Pesalemo 94:1-23
94 Sehova e, ʼAtua ʼo te lagavaka,+Ke mu tou malama, ʼAtua ʼo te lagavaka.
2 Ke ke tuʼu ake, Tuʼi Fakamau ʼo te kele.+
Liufaki ki te kau fiameʼalahi te meʼa ʼae ʼe tuha mo natou.+
3 Sehova e, ʼe kaku anai ki ʼafea,ʼEi, ʼe kaku anai ki ʼafea te fakafiafia ʼa te kau agakovi?+
4 ʼE natou valelau mo fai ni palalau fiatuʼu.ʼE laupisi te kau agamalohi fuli.
5 Sehova e, ʼe natou malamalaki tau hahaʼi,+Mo gaohi koviʼi tou tofiʼa.
6 ʼE natou matehi te fafine vitua mo te matapule,ʼE natou fakapogi te fanau ʼae ʼe hala mo tamai.
7 ʼE natou ui: “ ʼE mole sio ia Sehova* ki te aluʼaga ʼaia.+ʼE mole tokagaʼi e te ʼAtua ʼo Sakopo.”+
8 Hahaʼi vavale, ʼe heʼeki pe la kotou maʼu te fakasiosio poto.Hahaʼi hala ʼatamai, ke kotou mahino ki te faʼahi ʼaeni.+
9 ʼE mole feala koa la ke logo ia Ia ʼae neʼe ina faʼu te taliga?
Peʼe mole feala koa la ke sio ia Ia ʼae neʼe ina faʼu te mata?+
10 Ko Ia ʼae ʼe ina fakatonutonuʼi te ʼu puleʼaga, ʼe mole feala koa ke ina akonakiʼi koutou?+
Ko Ia totonu ʼae ʼe ina foaki te ʼatamai malama ki te tagata.+
11 ʼE iloʼi e Sehova te ʼu manatu ʼa te tagata,ʼE ina iloʼi ʼe ko he meʼa ʼe vaʼiganoa pe ia.+
12 Sehova* e, manuʼia te tagata ʼae ʼe ke fakatonutonuʼi,+ʼAe ʼe ke akoʼi ki ai tau lao,+
13 Ke ke foaki ki ai he fakafimalie ʼi tona temi mamahi,ʼO kaku ki te temi ʼae ʼe keli ai he luo ki te kau agakovi.+
14 ʼE mole liʼakina anai e Sehova tana hahaʼi,+ʼE mole ina galoʼi anai tona tofiʼa.+
15 ʼE toe fai anai te ʼu fakamau ʼi te faitotonu,Pea ko natou fuli ʼae ʼe faitotonu, ʼe natou fakaʼapaʼapa anai ki te ʼu faifakamau ʼaia.
16 Ko ai ʼae ka ina puipui au mai te kau agakovi?
Ko ai ʼae ka lagolago kia au ʼo fakafeagai ki te kau agamalohi?
17 Ka na pau la neʼe mole haofaki au e Sehova,Neʼe vave pe toku matehi.+
18 ʼI taku ui ʼae: “ ʼE heke toku vaʼe,”
Sehova e, neʼe tokoni mai tou ʼofa agatonu.+
19 ʼI te lahi ʼo ʼoku tuʼania,Neʼe ke fakapelepeleʼi mo fakafimalieʼi au.+
20 ʼE feala koa ke kau mo koe ni takitaki* kaka,Kae ʼe natou fakaʼaogaʼi te lao moʼo fakatupu ni mamahi?+
21 ʼE natou tauʼi fakamalohi te tagata faitotonu+Pea mo fakatuʼā ki te mate te tagata ʼae neʼe mole ina fai he meʼa ʼe kovi.+
22 Kae ʼe liliu anai ia Sehova ko toku nonoʼaga moʼoni,Ko toku ʼAtua ko te ʼutu ʼae ʼe au nono ai.+
23 ʼE ina liufaki anai kia natou ʼanatou agakovi.+
ʼE ina pulihi anai ia natou ʼaki pe tanatou agakovi.
ʼEi, ʼe pulihi anai ia natou e Sehova, totatou ʼAtua.+
Nota
^ ʼI te Fakahepeleo, ʼe tuʼu ʼi heni te fakanounou ʼo te huafa ʼo Sehova.
^ ʼI te Fakahepeleo, ʼe tuʼu ʼi heni te fakanounou ʼo te huafa ʼo Sehova.
^ Peʼe “tuʼi fakamau.”
