Selemia 51:1-64
51 Koʼeni te folafola ʼa Sehova!
“ ʼE au fakaagi anai he matagi ʼe fakatupu maumau.Pea ʼe agi anai ki Papiloni+ mo te hahaʼi ʼo Lepe-kamai.*
2 ʼE au fekauʼi anai ni tagata ki Papiloni moʼona fakamavetevete,Ohage ko te ʼave e te matagi te luna moamoa pea ʼe natou fakalavakiʼi anai tona fenua.ʼI te ʼaho ʼo te malaʼia, ʼe natou tauʼi anai ia ia ʼi te ʼu faʼahi fuli.+
3 Ke mole faoʼi e te tagata fainahau ia tana nahau.
Pea ke mole tuʼu ake he tagata ʼe ina tui hona kofu tau.
ʼAua naʼa kotou fakaʼofaʼofa ki ʼona kau tupulaga.+
Kotou pulihi katoa tana kautau.
4 ʼE natou mamate anai ʼi te fenua ʼo te kau KaleteaHe neʼe natou lavevea kovi ʼi te ʼu ala ʼo Papiloni.+
5 Neʼe mole liʼaki e Sehova ʼo te ʼatu kautau ia Iselaele pea mo Suta. Pea neʼe mole nā liliu ohage ko ni vitua.+
Kia mata ʼo te Maʼoniʼoni ʼo Iselaele, kua fonu te fenua ʼo te kau Kaletea ko ʼanatou hala.
6 Kotou feholaki mai Papiloni,ʼEi, kotou feholaki mo kapau ʼe kotou fia maʼuʼuli.+
ʼAua naʼa kotou mamate ʼuhi ko tana hala.
Kua hoko mai te temi ʼae ka lagavaka ai ia Sehova.
ʼE ina tauteaʼi ia ia ʼo mulimuli ki ʼana gaue.+
7 Neʼe ko he ipu aulo ia Papiloni ʼi te nima ʼo Sehova.Neʼe konahia ai te kele katoa.
Neʼe iinu te ʼu puleʼaga ki tana vino.+Koia ʼae neʼe vavale ai te ʼu puleʼaga.+
8 Fokifa pe kua to ia Papiloni pea mo maumau.+
Kotou tagilaulau ʼo ʼuhiga mo ia.+
Kotou olo ʼo kumi he lolo magoni ki tona mamahi, ʼe lagi toe lelei anai.”
9 “Neʼe matou faigaʼi ke matou fakamalolo ia Papiloni kae neʼe mole ʼi ai hona faitoʼo.
Kotou tukunoaʼi ia ia, kae tou tahi olo ki tona fenua.+
Kua kaku ʼana gaue ʼae ʼe kovi ki te lagi,ʼEi, kua kaku ki te ʼu ʼao.+
10 Neʼe fakahoko e Sehova ia te faitotonu ʼo ʼuhiga mo matou.+
Kotou ʼomai kae tou olo ʼo fakamatala ʼi Sione te gaue ʼa Sehova, totatou ʼAtua.”+
11 “Kotou fakamasila te ʼu kauʼi nahau,+ kotou puke te ʼu meʼa tali tau takafuafua.*
Neʼe uga e Sehova ia te ʼu hau ʼo Metia ke natou olo ʼo tau,+Koteʼuhi kua ina fakatotonu ke ina maumauʼi ia Papiloni.
ʼE lagavaka anai ia Sehova, ʼe lagavaka anai ia ʼo ʼuhiga mo tona fale lotu.
12 Kotou fakatuʼu he pou fakailoga+ ke kotou olo ʼo tauʼi te ʼu kaupa ʼo Papiloni.
Kotou nonofo tokaga, kotou fakatuʼu ni kau leʼo.
Kotou fakanono ni kau solia ke natou lamalama.
