ WAMHÃ BÉTÉ: “E marĩ wa, Jeová Watsuꞌuꞌwa norĩ ꞌri baba te ꞌre aiꞌabaꞌré.”
-
E niha te dza ĩtsadaꞌö.
ĨWAIHUꞌUDZÉ HÃ
Jesus te tinha tidzadawa dzamarĩꞌwa norĩ ma roꞌmahörö wẽ ãma te te dama roꞌmahörö dzaꞌra da tiꞌai mono bö. Jeová te te ꞌre pawapto tinhibꞌaꞌuwẽ norĩ ã hã romhuri te te ꞌmanharĩ dzaꞌra da.
Ãma aipoꞌre puꞌu
-
E ꞌwam norĩ te te dama ꞌre roꞌmahörö dzaꞌra roꞌmahörö wẽ na tiꞌai mono bö.
-
E niha wanhimiromhuri na wa höiꞌré dzaꞌra ni wa te ꞌre ĩdadzawi petse dzaꞌra mono na hã.
-
Aima hã, dama roꞌmahörö e te wama rowẽ dzaꞌra. E marĩ wa.
TSÔ AIRĨTĨ DURÉ
E niha Jeová Watsuꞌuꞌwa norĩ te dama roꞌmahörö dzaꞌra ꞌri ahö ĩtsaꞌẽtẽ norĩ ãma.
E marĩ Jeová Watsuꞌuꞌwa norĩ te te ꞌre ꞌmanharĩ dzaꞌra te te pawaptob dzaꞌra da tirom nhiti tsina ĩpahö dzaꞌra.
Tirom nhiti tsina ĩpahö dzaꞌra pawaptobdzé danhimidzadze na (5:59)
ꞌMadöꞌö e niha ĩrowẽ piꞌõi ma Ropotoꞌwai mreme na te te natsi dama roꞌmahörö uꞌötsi wa.
ꞌMadöꞌö e niha Jeová Watsuꞌuꞌwa norĩ ĩte ĩꞌrudzahi ma tô upari dzaꞌra te te dama roꞌmahörö dzaꞌra da.
a Ropotoꞌwa tsiꞌuihö na ma tô wama ꞌru dzaꞌra roꞌmahörö wẽ norĩ na wa te dama roꞌmahörö dzaꞌra da. Taha wa, Jeová Watsuꞌuꞌwa norĩ te te waptẽrẽ dzaꞌra õ di dama ĩpire norĩ wi te te tãma tsaꞌré dzaꞌra da te te dama roꞌmahörö dzaꞌra da.
