Selemia 21:1-14
21 Koʼeni te ʼu folafola ʼa Sehova kia Selemia. Neʼe fekauʼi e te Hau ko Setesiasi+ ia Pasule,+ foha ʼo Malekisa mo Sofoni,+ foha ʼo Maasesa, te pelepitelo, ke olo ʼo kole ki ai:
2 “Fakalelei siʼou loto, kae ke ke fakafehuʼi ia Sehova he ʼe tauʼi tatou e te Hau ʼo Papiloni ko Nepukanesa.*+ ʼE lagi fakahoko anai e Sehova maʼa tatou ia he meʼa fakaofoofo ke tupu ai he mavae ʼa Nepukanesa.”+
3 Neʼe tali age e Selemia kia natou: “Koʼeni te meʼa ʼae ʼe tonu ke kotou ui kia Setesiasi:
4 ‘Koʼeni te folafola ʼa Sehova, te ʼAtua ʼo Iselaele: “Kotou fagono mai. ʼE au toe fakahaga atu anai kia koutou te ʼu mahafu ʼae ʼi ʼokotou nima, ʼae ʼe kotou tauʼi ʼaki te hau ʼo Papiloni+ pea mo te kau Kaletea ʼae ʼe natou ʼa takai koutou mai tuʼa. ʼE au fakatahiʼi anai te ʼu meʼa ʼaia* ʼi te loto kolo ʼaeni.
5 ʼEi, ʼe au tauʼi totonu anai koutou+ ʼaki toku nima malohi mo toku mafimafi, pea ʼe au fakato anai kia koutou toku hauhau mo toku ita.+
6 ʼE au fakato anai ia he malaʼia ki te hahaʼi ʼo te kolo ʼaeni, ʼo tatau pe te tagata mo te ʼu manu. ʼE natou mamate anai ʼi he taʼi mahaki kovi.” ’+
7 “ ‘ ʼE ui e Sehova: “ ʼI te ʼosi ʼo te ʼu meʼa ʼaia, koʼeni leva te meʼa ʼae ka hoko ki te Hau ʼo Suta ko Setesiasi, mo ʼana kau faifekau, mo te hahaʼi ʼo te kolo ʼaeni pea mo natou fuli ʼae ka hao ʼi te ʼu mahaki, mo te tau pea mo te hoge. ʼE au tuku anai natou ki te nima ʼo te Hau ʼo Papiloni ko Nepukanesa, ʼei, ki te nima ʼo ʼonatou fili pea mo natou ʼae ʼe natou fia matehi natou.+ ʼE ina matehi anai natou ʼaki te heleta. ʼE mole fakaʼofaʼofa anai, ʼe mole manavaʼofa anai pea ʼe mole tokaga anai kia natou.” ’+
8 “ ʼE ke ui anai ki te hahaʼi ʼaeni: ‘Koʼeni te folafola ʼa Sehova: “ ʼE au tuku ʼi ʼokotou muʼa te ala ki te maʼuli pea mo te ala ki te mate.
9 ʼE mamate anai ia natou ʼae ka nonofo ʼi te kolo ʼaeni ʼi te tau, mo te hoge pea mo te ʼu taʼi mahaki. Kae ʼe hao anai ia natou fuli ʼae ka mavae ʼo olo ki te kau Kaletea ʼae ʼe natou ʼa takai koutou. ʼE natou maʼu anai tonatou fakapale ʼae ko te maʼuli.” ’+
10 “ ‘’E ui e Sehova: “ ʼE au fakatotonu ke ʼaumai ki te kolo ʼaeni ia te malaʼia kae mole ko te lelei.+ ʼE tuku anai ia ia ki te nima ʼo te hau ʼo Papiloni+ pea ʼe ina maumauʼi anai ’o tutu.”+
11 “ ‘Ia koe, hau ʼo Suta pea mo koutou fuli ʼae ʼe nonofo ʼi tona fale hau, kotou fagono ki te folafola ʼa Sehova.
12 Hakoga ʼo Tavite, koʼeni te meʼa ʼae ʼe ui e Sehova:
“Kotou lagolago ki te faitotonu ʼi te uhu fuli,Pea kotou puipui ia natou ʼae ʼe kaihaʼa e te hahaʼi agakaka,+Naʼa mu toku hauhau ohage ko he afi+ʼUhi ko ʼakotou aga ʼae ʼe kovi,+Pea ʼe mole ʼi ai anai he tahi moʼona matehi.” ’
13 ‘ ʼE au fakafeagai anai kia koe ʼae ʼe nofo ʼi te potu fenua laulelei,Te ʼutu ʼae ʼe maʼoluga ʼi te fenua laulelei,’ ko te ui ʼaia ʼa Sehova.
‘Kae kia koutou ʼae ʼe kotou ui: “Ko ai ʼae ʼe feala ke ina tauʼi matou?
Pea ko ai ʼae ʼe feala ke ina ulufi ʼomatou nofoʼaga?”
14 ʼE au fakahoko anai kia koutou te meʼa ʼae ʼe tuha mo koutouʼUhi ko ʼakotou aga,’+ ko te ui ʼaia ʼa Sehova.
‘ ʼE au tutu anai tona vao matuʼa,Pea ʼe vela anai te ʼu meʼa fuli ʼae ʼi ʼona tafaʼaki.’ ”+