Ko Sehova ʼae neʼe ina fakakaukauʼi ia te puleʼaki,Pea ʼe ina fakahoko anai te meʼa ʼae neʼe ina fakapapau ke ina fai ki te hahaʼi ʼo Papiloni.”+
13 “Ia koe ʼae ko te fafine ʼe nofo ʼi te ʼatu vai,+ʼAe ʼe ke maʼu ni tuʼuga koloa,+Kua hoko mai tou temi fakaʼosi, kua kaku tou manumanū koloa ki tona gataʼaga.+
14 Neʼe fakapapau ia Sehova ʼo te ʼatu kautau ʼi tona huafa totonu:‘ ʼE hahaʼi anai te ʼu tagata io koe ohage ko ni heʼe,Pea ʼe natou kalaga fakafiafia anai he neʼe natou malo ia koe.’+
15 Ko Ia ʼae neʼe ina faʼu te kele ʼaki tona mafimafi,Ia Ia ʼae neʼe ina fakatuʼu te kele ʼae ʼe maʼuli lelei ʼaki tona poto,+Pea ko ia ʼae neʼe ina folahi te lagi ʼaki tona ʼatamai.+
16 ʼE hou te ʼu vai ʼo te lagiMoka ina fakaha tona leʼo,Pea ʼe ina fakahake ake ni ʼao mai te ʼu potu taupotu ʼo te kele,
Mo ina fakatapa te hila mo fakato te ʼua ʼi he temi pe ʼe tahi,Pea mo fakaagi te matagi mai ʼona fale tanakiʼaga meʼa.+
17 ʼE agavale mo hala ʼatamai te tagata fuli pe.
ʼE ufiufi anai te tagata tufuga ʼuhi ko te fakatata ʼae neʼe ina togi.+ʼE ko he kaka tana fakatata ukamea*Pea ʼe mole manava pe la.+
18 Ko ni gaue ʼe vaʼi anai, ʼe mole honatou ʼuhiga.+
ʼE pupuli anai ʼi te ʼaho ʼae ka fakamauʼi ai natou.
19 ʼE mole hage te Vahe* ʼo Sakopo ko te ʼu meʼa ʼaia,Koteʼuhi ko Ia ʼae neʼe ina faʼu ia meʼa fuli,Maʼia mo te toko ʼo tona tofiʼa.+
Ko tona huafa ko Sehova ʼo te ʼatu kautau.”+
20 “ ʼE ke hage kia au ko he koga ʼakau, he mahafu tauHe ʼe au laliki anai ni puleʼaga ʼaki ia koe,
Pea mo au pulihi ni puleʼaga hau.
21 ʼE au laliki anai te hosi pea mo te tagata heka hosi ʼaki ia koe,
Pea mo au laliki te saliote tau mo te tagata taki saliote.
22 ʼE au laliki anai te tagata mo te fafine ʼaki ia koe,
Mo au laliki te matuʼa mo te tama,
Pea mo au laliki te tama tupulaga mo te taʼahine.
23 ʼE au laliki anai te tauhi ovi mo tana faga ovi ʼaki ia koe,
Mo au laliki te tagata gaue kele mo ʼana manu,
Pea mo au laliki te ʼu kovana mo te ʼu pule.
24 ʼEi, ʼe au tauteaʼi anai ia Papiloni pea mo te hahaʼi katoa ʼo KaleteaʼO mulimuli ki te ʼu agakovi fuli ʼae neʼe natou fai ʼi Sione ʼi ʼokotou muʼa,”+ ko te ui ʼaia ʼa Sehova.
25 ʼE toe ui e Sehova: “ ʼE au fakafeagai anai kia koe,+ moʼuga fakatupu maumau,ʼAe ʼe ke maumauʼi ia te kele katoa.+
ʼE au faoʼi anai toku nima moʼou fakatuʼā, ʼe au fakateka anai koe ki te ʼu vaʼe ʼutu,Pea ʼe au fakaliliu anai koe ko he moʼuga kua manunu.”
26 “ ʼE mole feala anai ke toʼo mai ia koe ia he maka agele peʼe ko he maka fakatafito,He ʼe ke tuʼu lavaki anai ʼo talu ai,”+ ko te ui ʼaia ʼa Sehova.
