Sopo 10:1-22
10 “Kua au fakalialia ki toku maʼuli.+
ʼE mole au fia tuku taku meo.
ʼE au palalau ʼi te kona ʼo toku mamahi!
2 ʼE au ui anai ki te ʼAtua: ‘ ʼAua naʼa ke tukugakoviʼi au.
Ke ke fakaha mai pe koʼe ʼe ke tauʼi au.
3 ʼE ʼi ai koa he fua ʼo tau fakamamahiʼi au,Mo tau meʼa noaʼi te gaue ʼo ʼou nima+Kae ʼe ke lagolago ki te ʼu fakatuʼutuʼu ʼa te kau agakovi?
4 ʼE ke maʼu koa ni mata ʼe hage ko ni mata ʼo he tagata?Peʼe ke sio koa ohage ko te sio ʼa te tagata?
5 ʼE hage koa ʼou ʼaho ko te ʼu ʼaho ʼo te tagata,Peʼe hage koa ʼou taʼu ko te ʼu taʼu ʼo te tagata,+
6 Ke ke kumi ai haku hala,Pea mo kumi tuʼumaʼu pe haku agahala?+
7 ʼE ke iloʼi ʼe mole haku hala,+Pea ʼe mole lava haofaki au e he tahi mai tou nima.+
8 Neʼe ke faʼu tonu au,+Kae ʼi te temi nei kua ke vave pulihi au.
9 Fakalelei siʼou loto, ke ke manatuʼi neʼe ke faʼu au ʼaki te kele,+Kae ʼi te temi leva ʼaeni ʼe ke toe fakaliliu au ki te efu.+
10 Neʼe mole ke huaʼi koa la au ohage ko te huʼa pipiMo fakatotoka au ohage ko te folomasi?
11 Neʼe ke ʼaofi au ʼaki te kili mo te kakano,Pea neʼe ke toe faʼu au ʼaki ni hui mo ni ivi.+
12 Neʼe ke foaki mai te maʼuli mo tou ʼofa agatonu,Neʼe ke tokaga lelei ki toku maʼuli.*+
13 Kae neʼe ke fakatuʼutuʼu ʼi tou loto te ʼu meʼa ʼaia.*
ʼE au iloʼi ko te ʼu meʼa ʼaia ʼe haʼu mai ia te koe.
14 Kapau ʼe au agahala, ʼe ke sio pe anai ki ai,+Pea ʼe mole ke fakamolemole anai taku hala.
15 Kapau neʼe au fai he meʼa ʼe kovi, ko taku pe ia hala!
Tatau aipe pe neʼe mole au fai he meʼa ʼe kovi, kae ʼe au lotovaivai,+He ʼe kua kovi ʼosi toku ufiufi mo toku lotomamahi.+
16 Kapau ʼe au lotomalohi, ʼe ke tuli au ohage ko he laione,+ʼE ke toe fakaʼaogaʼi tou malohi moʼoku fakamamahiʼi.
17 ʼE ke toe fekauʼi mai he tahi ʼu fakamoʼoni ke natou tukugakoviʼi au,Pea ʼe kovi ʼosi tou ita kia auKae ʼe hoko atu pe toku mamahi.
18 He koʼe la neʼe ke toʼo au mai te fatu ʼo taku faʼe?+
Neʼe lelei age pe ke au mate kae heʼeki sio mai he tahi.
19 ʼE au hage pe anai ko he kiʼi toe neʼe heʼeki tupu,ʼO ʼave au mai te fatu ʼo taku faʼe ki te fale maka.’
20 ʼE mole veliveli koa la ʼoku ʼaho?+ Ke haganoa te ʼAtua,Ke sio kehe ke maʼu ai hoku kiʼi fimalie,+
21 He ʼe au alu anai ki te fenua fakapoʼuli gaogao,+Pea ʼe mole au toe liliu mai anai,+
22 ʼEi, he ʼe au alu anai ki te fenua fakapoʼuli gaogao,Te fenua ʼo te mate mo te maveuveu,ʼAe ʼe tatau pe te malama mo te fakapoʼuli.”
Nota
^ Peʼe “taku manava.” Hep. rouaḥ. Vakaʼi Te ʼu Kupu.
^ Hep. “Pea ko te ʼu meʼa ʼaia, neʼe ke fufu ʼi tou loto.”