27 “Kotou fakatuʼu he pou fakailoga ʼi te fenua.+
Kotou pupuhi te fakatagi pupuhi ʼi te ʼu puleʼaga.
Kotou fakanofo ni puleʼaga ke natou tauʼi ia Papiloni.
Kotou pauʼi te ʼu puleʼaga ʼo Alalate,+ mo Mine pea mo Asekenase+ ke natou tauʼi ia ia.
Kotou hinoʼi ki ai he tagata ke ina fakahu he kau solia.
Kotou fakahake te ʼu hosi ohage ko ni heʼe.
28 Kotou fakanofo te ʼu puleʼaga ke natou tauʼi ia ia,Te ʼu hau ʼo Metia,+ mo ʼona kovana, mo ʼona pule fuliPea mo te ʼu fenua fuli ʼae ʼe natou takitaki.
29 ʼE galulu anai te keleHe ʼe hoko anai te ʼu fakatuʼutuʼu ʼa Sehova ʼo ʼuhiga mo Papiloni:ʼE liliu anai te fenua ʼo Papiloni ko he meʼa fakalialia, he koga meʼa ʼe tuʼu lavaki.+
30 ʼE mole kei tau te ʼu tagata tau ʼo Papiloni.
ʼE natou heheka ʼi ʼonatou kolo tau.
Kua puli tonatou malohi.+
Kua natou liliu ohage ko ni fafine.+
Kua tutu te ʼu nofoʼaga ʼi te kolo.
Kua maumauʼi te ʼu ʼakau fakalava ʼo ʼona matapa.+
31 ʼE lele he tagata ʼave tohi ki he tahi tagata ʼave tohi,Pea ʼe lele he tagata ʼave logo ki he tahi tagata ʼave logoʼO fakaha ki te hau ʼo Papiloni kua maʼu te ʼu faʼahi fuli ʼo tona kolo,+
32 Kua nofoʼi e te fili te ʼu faʼahi ʼo te vai tafe ʼae ʼe fakalaka ai te hahaʼi,+Kua tutu te ʼu vaka papilusi,Pea kua matataku te kau solia.”
33 Koʼeni te folafola ʼa Sehova ʼo te ʼatu kautau, te ʼAtua ʼo Iselaele:
“ ʼE hage te taʼahine ʼo Papiloni ko he hahaʼaga fulumeto.
Kua hoko mai te temi ʼae ke malamalaki ai.
ʼE kei toe pe te kiʼi temi siʼi pea kamata te taʼukai.”
34 “Neʼe kai au e te Hau ʼo Papiloni ko Nepukanesa.+Neʼe ina fakatupu te maveuveu io ʼoku.
Neʼe ina hili au ohage ko te hili ʼo he ipu ʼe ʼago.
Neʼe ina folo au ohage ko he gata lahi.+Neʼe ina fakafonu tona fatu ʼaki ʼaku meʼa lelei.
Neʼe ina kapu au ʼaki te vai ʼi te koga meʼa ʼae neʼe au nofo ai.
35 ‘Ke fakatuʼā ia Papiloni ʼuhi ko te ʼu lavea ʼae neʼe ina fai mai ki toku sino!’ ko te ui ʼaia ʼa te taʼahine ʼo Sione.+
‘Pea ke fakatuʼā te hahaʼi ʼo Kaletea ʼuhi ko toku toto ʼae neʼe liligi!’ ko te ui ʼaia ʼa Selusalemi.”
36 Koia koʼeni te folafola ʼa Sehova:
“ ʼE au fakafofoga anai koe ʼi te faifakamau+Pea ʼe au lagavaka anai maʼa koe.+
ʼE au fakamamaha anai te tai ʼo Papiloni mo ʼona vai keli.+
37 Pea ʼe liliu moʼoni anai ia Papiloni ko ni tuʼuga maka+Mo he nofo’aga ʼo te ʼu kuli vao,+He koga meʼa fakalialia mo fehiʼaʼinaʼi.ʼE mole toe nofoʼi anai e he tahi.+
38 ʼE natou gugulu fakatahi anai ohage ko ni laione kei mui.
ʼE natou gugulu anai ohage ko ni ʼuhiʼi laione.”
39 “Pea ka laga tonatou holi fakavale, ʼe au teuteuʼi anai tanatou kaitahi pea ʼe au fakainu anai natou ke natou konanaMo fakafiafia.+Pea ʼe natou momoe fualoa anaiʼO mole natou toe ʼaʼala ake,”+ ko te ui ʼaia ʼa Sehova.
40 “ ʼE au ʼave anai natou ke matematehi ohage ko ni akeno,Mo ni ovi tagata pea mo ni tao tagata.”
41 “Kua to ia Sesake,*+Kua puke te Nekenekeaʼaga ʼo te kele katoa!+
Koʼeni, kua liliu ia Papiloni ko he meʼa fakalialia ʼi te ʼu puleʼaga!
42 Kua hake te tai ki Papiloni
Pea neʼe ʼaofi e ni peau lalahi.
43 Kua liliu ʼona kolo ko he meʼa fakalialia, he fenua magemage, he toafa,
He fenua ʼe mole toe nofoʼi anai pea ʼe mole toe fakalaka ai anai he tahi.+
44 ʼE au tauteaʼi anai ia te ʼatua ko Pele+ ʼi Papiloni,ʼE au toʼo anai mai tona gutu ia te meʼa ʼae neʼe ina folo.+
ʼE mole toe olo anai ki ai te ʼu puleʼagaPea ʼe holo anai te kaupa ʼo Papiloni.+
45 Kotou mavae mai ai, taku hahaʼi!+
Kapau ʼe kotou fia maʼuʼuli,+ kotou feholaki mai te hauhau ʼo Sehova.+
46 ʼAua naʼa kotou lotovaivai mo matataku ʼi te logo ʼae ka mafola ʼi te fenua.
Hili ki ai he taʼu, ʼe fakaha atu anai te logo,Pea ʼi te taʼu ka hoa ki ai, ʼe ʼi ai anai he tahi logo:ʼE talanoaʼi anai ni agamalohi ʼi te fenua pea mo te fetauʼaki ʼa ni takitaki.
47 Koia koʼeni, ʼe hoko mai anai te ʼahoʼAe ka au maumauʼi ai te ʼu fakatata ʼo Papiloni.
ʼE fakalainoaʼi anai tona fenua katoaPea ʼe leta anai ʼana kau mate fuli ʼi te kolo.+
48 Ka to ia Papiloni, ʼe kalaga fakafiafia anai+Te lagi, mo te kele pea mo meʼa fuli ʼae ʼe maʼu ai,He ʼe ʼomai anai te kau fakatupu maumau mai te potu noleto,”+ ko te ui ʼaia ʼa Sehova.
49 “Neʼe matehi e Papiloni te kau Iselaele,+Pea neʼe toe leta ʼi Papiloni te kau mate ʼo te kele katoa.
50 Ia koutou ʼae neʼe hao mai te heleta, ʼaua naʼa kotou tutuʼu, kotou haga olo!+
Kotou manatuʼi ia Sehova mai te potu mamaʼo ʼae ʼe kotou nonofo ai,Pea ʼaua naʼa kotou galoʼi ia Selusalemi.”+
51 “Neʼe fakalainoaʼi matou he neʼe matou logo ki ni vava.
Kua matou ufiufiHe neʼe tauʼi e ni matapule te ʼu potu taputapu ʼo te fale ʼo Sehova.”+
52 ʼE ui e Sehova: “ ʼE hoko mai anai te ʼahoʼAe ka au maumauʼi ai ʼona fakatataPea ʼe lauga anai te kau lavevea ʼo tona fenua katoa.”+
53 “Tatau aipe pe ʼe hake ia Papiloni ʼo kaku ki te lagi+Peʼe ina fakamalohiʼi ʼona kolo tau,Kae ʼe au fekauʼi anai ki ai ni kau fakatupu maumau,”+ ko te ui ʼaia ʼa Sehova.
54 “Koʼeni, ʼe logo he kalaga mai Papiloni,+Mo te logoaʼa ʼo he toe malaʼia mai te fenua ʼo te kau Kaletea,+
55 He ʼe maumauʼi e Sehova ia PapiloniPea ʼe ina fakagata anai tona leʼo lahi.ʼE gugulu anai ʼonatou peau ohage ko ni vai lalahi,
Pea ʼe logoʼi anai tonatou leʼo.
56 ʼE haʼu anai te tagata fakatupu maumau ki Papiloni.+ʼE puke anai ʼona tagata tau,+Pea ʼe fasifasiʼi anai ʼanatou nahau.Ko Sehova ko he ʼAtua ʼe ina fakatuʼā ʼi te faitotonu.+
ʼE ina fakamauʼi anai te takitokotahi ʼo mulimuli ki tana aga.+
57 ʼE au fakainu anai ke konana ʼona tama ʼaliki, mo ʼona kau popoto,+Mo ʼona kovana, mo ʼona pule pea mo ʼona tagata tau,Pea ʼe natou momoe fualoa anaiʼO mole natou toe ʼaʼala ake,”+ ko te ui ʼaia ʼa te Hau ʼae ko tona huafa ko Sehova ʼo te ʼatu kautau.
58 Koʼeni te folafola ʼa Sehova ʼo te ʼatu kautau:
“ ʼE maumauʼi katoa anai te kaupa ʼo Papiloni logo la tona matolu,+Pea logo la te maʼoluga ʼo ʼona matapa kae ʼe tutu anai.
ʼE kinakina noa anai te hahaʼi.ʼE gaʼegagaʼe anai te ʼu puleʼaga kae ʼe natou hokohoko anai te afi.”+
59 Koʼeni te fakatotonu ʼa te polofeta ko Selemia kia Selasa, foha ʼo Nelisa,+ foha ʼo Makesesa ʼi te temi ʼae neʼe alu ai ia Selasa ki Papiloni mo te Hau ʼo Suta ko Setesiasi ʼi te fa taʼu ʼo tona temi pule. Ko Selasa ʼae neʼe tokaga ki te ʼu meʼa ʼa te hau.
60 Neʼe hiki e Selemia ki te tohi ʼe tahi ia te ʼu malaʼia fuli ʼae neʼe tonu ke hoko ki Papiloni, te ʼu tautea fuli ʼae neʼe tala ʼo ʼuhiga mo Papiloni.
61 Pea neʼe ui e Selemia kia Selasa: “Ka ke tau atu ki Papiloni, ʼe tonu anai ke ke lau leʼo lahi ia te ʼu folafola fuli ʼaeni.
62 Pea ʼe ke ui anai: ‘Sehova e, neʼe ke tala ʼe maumauʼi anai te koga meʼa ʼaeni ʼo mole toe maʼu ai he tahi peʼe ko ni manu, pea ʼe tuʼu lavaki anai ʼo talu ai.’+
63 Pea ka ʼosi anai tau lau ia te tohi ʼaeni, ʼe ke haʼi anai ki ai he foʼi maka pea ke li ki te loto Efalate.
64 Pea ʼe ke ui leva anai: ‘ ʼE feia anai te mou ʼo Papiloni pea ʼe mole toe tuʼu ake anai ia+ ʼuhi ko te malaʼia ʼae ka au fakato ki ai. Pea ʼe gaʼegagaʼe anai tana hahaʼi.’ ”+
ʼE fakaʼosi ʼi heni ia te ʼu folafola ʼa Selemia.
Nota
^ ʼE lagi ko he tahi higoa ʼo Kaletea.
^ Peʼe lagi “kotou fakafonu ʼaki te ʼu ʼaiʼaga nahau.”
^ Peʼe “ukamea neʼe haka.”
^ ʼE fakaʼuhiga ki te vahe ʼo he tofiʼa.
^ ʼE lagi ko he tahi higoa ʼo Papele (Papiloni).
